Dhiëëu 2:11 - JAM DE NHIALIC 2011

¹¹ Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Dhiëëu 2:11 ပူးပေါင်းရင်းမြစ်များ

Jop 16:13

Kɔckɛn thɛ̈ɛ̈r ɛn acïk a tuɔɔk, ku retkï yayic ke cïn kokdepiɔ̈u, abï kethdï wäl wei.

Jop 30:27

Päu cän piɔ̈u päu awëën a yic ku acie jäl, akööl ke nuandït acïk a jɔ cuööp,

Diɛt 119:82

Yɛn cï nyin ŋoot ke ya tït gutguut cï lueel, të yan thiëc an, “Ee nɛn yen bï Yïn yɛn kony?”

Diɛt 22:14

Riɛldï acï thök, cït pïïu cï piaak piny. Yomkï kedhie acïk nyïïn lääu, Piɔ̈ndï acï lɛ̈ɛ̈ŋ cï man ë pïïu.

Diɛt 31:9

Kokëpiɔ̈u we yɛn Bɛ̈nydït, në luɔi cïï nuan a yök, Dhiëëu acïï nyïïnkï be tɔ lëu daai apiɛth, yɛn cïï dhiëëu tiaam guöp.

Diɛt 38:8

Yɛn cï tiaam arëët, ka yɛn ee piɔ̈u dhiau ku ya teer në arɛɛm.

Diɛt 6:7

Yɛn cï nyin tuööp, ku buutë yanyin në dhiën cïï kɔc ke aterdï ya tɔ dhiau.

Diɛt 69:3

Yɛn cï bäp në cɔ̈t kaar en kuɔɔny, ka röldï arem. Nyïïnkï acïk tuööp, ke ya kɔɔr kuɔɔny tëde Nhialic.

Yith 22:4

Ënɔɔnë nyääŋë ya piny ke ya dhiëëu kɔckiën cï thou. Ku duökï them bäk ya duut piɔ̈u.

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Yith 51:20

Në aguuk ke kuɛɛr kedhie, kɔckun ayek wïïk në kɔ̈c cï kek kɔ̈c, acïk ciët ŋeer cï dɔm në wïn yëëp. Acïk riɛl de agönh ë Nhialic jɔ yök thok.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 4:19

Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Jeremia 44:7

“Aguɔ jɔ lueel, Yɛn Bɛ̈nydït Nhialic de Yithriɛl, an, eeŋö ja wek röt luöi kërɛɛc cït ee kënë wapäc. Kaarkï bäk riääk yiɛ̈n röör ku diäär, ku mïth kor, ku mïth ë piacë dhiëëth, ago ciɛ̈n raanduön bï döŋ ë Juda?

Jeremia 8:19

Piɛŋkï! Piny yic ëbɛ̈n, Yɛn ee kɔckï piŋ röt ke ke dhiau an, “Cïï Bɛ̈nydït be tɔ̈u ë Dhiɔn? Cïï melikde bï tɔ̈u ëtɛ̈ɛ̈n?” Go Bɛ̈nydït melikden bɛ̈ɛ̈r an, “Eeŋö ta wek Ɛn göth ë lam ë yiëthkun, ku eeŋö ya wek we nïïm guöt piny në yiëth nïïm?”

Dhiëëu 1:11

Kɔc ke Jeruthalem ayek teer ke ke kɔɔr kë bïk cam. Ayek wëuken waar në këcam bï ke muk apïïr. Pänydït ee cööt, an, “Bɛ̈nydït, tïŋ ɛn, woi ɛn në nuandï yic.

Dhiëëu 1:16

“Yeka wat yɛn nyin wokë pïïu. Acïn raan dut ɛn piɔ̈u, ku acïn raan riit ɛn piɔ̈u. Raan de ater acï yɛn rum, kɔckï acïn kë cï döŋ tëde keek.

Dhiëëu 1:20

“Bɛ̈nydït, tïŋ tɔ̈ɔ̈kdï, tïŋ arɛɛm de yɛn piɔ̈u! Piɔ̈ndï acï dhuɔɔŋ kekë jiɛthëpiɔ̈u në biäk de karɛckï. Ade kɔc näk kɔc ë kuɛɛriic, ayï biökiic aya thuɔɔu anu thïn.

Dhiëëu 5:17

Në biäk de ee kakë wok cïï ë jɔk dɔm piɔ̈ɔ̈th, ku wo cï nyïïn lɔ durdur në pïïu ke wonyïïn,

Luk 23:29

Tiëŋkï, akööl abïk bɛ̈n, akööl bï kɔc yen aa lueel an, ‘Thieithieei ë diëër cï rol, ku madhiëth kën guɔ dhiëth, ku thin kënë kɔn thuat!’

1 Tham 30:4

Go Debid kekë kɔcke dhiau aläl ku reeckï mim agut të bï keek jɔ bäp ke ke cïï dhiëëu be lëu.