Dhiëëu 1:14 - JAM DE NHIALIC 2011

¹⁴ “Acï karɛckï ŋic kedhie ku duut keek ëbɛ̈n tëtök. Ku nɔ̈ɔ̈k keek ë yayeth, aguɔ jɔ kɔ̈c në ɣɔ̈ɔ̈cden. Bɛ̈nydït acï yɛn gäm kɔc ke aterdï, ka yɛn cï nɔm ciën kony ë kenïïm.

Dhiëëu 1:14 ပူးပေါင်းရင်းမြစ်များ

Kɛ̈ŋ 5:22

Awäny de raan ee kërac looi acït wïn ë dɛ̈p. Aye wïn ë dɛ̈p de karɛc yek looi keek dɔm.

Yith 14:25

Yɛn bï Athiriya riɔ̈ɔ̈k pinydiën ë Yithriɛl, ku duöm ke yiic në kurkï nïïm. Yɛn bï kɔckï luöny bei në yaaŋ de Athiriya yic, ku bɛ̈ɛ̈i kathiek ɣɛ̈ɛ̈ckï bei.

Yith 47:6

Yɛn aa göth wo kɔckï, acä ke luööi cït ka cïï be aa kɔckï: acä ke tääu në yïciin ku akën ë keek nyuöth kokdepiɔ̈u, acakaa kɔc cï dhiɔp acï keek luööi arac.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 27:12

Yɛn cï ee këmanë lɛ̈k Dhedekia melik de Juda an, “Gämë rɔt melik de Babilonia. Luööiyë, ku luööiyë kɔcke, ku yïn bï pïïr.

Jeremia 27:8

“Ku na de jur ku nɔn ee ciɛɛŋ cïï Nebukadnedhar bï aa luööi, Yɛn bï ee jurë kuum në tɔŋ, ku cɔk, ku jɔɔk agut të bän yen tɔ riɔ̈ɔ̈k ë Nebukadnedhar taitai.

Jeremia 28:13

Lɔ lɛ̈kë Ɣanania an, “Acïï Bɛ̈nydït lueel an, Yïn cï wai ke tiim dhoŋ kɔ̈ɔ̈th, ku Yɛn bï nyinden luöi yic wai ke wëëth.

Jeremia 28:14

Acïï Bɛ̈nydït de rɛm, Nhialic de Yithriɛl lueel, abï wai de wëëth tääu në ee juöörkë yiëth kedhie, ku abïk melik Nebukadnedhar de Babilonia aa luööi. Acïï Bɛ̈nydït lueel nɔn bï yen läi roor tɔ luui Nebukadnedhar.”

Jeremia 32:3

Në biäk cï melik Dhedekia ya mac, ku ciëk yathok an cä lueel nɔn cïï Bɛ̈nydït ye lueel an, “Yɛn bï melik de Babilonia tɔ pec ee pänydïïtë,

Jeremia 32:5

Dhedekia abïï lɛɛr Babilonia, ku abï tɔ̈u ëtɛ̈ɛ̈n aɣet të bän ye neem. Cakaa yen ë thäär ke kɔc ke Babilonia acïn kë bïï lëu. Acä lueel, Yɛn Bɛ̈nydït.”

Jeremia 37:17

Na wën ke melik Dhedekia tuc ya raan, ku jɔ yɛn luɔp yatök ɣön ë bääny an, “De jam cï bɛ̈n tëde Bɛ̈nydït?” Aguɔ bɛ̈ɛ̈r ku luɛɛl an, “Ade jam, ku yïn bïï gäm melik de Babilonia.”

Edhekiɛl 11:9

Wek bä bɛ̈ɛ̈i bei ë pänydït yic ku gäm week alɛi. Wek cä ke mäc thuɔɔu,

Edhekiɛl 21:31

Wek bï agönhdï yök, të la yɛn en pɔ̈l ke lääuwic në yïguöp cït many dɛ̈p. Wek bä gäm kɔc rac, kɔc ŋic riääk de käŋ.

Edhekiɛl 23:28

Kë cïï Bɛ̈nydït Awärjäŋ lueel kï an, “Wek bä keek gäm kɔc mankï keek, ku rackï piɔ̈ɔ̈th në keek.

Edhekiɛl 25:4

Në biäk cä wek piɔ̈ɔ̈th miɛt, yɛn bï dhiën tɔ̈u në jɔ̈ɔ̈ric të lɔ aköl amiäk tɔ pec week. Abïk pɛɛnyken piäät pinydun ku rëërkï ëtɛ̈ɛ̈n. Abïk mïth ke tiimkun cam ku ruëthkï ciɛkun ka duëër aa kakun.

Edhekiɛl 25:7

Në biäk de kë cäk looi, wek bä ke tääu në riɛl de juöör kɔ̈k cin, kɔc bï week rum ku yiɛkkï week. Wek bä riɔ̈ɔ̈k taitai, ka wek cïï bï bɛ aa jur, ku ciënkï piny de nɔmdun. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Ɣodh 5:14

Në biäk bän rɔt dɛ̈ny kɔc ke Yithriɛl cït köör, ku dɛ̈ny rɔt kɔc ke Juda cït man ë ŋun ë köör. Abä keek rɛtiic Yɛn guöpdï, ku nyääŋ keek piny. Abä keek kuaath, ku acïn raandɛn bï keek luäk bei në yaciin.

Maika 2:3

Ago Bɛ̈nydït lueel an, “Piɛŋkï, wek ee kɔckë, wek luöi keek këtuc, kë cä wek weyiëth bï lëu në luny. Ka wek cïï bï bɛ cath ke we ɣɛ̈ɛ̈c wenïïm, në luɔi bï kek aa kööl rac arëët.

Nyöŋ 28:48

Ka ënɔɔnë, wek bï kɔc ke ater aa lɔ luööi, kɔc bïï Bɛ̈nydït keek tuöc week. Wek bïï cɔk nɔ̈k kekë reu, ku ciënkï kɔ̈ɔ̈th lupɔɔ, ku we bï këriëëc ëbɛ̈n aa kɔɔr. Bɛ̈nydït abï week yɔŋ cï ka ɣɛ̈ɛ̈c wëëth agut të bïï ë week riɔ̈ɔ̈k.