Dhek 12:1 - JAM DE NHIALIC 2011

¹ Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Dhek 12:1 ပူးပေါင်းရင်းမြစ်များ

Cäk 1:8

Go Nhialic gëlgël cäk an paannhial. Ku kënë aaye cool, ku wɛ̈ɛ̈r de kööl ë rou.

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

Jop 26:7

acï tënhial ku nöök të ɣɔ̈ɔ̈r ku cïn kë thïïr en të piny,

Jop 37:18

Duɛ̈ɛ̈rë Nhialic kuɔny bïï tënhial thɔ̈ɔ̈th, abïï tɔ ril cït acidhadh?

Diɛt 104:2

Yïn cï rɔt kuöm piny në ɣɛɛr. Yïn cï paannhial thiɛth piny cït man ë paany

Diɛt 134:3

Bɛ̈nydït abï yïn thieei në Dhiɔn, raan ë cak paannhial kekë piny!

Wɛ̈ɛ̈t 12:7

Ku abuui ee rɔt dak në abuui yic tën ë bïï yen thïn, ku wëi abïk röt dak tëde Nhialic Raan ë gëm ke wook.

Yith 40:12

De raan duëër dït de abäpdit yic them në yeciin, ku nɔn them en paannhial në yeciin? De raan duëër tiɔɔm de piny nɔm muk në abïny ku nɔn them thiɛk de kuur në kë ye thëm?

Yith 40:22

Aa looi ë raan cï nyuc në thööcde nɔm nhial në piny nɔm ku tënhial kɔ̈u, kɔc ayek ciët amujuŋ të woi yen keek piny, go tënhial thieth cï lupɔ, ku cït paany të ceŋ.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 44:24

“Yɛn ee Bɛ̈nydït, konydun, Ee Yɛn ee raan ë cak week. Ee Yɛn Bɛ̈nydït, Aciëŋ de këriëëc ëbɛ̈n. Ee Yɛn a tök Yɛn aa thieth paannhial, wään luɔi ɛn piny, acïn raan cï ya kony.

Yith 45:12

Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 48:13

Cinkï kek aa loi këërkëër de piny, ku thiɛth Paannhial. Ɣɔn caal Ɛn piny ke të nhial, gokï bɛ̈n raan tök ku nyoothkï röt.

Yith 51:13

Cäk nïïm guɔ määr në Bɛ̈nydït, raan ë cak week, raan ë thieth paannhial ku tɛ̈ɛ̈u këërkëër ke piny piny? Eeŋödäŋ ya wek tɔ̈u në riɔ̈ɔ̈c yic në agönh de kɔc yɔŋ week, kɔc kɔɔr bïk we riɔ̈ɔ̈k? Agönhden acïï week bï bɛ riɔ̈ɔ̈k.

Yith 57:16

Yɛn cï kɔckï gäm pïïr, ku Yɛn cïï bï bɛ ŋoot ke ke gaany ku cä göth wo keek aɣet athɛɛr, në luɔi cï kek bï thou, kek kɔc cä gäm wëi.

Jeremia 10:12

Bɛ̈nydït aa loi piny ë riɛlde, ku ciɛk piny nɔm ë pɛlënɔmde, ku thieth tënhial.

Jeremia 30:10

“Kɔckï duökï riɔ̈c, kɔc ke Yithriɛl duökï piɔ̈ɔ̈th riɔ̈c. Wek bä luök ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï luök, ku acïn raan bä wek bɛ riɔ̈ɔ̈c.

Jeremia 30:16

Ku ë nɔɔnë kɔc ee week rum, abïï keek rum, ku kɔc ke aterdun kedhie abïï keek jɔt ke ke mac. Kɔc ee week yɔŋ kedhie abïï keek yɔŋ, ku ee we peec abïï keek peec.

Jeremia 38:16

Go melik Dhedekia Jeremia lɛ̈k gutguut ë cuëër an, “Yɛn cï kuëëŋ në rin ke Nhialic pïïr, Nhialic ee wook gäm pïïr, nɔn cän yïn bï nɔ̈k, ku yïn cä bï gäm kɔc kɔɔr bïk yïn nɔ̈k.”

Jeremia 50:34

Ku raan bï keek luök aril, rinke acɔl keek Bɛ̈nydït de rɛm. Yen guöpde abï këden nööm ku abï mät bɛ̈ɛ̈i ë piny nɔm, ku kɔc ke Babilonia abïk nuan.”

Jeremia 51:15

Bɛ̈nydït acï piny looi në riɛlde, ku cɛk piny nɔm në pɛlënɔmde, ku thieth tënhial.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Jowɛl 3:19

“Rip abï döŋ ke ye jɔ̈ɔ̈r, ku Edom abïï puɔ̈l ke cï riääk, në luɔi cïï kek kɔc ke Juda kuur, ku näkkï kɔc cïn kë cïk wööc pinyden.

Dhek 9:1

Kë cï Bɛ̈nydït lueel kï: Akɔɔr nɔn lui yen piny de Ɣadrak këtuc, kekë Damathko. Ku kɔc kedhie abïk kenyïïn puɔ̈k Bɛ̈nydït cït man cï dhiëën ke Yithriɛl kenyïïn puk.

Malakai 1:1

Jam de Bɛ̈nydït kï, jam ɣɔn lëk ë tuc Malakai kɔc ke Yithriɛl.

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?

Ɣeberuu 12:9

Wärkuɔn ke piny nɔm ayek wo dui në dui rac ku ŋootku ke ke riëëuku, ku cïï ŋuän duëërku Wäärdan ë wëikuɔ riëëu ku buk pïïr!