Dhiëëu 1:10 - JAM DE NHIALIC 2011

¹⁰ Kɔc ke ater acïk wëuke peec kedhie. Acï keek tïŋ ke ke lɔ tëɣeric guöp, të cïï Bɛ̈nydït pɛ̈n juöör cie Judai, ke ke cïï bï aa lɔ në akutnɔmdu yic.

Dhiëëu 1:10 ပူးပေါင်းရင်းမြစ်များ

2 Lëk 36:18

Go melik de Babilonia ka tɔ̈u në ɣön ë Nhialicic peec kedhie, ku peec wëu tɔ̈u në ɣön ë Bɛ̈nydïtic, ku wëu juëc ke melik, ku wëu ke bänyke, ku jɔt këriëëc ëbɛ̈n leer Babilon.

Neɣe 13:1

Na ɣɔn ee köölë yic ke ke jɔ lööŋ ke Mothe kuɛ̈n kɔc në röl dït, gokï ɣëët tëde cöök ee ye lueel an cïn raan de Ammon ku raan de Mowap bï pɔ̈l ke ke bɔ̈ në amatnɔm de kɔc ke Nhialic yiic.

Yith 63:18

Wook, wok kɔckuön ɣer yiic, wok cïï ë kɔc ke aterda cuɔp wei, në kaam thiin akäŋ: acïk tëduön ɣeric duöm piny.

Jeremia 15:13

Go ë Bɛ̈nydït lɛ̈k ɛn an, “Yɛn bï kɔc ke ater tuɔɔc bïk wëu ku kajuëc ke kɔckï lɔ jɔt, në baŋ bän ke luöi këtuc në biäk de karɛc cïk looi pinyden ëbɛ̈n.

Jeremia 20:5

Ku yɛn bï kɔc ke aterden tɔ rum kuɛth de ee pänydïïtë, nömkï kaken ku wëuken ëbɛ̈n, ayï wëu ke melik de Juda, ku jɔt käŋ ëbɛ̈n leer ke Babilonia.

Jeremia 27:19

Ku kë cïï Bɛ̈nydït de rɛm lueel kï në biäk de wai, ku löör de maläŋ, ku kuc, ku wëu kɔ̈k ke luaŋdït.

Jeremia 27:21

“Piɛŋkï kë ë lueel Bɛ̈nydït de rɛm, Nhialic de Yithriɛl, kë lueel në biäk de wëu cï döŋ ë Luaŋdïtic ku ɣön ë bäänyic ë Jeruthalem:

Jeremia 50:28

(Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 51:51

Ayak lueel an, ‘Wok cï yɔ̈ɔ̈r, ku tɔ wo yäär gup, wok ee röt yök ke wo cïn kony taitai, në biäk cï alɛi ɣään ɣer yiic nööm ë Luaŋdït yic.’

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Dhiëëu 1:7

Acï döŋ yetök ënɔɔnë, yen Jeruthalem, ku ee läkdɛn ɣɔn thɛɛr tak. Wään lööny en, në kɔc ke ater cin, acïn raan cï yen bɛ̈n kony. Ku kɔc ke aterde acïk en dɔl guöp ɣɔn wïïk en.

Edhekiɛl 44:7

Acïk tëdiën ɣeric riɔ̈ɔ̈k në luɔi cï kek kɔc alɛi kënë cueel cïï Yɛn ee riëëu tɔ lɔ Luaŋdït, të wën ye miɔ̈c de kɔl ku riɛm de ka cï nɔ̈k gäm Yɛn. Ka kɔckï acïk mändï dhoŋ kɔ̈u në karɛc juëc cïk keek looi.

Edhekiɛl 7:22

Yɛn cïï bï lɔ në kaken yiic, të cï kek ɣöndiën ë Bɛ̈nydït riɔ̈ɔ̈k, ku të cï cuɛ̈ɛ̈r lɔ thïn ku riäkkï keek.

Edhekiɛl 9:7

Go Bɛ̈nydït lɛ̈k keek an, “Takï Luaŋdït nhiany! Thiäŋkï kalde yic në gup ke kɔc cï thou. Lakkï ë luɔi yic! Gokï luɔi ë näŋ de kɔc gɔl në pänydïtic!”

Mak 13:14

Të cä wek kënhiɛɛny ee käŋ riɔ̈ɔ̈k tïŋ, kënhiɛɛny cï lueel ë tiët Danyel, të cä wek e tïŋ ke kääc të cïï en duëër kɔ̈ɔ̈c, (Raan kuen në ye cök ë piŋ eenë!) Ke kɔc nu Juda ë ke kɔt ke ke lɔ ë kuurdït yiic:

Nyöŋ 23:3

“Acïn raan de Ammon, ku nɔn ee raan de Mowap, ku nɔn ee mïth ke mïthken, bïï lɔ në amatnɔm de kɔc ke Bɛ̈nydït yiic, agut cï rem ye rɛm thiëër.

Nyöŋ 23:4

Acïk jaai bïk week gäm këcam kekë pïïu wään bä wek bei në Rip, ku acïk Balaam wën de Beyor, raan wun de Pethor ë Methopotamia riɔp bï week läm aciɛɛn.