Dhiëëu 2:10 - JAM DE NHIALIC 2011

¹⁰ Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Dhiëëu 2:10 ပူးပေါင်းရင်းမြစ်များ

2 Tham 13:19

Go Tamar ŋeth wäl ë yenɔm ku ret lupɔde yic, ku kum yenyin në yecin, ku jiël ke cök e nɔm wei, ke dhiau ë röl dït.

Yith 15:3

Kɔc nu ë kuɛɛriic ku përiic aceŋkï anuɛɛr në ke kɔ̈ɔ̈th ku dhuöör kɔc në ɣööt nïïm nhial ke ke dhiaukï.

Yith 3:24

Luɔi duëër en aa miök tum ke go aa ŋuäc yen ŋörkï, ku luɔi duëër en aa thiönh läk ke go aa wïïn kek cieŋkï, ku luɔi duëër en aa nhïm läk cï ŋiëc nai yen nu në kenïïm ke go aa baar enɔm, ku luɔi duëër en aa lupɔɔ läk kek cieŋkï ke go ye anuɛɛr, ku puk läkden rɔt ke ye ayäär!

Yith 3:26

Dhuöör ku dhiëëu abï nu wutic cil, ku wut guöpde abï ciët tiiŋ cï nyuc piny, ke cï yɔ̈ɔ̈t kɔ̈u bei.

Yith 36:22

Ëtɛ̈ɛ̈n go Eliakim ku Cebana ku Jowa lupɔɔken rɛtiic ë kekɔ̈ɔ̈th, në dhiënëpiɔ̈u, ku lekkï tëde Ɣedhekia, ku lëkkï kë cï Rabcaka bɛ̈ny ë rem de tɔŋ de Athiriya lueel.

Yith 47:1

Aye Bɛ̈nydït lueel an, “Babilon bäär piny në thöönydu nɔm, ku nyuc piny abuui yic ee tënë. Yïn aacï kɔn ciët nyan dhueny kën kɔn yök ke moc, pänydïït kënë kɔn peec, ku yïn cï kɔ̈c ku yïn cïï be ciët täu ɣɔn ril yïn! Yïn cï ya lïm ënɔɔnë!

Yith 47:5

Aye Bɛ̈nydït lɛ̈k kɔc ke Babilon an, “Nyuc ke yï mim në mɔ̈ɔ̈thic, acïk yïn bï bɛ aa cɔɔl an nya bɛ̈ny de juöör!

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Dhiëëu 1:4

Acïn kɔc ee bɛ bɛ̈n në Luaŋdïtic, në akööl ɣeriic ke läm. Duet wään ee ket thïn acï keek thɛl wei, ku bäny de kake Nhialic adhiaukï, ku kɛ̈l ke pänydït thook alek liŋliŋ, ku Dhiɔn guöpde atök.

Dhiëëu 3:28

Të cï wok nuan, wok duëër nyuc wapäc ke wo tït në mim

Dhiëëu 4:16

Bɛ̈nydït acïï be diɛɛr ë biäkden, yen guöp acï keek thiäi piny. Acïn riëëu kekë kokdepiɔ̈u ye nyuöth bänykuɔn ke kakë Nhialic ayï röördïtkuɔ.

Dhiëëu 4:5

Kɔc ɣɔn cïï kuïn piɛth kɔn aa cam athoukï në cɔk ë kuɛɛr yiic. Kɔc ɣɔn muk keek ë pïïr lɔ läŋic, atëërkï kuïn cï cuat wei.

Dhiëëu 5:12

Bänykuɔ acï ke jɔt ku nɔ̈k keek, ku röördïtkuɔ acïï keek ee riëëu gup.

Dhiëëu 5:14

Kɔcdït acïkï ee bɛ rɛ̈ɛ̈r në kal de wut thok, ku dhuök acïkï thom ee bɛ gut.

Edhekiɛl 27:30

Adhiëëukï yïn kedhie në jiɛthëpiɔ̈u, ayek kenïïm wäl abuui ku dɛɛlkï röt në ŋethic.

Edhekiɛl 27:31

Acïk kenïïm muut në këdu ku tɛ̈ɛ̈ukï lupɔɔ ke cual në kekɔ̈ɔ̈th. Acïk piɔ̈ɔ̈th jiɛth arëët të dhiɛɛu kek.

Edhekiɛl 7:18

Keek abïk lupɔɔ ke cuɔl tääu në kekɔ̈ɔ̈th ku abï ke lath ëbɛ̈n. Abïï ke muut nïïm, ku abïk gup yäär kedhie.

Jowɛl 1:8

Dhiaukï cït man ë nyan dhueny dhiëëu monydɛn ë dhuuk kek cï ye thiaak.

Amoth 5:13

Yen aye raan pelnɔm thok mim ke cïn kë lueel në akööl ke kërac!

Amoth 8:13

Ku në ee köölë, dhueec läk ku dhuök abïk wïïk në rou.

Amoth 8:3

Në ee köölë, diɛt ke luaŋ ë bääny, abïk röt puk aye dhiëëu. Gup ke kɔc cï thou, abïk dhɔt piny ëbɛ̈n. Ku abïï keek aa cuat wei ke kɔc ë ke mim thook.

Jona 3:6

Ku tɛ̈ɛ̈u meliŋ de Ninebe löŋ piny, lëk kɔc ke Ninebe kedhie an, “Kënë ee löŋ cä tääu piny, yɛn bɛ̈ny tueŋ wökë bäny nu në yacök, ë ciën raan de kë ciɛm, kɔc kedhie, ayï ɣɔ̈k, ayï thök, ëke cïï lony lek nyuäth, ayï dëk.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

Nyuuth 18:19

Agokï abuui dɛɛny ë kenïïm, kiiukï, ku dhiaukï, ku biëkkï keyöth, luelkï, an, “Amawoou! Madinoou, gök de pänydït oou! Pänydïït cï kɔc tɔ kueth ë wëu thïn kedhie, kɔc de abëëlkɛn ee cath ë wɛ̈ɛ̈ric, në juëc juëc ë wëuke! Ee thaar tök tei en aa tɔ ye kuany nyin oou!”