Dhek 3:8 - JAM DE NHIALIC 2011

⁸ Piŋ apiɛth Jocua, yïn bɛ̈nydïït ë kake Nhialic. Ku tɔ piŋ ë kɔc lui në yïn aya, kɔc cï ke tɔ nyooth ka bï bɛ̈n. Yɛn bï lïmdï bɛ̈ɛ̈i, lïm cɔl Këër.

Dhek 3:8 ပူးပေါင်းရင်းမြစ်များ

Diɛt 71:7

Ciɛɛŋdï aye kääŋ tëde kɔc juëc, në luöi ee Yïn konydiën ril.

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Yith 20:3

Na wën, aacï Acedɔd peec, go Bɛ̈nydït lueel an, “Raan ee ya luöi cɔl Yithaya aaye cath ke cïn kɔ̈u lupɔɔ ku cïn war në run kadiäk. Kënë ee kïn de ke bï tuöl në Rip ku Ethiopia.

Yith 4:2

Ade kööl bɔ̈, kööl bï Bɛ̈nydït tiim ee luɔk ë mïth piath ëbɛ̈n piny thiɔ̈ɔ̈ŋ tëdïït lääu, ku bïk yïth piath. Kɔc ke Yithriɛl cï döŋ apïr kedhie, abïk piɔ̈ɔ̈th miɛt ku yek kepiɔ̈ɔ̈th biɔ̈ɔ̈k në kɔ̈thiic kɔ̈th cï luɔk pinyden.

Yith 42:1

Aye Bɛ̈nydït lueel an, “Awundï kï, raan cä gäm riɛl raan cä lɔc, raan miɛt ɛn piɔ̈u wo yen, acä thiɔ̈ɔ̈ŋ në wëikï, ku abï löŋ ŋiëc guiëër juöör ëbɛ̈n.

Yith 49:3

Acï ya yɔ̈ɔ̈k an, “Yithriɛl, yïn ee awundï, në biäkdu kɔc abïk yɛn aa dhuëëŋ guöp.”

Yith 49:5

Bɛ̈nydït ë yɛn lɔc ke ya kënë dhiëëth, acï yɛn tɔ ye awunde bä kɔcke pɔ̈k nïïm ciëën, bä kɔc ke Yithriɛl cï thiäi pɔ̈k nïïm ciëën. Bɛ̈nydït acï ya gäm dhuëëŋ, ee yen awaŋ de riɛldï.

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Yith 8:18

Yakï wokë mïth cïï Bɛ̈nydït gäm ɛn. Bɛ̈nydït de rɛm tɔ̈u ë thööcde ë kuur ë Dhiɔn nɔm, acï wo tuöc kɔc ke Yithriɛl ke wo ye wël pïïr.

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Jeremia 33:15

Në ee köölë Yɛn bï melik lɔc mɛnh piɛthpiɔ̈u në kuat de Debid yic. Yen ee melikë abï yic ku piathëpiɔ̈u aa looi ë piny yic ëbɛ̈n.

Edhekiɛl 12:11

lɛ̈kë keek an kë cï looiyë ee kïn de kë bï tuöl tëde keek, abïk lɔ tëde thiaan ku abï keek peec.

Edhekiɛl 12:6

Tɔ ke woi yïn ke yï cï kakuön wën cï duut tääu në yïkët, ku yïn lɔ të col ke yï cï yïnyin kum, ke yï cïï të le yïn thïn bï tïŋ. Kë cï looi abï aa jäny tëde baai de Yithriɛl.”

Edhekiɛl 24:24

Ëtɛ̈ɛ̈n yɛn bï aa kïndun, wek bï këriëëc ëbɛ̈n cä looi looi. Aye Bɛ̈nydït lueel na cï ee kënë rɔt looi, abäk jɔ ŋic nɔn ee yɛn Bɛ̈nydït Awärjäŋ.”

Edhekiɛl 34:29

Abä ke gäm duum ee ŋiëc luɔk, ku ta cɔk kääc ë piny yic. Acïï juöör kɔ̈k keek bï bɛ aa dhɔ̈l gup

Edhekiɛl 37:24

Melik cït awundï Debid yen abï aa melikden. Abïk keyiic mat kedhie në melik tök cök, ku abïk lööŋkï aa riëëu.

Dhek 6:12

Ku lɛ̈kë yen an aye Bɛ̈nydït de rɛm lueel an, ‘Raan cɔl Këër abï bäny të tɔ̈u en thïn, ku abï Luaŋdït bɛ yïk.

Luk 1:78

Në kok kookë Nhialic Piɔ̈u ke wook, Yen a neemë Runëpiny wook, Runëpiny bɔ̈ nhial,