Dhek 12:2 - JAM DE NHIALIC 2011

² “Jeruthalem abä tɔ cït abïny ë mɔ̈u, ka juöör nu në yelɔ̈ɔ̈m abïk aa dek ku tuëkï cït kɔc cï wiɛɛt në mɔ̈u. Ku Juda abï gɛɛu cil, ku geeuwë Jeruthalem cil ayadäŋ.

Dhek 12:2 ပူးပေါင်းရင်းမြစ်များ

Diɛt 75:8

Bɛ̈nydït amuk cup në Yeciin, acï thiäŋ kekë mɔ̈n ril de agönhde. Aye wäl wei, ku dek ë kɔc ee karɛc looi kedhie, ayek dek ëbɛ̈n abïk liil yic.

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Jeremia 25:15

Acï Bɛ̈nydït Nhialic de Yithriɛl Lueel an, “Kënë ee cum de mɔ̈u cä thiɔ̈ɔ̈ŋ në agönhdï. Yiɛ̈në juöör ëbɛ̈n, juöör tuɔɔc Yɛn yïn tënu kek, ku tɔ keek dëk në ye.

Jeremia 25:17

Guɔ cup nööm ë Bɛ̈nydït ciin, ku gäm juöör ëbɛ̈n, juöör cï Nhialic ya tuöc keek, ku ta dëk ë ye yic.

Jeremia 49:12

“Na cï kɔc cïï duëërë luöi këtuc, na cï keek guɔ luöi këtuc, yak tak ë wenïïm nɔn duɛ̈ɛ̈r wek ban ke we cïï luiyë këtuc? Ei, we bïï dhil luöi këtuc!

Jeremia 51:57

Yɛn bï bänyken ku röörkɛn pelnïïm tɔ wiɛɛt, ku bäny ke baai, ku rem ë tɔŋ. Abïk lɔ niin ku cïkkï be pääc taitai. Acä lueel Yɛn melik, Ee Yɛn Bɛ̈nydït de rɛm.

Jeremia 51:7

Babilonia aa cït cum de adhääp në yaciin, ta Yɛn juöör ëbɛ̈n wiɛɛt. Juöör acïk mɔ̈nde thiic, ku jɔkï nïïm guɔ riääk.

Jeremia 8:14

Kɔc ke Nhialic ayek lop an, “Eeŋö rëër wok ë lik? Bäkkï kɔtku ku lokku ë pɛ̈ɛ̈nydït cï gël yiic, buk lɔ thou ëtɛ̈ɛ̈n. Bɛ̈nydït Nhialicda acï wook mäc thuɔɔu, acï wook gäm wurïï buk dek, në biäk cï wok En luöi kërac.

Ɣabakuk 2:16

Agönh ë Bɛ̈nydït abɔ̈ të nu wek gupkun ka bäk yök aya, ka we bï ciët ka cï wiɛɛt ku kɔc abïk we bɛ aa dɔl gup. Ku luɔi duëër kek we dhuëëŋ gup ke abïk we bɛ biɔɔn gup ka we bï yäär.

Dhek 14:14

Röör ke Juda abï thɔ̈ɔ̈r ke ke kony Jeruthalem. Abïk kuɛth ë juöör ëbɛ̈n peec, ku jɔtkï adhääp, ku ateek, ku lupɔɔ juëc aläl.

Dhek 14:2

Bɛ̈nydït abï juöör bɛ̈ɛ̈i tëtök bïk tɔŋ bɛ̈n luöi Jeruthalem, pänydït abïï nööm, ɣööt abï keek yak yiic, ku diäär abïï keek wiëët, ku biäk töŋ de kɔc abïï keek peec, ku kɔc kɔ̈kkë abïk döŋ ë pänydïtic acïï keek bïï jɔt.

Nyuuth 14:10

ka yenguöp abï dek ë mɔ̈n ë agönh ë Nhialic, mɔ̈n cï dhiim ë abïny ë agönhdɛn cï tïc, ke cïn kë cï liääp ke ye, ku abï leeŋ wëi në mac ku thulpur ë tuucnhial ɣeriic nïïm, ku Nyɔŋamääl nɔm:

Nyuuth 16:19

Go pänydït e yic tek ë diäk, ku wiëëk pɛ̈ɛ̈nydït ke juöör: go Nhialic Babilon dït tak ë yenɔm, bï gäm bïny de yic mɔ̈n ë tuöc ë agönhdɛn dït.

Nyuuth 18:6

Luöikï kë cït kë wään bï luöi week, luöikï kë cït këde luɔide ku ŋuakkï nyin raanrou. Bïnydɛn wään cï thiɔ̈ɔ̈ŋ tɔ dɛkkï, jakï thiɔ̈ɔ̈ŋ raanrou takï dek.