Dhiëëu 1:20 - JAM DE NHIALIC 2011

²⁰ “Bɛ̈nydït, tïŋ tɔ̈ɔ̈kdï, tïŋ arɛɛm de yɛn piɔ̈u! Piɔ̈ndï acï dhuɔɔŋ kekë jiɛthëpiɔ̈u në biäk de karɛckï. Ade kɔc näk kɔc ë kuɛɛriic, ayï biökiic aya thuɔɔu anu thïn.

Dhiëëu 1:20 ပူးပေါင်းရင်းမြစ်များ

Jop 30:27

Päu cän piɔ̈u päu awëën a yic ku acie jäl, akööl ke nuandït acïk a jɔ cuööp,

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Diɛt 22:14

Riɛldï acï thök, cït pïïu cï piaak piny. Yomkï kedhie acïk nyïïn lääu, Piɔ̈ndï acï lɛ̈ɛ̈ŋ cï man ë pïïu.

Diɛt 38:8

Yɛn cï tiaam arëët, ka yɛn ee piɔ̈u dhiau ku ya teer në arɛɛm.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Yith 16:11

Yɛn kïm në dhiënëpiɔ̈u në biäk de Mowap, ku jiɛth piɔ̈u në biäk de Kirɣereth.

Yith 38:14

Yɛn ë röl kuur ku acïï be ë piŋ, ka yɛn aa dhiau cït guuk. Yɛn ë nyin ŋoot në luɔi wɔi yɛn paannhial. Bɛ̈nydït acï a luäk në nuanë yic ëbɛ̈n.

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Jeremia 14:20

Bɛ̈nydït, Yïn cuk luöi awäc, wok cï karɛckuɔ gam, ku gɛmku karɛc ke kuarkuɔ.

Jeremia 2:35

Ayak lueel an, ‘Wok cïn gup awɛ̈ɛ̈c, ee yic Bɛ̈nydït acïï be ŋoot ke göth ke wook.’ Ku yɛn Bɛ̈nydït wok bä luöi këtuc në biäk cä wek jai nɔn cïn en awäny cäk looi.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 4:19

Arɛɛm! Yɛn cïï arɛɛm bï lëu në guöm! Ya piɔ̈u! Yɛn cï piɔ̈u lɔ lik arëët! Yɛn cïï duëër mim, yɛn cï röl de kɛŋ piŋ akoth, ku awuɔɔu de tɔŋ.

Jeremia 48:36

“Ka piɔ̈ndï adhiëëu Mowap kekë kɔc ke Kirɣereth, cït man de raan kiit din de dhiëëu ë aruöör, në biäk cïï këriëëcden ëbɛ̈n jäl.

Dhiëëu 1:11

Kɔc ke Jeruthalem ayek teer ke ke kɔɔr kë bïk cam. Ayek wëuken waar në këcam bï ke muk apïïr. Pänydït ee cööt, an, “Bɛ̈nydït, tïŋ ɛn, woi ɛn në nuandï yic.

Dhiëëu 1:18

“Ku Bɛ̈nydït apiɛth piɔ̈u, në biäk kɛ̈n ɛn En riëëu guöp. Piɛŋkï këdï, wek kɔc ceŋ piny nɔm ëbɛ̈n, tiëŋkï yɛn në arɛɛmdï yic. Dhuökï ku duetkï acï keek jɔt ke ke cï peec.

Dhiëëu 1:8

Jeruthalem acï rɔt riɔk në kërac. Dhuëëŋ de acï jäl, acïn kɔ̈u lupɔ ku aye dɔl guöp. Ee teer ku ee ye nyin kum në ayäär.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Dhiëëu 2:11

Nyïïnkï acï ke but në dhiëëu, ku rem a piɔ̈u. Yɛn cï bäp wokë dhiënëpiɔ̈u në riääk cïï ë kɔckï riɔ̈ɔ̈k. Mïthkor ku mïththii ateteet ayek thɔ̈ɔ̈k në kuɛɛr ke pänydït yiic.

Dhiëëu 5:16

Acïn kë cï döŋ në kak ee wook tɔ lec röt. Amawoou në wook, wok cï karɛc looi, ku ënɔɔnë wok cï luöi këtuc.

Edhekiɛl 7:15

Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.

Danyel 9:5

“Wok cï karɛc looi, wok ee kɔc rac, wok cï wäc. Wok cï kë cï lɛ̈k wook an, loiku rɛɛc, ku yɛlku röt wei në lööŋ ku wëët piɛth cï nyuöth wook.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣabakuk 3:16

Yɛn ëbɛ̈n lath yäc wën piɛŋ ɛn ee kënë ëbɛ̈n, yɛn cï bɛ̈n lath röl në riɔ̈ɔ̈c. Guɔ guöp lɔ bath, ku lɛthë yacök të wën kääc ɛn. Yɛn bï tïït ë lik në bɛ̈n bïï ë kööl bïï ë Nhialic kɔc ee wook mak bɛ̈n luöi këtuc.

Nyöŋ 32:25

Ku tɔŋ abï thuɔɔu bɛ̈ɛ̈i në kuɛɛriic, ku riɔ̈ɔ̈c abï keek yuöp piny në ɣöötic. Dhuök ku duet abïk thou, ku acïn mɛnh koor ayï monydït bïï pɔ̈l.