Dhek 8:5 - JAM DE NHIALIC 2011

⁵ Ku kuɛɛr ke Jeruthalem abïk bɛ thiäŋ në mïth thuɛ̈ɛ̈c, mïthwät, ku mïth duet.

Dhek 8:5 ပူးပေါင်းရင်းမြစ်များ

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Jeremia 31:27

“Acä lueel Yɛn Bɛ̈nydït an akööl abïkï, akööl bän baai de Yithriɛl kekë baai de Juda thiɔ̈ɔ̈ŋ ë kɔc ku läi.

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Dhiëëu 2:19

Në wɛ̈ɛ̈ric wakɔ̈u ëbɛ̈n, ye rɔt jɔt, ku be rɔt jɔt ku tɔ dhiëëu lɔ tëde Bɛ̈nydït. Wälë yïpiɔ̈u Bɛ̈nydït ku läŋ bïï piɔ̈u kok kekë mïthku. Mïth athoukï në cɔk në aguuk ke kuɛɛr ëbɛ̈n.

Dhek 2:4

Ku lëk en an, “Kɔt, lɔ lɛ̈kë ee wën dhuŋ muk wïn ë thëm an, Jeruthalem abï yïk cït man ë bɛ̈i, ka acïn kal bï yïk, ku abï thiäŋ ke kɔc juëc arëët, ku ɣɔ̈k juëc.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.