Dhiëëu 2:1 - JAM DE NHIALIC 2011

¹ Bɛ̈nydït acï nyan de Dhiɔn kum ë mɔ̈ɔ̈th në agönhde. Läkdɛn de paannhial acï puk ke ee riääk. Në kööl de agönhde acï Luaŋdït pɔ̈l aya.

Dhiëëu 2:1 ပူးပေါင်းရင်းမြစ်များ

2 Tham 1:19

“Bäny ke Yithriɛl acïk thou në kur ke Yithriɛl nïïm! Jööt ril ke rem de tɔŋda acïk wïïk!

1 Lëk 28:2

Go Debid rɔt jɔt ë kenïïm ku jiëëm keek an, “Piɛŋkï kë luɛɛl, wek mïthëkɔckuɔ ku kɔc ke paanda. Yɛn de piɔ̈u luɔi duɛ̈ɛ̈r ɛn ɣön duëërë Athänduŋ de män de Bɛ̈nydït lɔ̈ŋ thïn yïk, të bïï Bɛ̈nydït Nhialicda yecök aa kan. Yɛn cï kake yïŋ de Luaŋdït dhuɛ̈ɛ̈ŋ ɛn ye guöp kiëët ëbɛ̈n.

Diɛt 132:7

Goku lueel an, “lokku ɣön de Bɛ̈nydït, lok lɛmku në thööcde nɔm.”

Diɛt 89:45

Acï guɔ tɔ dhiɔp ke kaam ë ŋoot, ku tɔ yäär guöp.

Diɛt 99:5

Pianykï Bɛ̈nydït Nhialinyda, lämkï ë thööcde nɔm! Yen Aɣeric!

Yith 64:11

Ku ɣöndan ɣeric läk, të wään ye kuarkuɔ yï piɔɔny thïn, acï riɔ̈ɔ̈k në mac. Ɣään piɛthkuɔ kedhie acï ke riɔ̈ɔ̈k.

Jeremia 30:14

Kɔc nhiaarkï acïk nïïm määr ë week, acïkï we be kuɔny. Wek cä mak cï raan de ater, luɔi cän we luöi këtuc atuc arëët, në biäk juëc ë awɛ̈ɛ̈ckun, ku kërɛɛcdun adït.

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Dhiëëu 4:1

Adhääp acïï be lɔ riauriau, adhäm awai acï rɔt waar, kur ɣeriic ke Luaŋdït acï ke wɛɛr piny ë kuɛɛr yiic ëbɛ̈n.

Dhiëëu 4:11

Bɛ̈nydït acï agönhdɛn tuc aläl wɛ̈lnɔm Dhiɔn, acï Dhiɔn ɣök many cï yen nyuɔp piny ayï këërkëërde.

Edhekiɛl 13:13

Ënɔɔnë kë lueel ë Bɛ̈nydït Awärjäŋ kï: “Në agönhdï yɛn bï yom dït tuɔɔc, ku wäl deŋ piny, ku deŋ kɔi ke ke bï päny jäp piny.

Edhekiɛl 19:12

Ku jɔ ë ciin göth nyuän thar bei ayï mei ku cuɛt piny. Go yom de aköl amiäk mïthke tɔ ril wei. Go kërke dhuɔɔŋ, agokï riɛl ku cuɛtë mɛɛc bïk dëp.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Edhekiɛl 30:18

Mɔ̈ɔ̈th abï lööny ë Tapaneɣeth kɔ̈u, të le Yɛn riɛl de Rip dhoŋ kɔ̈u, ku ja riɛldɛn wään ye kek kenïïm lɛc tɔ thök. Luät abï Rip kuöm piny, ku kɔc ke pɛ̈ɛ̈nydïtke kedhie abï ke peec ke ke mac.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Math 11:23

Ku yïn, Kapernaum, yïn cï jat nhial aɣeet yïn paannhial, ku yïn bï bɛ̈ɛ̈i piny aɣeet yïn paan ë thuɔɔu, tëë cï luɔi ril looi ë Thɔdom cït man cï ke looi ë yïyic, adï cï tɔ̈u aɣet cï ënɔɔnë.

Luk 10:15

Ku yïn Kapernaum, yïn cï jat nhial aɣet paannhial, yïn bï bɛ̈ɛ̈i piny aɣet paan ë thuɔɔu!”

Luk 10:18

Go ke yɔ̈ɔ̈k an, “Yɛn ë Catan tïŋ ke lööny piny paannhial cït man ë wilëdeŋ.

1 Tham 4:21

Ago meth cäk an Yikabod, lueel an, “Dhuëëŋ de Nhialic ë jäl Yithriɛl.” Në luɔi cïï Athänduŋ de Män de Bɛ̈nydït peec, ku thou wurɔ̈ɔ̈rde kek monyde.

1 Tham 4:22

Aa lueel an, “Dhuëëŋ de Nhialic ë jäl ë Yithriɛl në luɔi cïï Athänduŋ de Män de Bɛ̈nydït peec.”