Dhek 3:2 - JAM DE NHIALIC 2011

² Go tunynhial ë Bɛ̈nydït lɛ̈k Catan an, “Yïn cï Bɛ̈nydït gɔ̈k jɔŋdït rac. Bɛ̈nydït cï Jeruthalem lɔc ë yï jɔ̈ɔ̈ny. Raanë acït thieny ë luɛ̈kë bei ë mac yic?

Dhek 3:2 ပူးပေါင်းရင်းမြစ်များ

2 Lëk 6:5

‘Gɔl të wään bɛ̈ɛ̈i Yɛn kɔckï bei ë Rip agut cï ënɔɔnë, acïn pänydïït töŋ cä lɔc piny de Yithriɛl, ke ee të bïï Luaŋdït yïk thïn bï ë Yɛn aa lam, ku acïn raan töŋ cä lɔc bïï dhiëën ke Yithriɛl wat.

2 Lëk 6:6

Ku ënɔɔnë Yɛn cï Jeruthalem lɔc ke ee të bïï ë Yɛn aa lam thïn, ku lac Debid, bïï kɔckï wat.”’

Diɛt 109:31

në biäk bï yen kɔc kuanynyïïn gël ku kony ke në kɔc ee ke nɔ̈k.

Yith 7:4

lɛ̈kë yen bï yïn ke cïï nin, ku ë pɛ̈l rɔt piny ke cïï riɔ̈c ku cïï piɔ̈u jeth. Agönh de Redhin melik de Thiriya kekë Peka wën ë Remalia melik de Yithriɛl, acïn kë bïk lëu acïtkï many de tiim kaarou tol thook tei.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Dhek 1:17

Ku be ë tunynhial lɛ̈k ɛn nɔn luɛɛl ɛn en an, “Acï Bɛ̈nydït de rɛm lueel nɔn bï pɛ̈ɛ̈nydïtke bɛ bäny, ku lueel nɔn bï yen Jeruthalem bɛ kuɔny, ku nyuooth nɔn yen wunde.’’

Dhek 2:12

Ku Juda abï bɛ aa këde Bɛ̈nydït në pinydɛn ɣeric. Ku abï Jeruthalem bɛ lɔc.

Mak 1:25

Go Yecu jɔ̈ɔ̈ny an, “Lɔ lik, ku bä bei ë yeguöp!”

Mak 9:25

Na wën, aacï Yecu kut ë kɔc tïŋ nɔn bï kek ë ke riŋ ëtök, ke jäny jɔŋ rac yöök an, “Yïn jɔŋ miŋ cïn thok, yïn yɔ̈ɔ̈k an, Bä bei, ku du be lɔ ë yeguöp!”

Luk 22:32

ku yɛn cï lɔ̈ŋ në biäkdu, ke gämdu cïï bï dak: ku yïn, të cï yïn yïpiɔ̈u guɔ puk, ke yï rit mïthëkɔckun piɔ̈ɔ̈th.”

Luk 4:35

Go Yecu jɔ̈ɔ̈ny an, “Mim, ku bä bei ë yeguöp.” Na wën, ke jɔŋ rac jɔ raan wit ë kɔc yiic cil, ku jɔ bɛ̈n bei ë yeguöp, ku kën yiëk tëtök.

Luk 9:42

Na wën, të ŋoot en ke bɔ̈, ke witë jɔŋ rac piny, ku tɔ lɔ juɔ̈kläŋ arëët. Go Yecu jɔŋ rac jɔ̈ɔ̈ny, ku tɔ meth waar, ku jɔ bɛ yiɛ̈n wun.

Jɔn 13:18

“Yɛn cïï jam ë këdun wedhie: yɛn ŋic kɔc cä lɔc: ku këcïgɔ̈ɔ̈r abï dhil aa yic an, ‘Raan cam kuïn ke yɛn ëtök yen aa luui yɛn ater.’

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

Romai 8:33

Eeŋa bï kɔc cïï Nhialic ke lɔc lɔ gaany? Ee Nhialic yen aye Raan ë keek tɔ cïn yiëth gääk!

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.

Juda 1:23

ku yak kɔc kɔ̈k kony në riɔ̈ɔ̈c riääc wek, abäk ke ya dɔ̈ɔ̈r bei mɛɛc, ayï lupɔ aya abäk maan lupɔ cï nyuel në rac de guöp.

Juda 1:9

Ku Maikɔl bɛ̈ny nu ë tuucnhial nïïm, ɣɔn teer en kekë jɔŋdït rac, tëërkï guöp de Mothe, akën nyin riɛl bï jɔt ɣɔn gɔɔny en en, aa luel tei an, “Ee Bɛ̈nydït en bï yï jɔ̈ɔ̈ny!”

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”