Dhek 10:4 - JAM DE NHIALIC 2011

⁴ Bäny ke luk, ku bäny ke tɔŋ, ku bäny ke wut abïk aa bɛ̈n bei në kɔc ke Juda yiic.

Dhek 10:4 ပူးပေါင်းရင်းမြစ်များ

Cäk 49:24

Ku dhɛ̈ŋke abïk aa kɔ̈ɔ̈c aril, acï ke tɔ ril, në riɛl dïït de Nhialic Awärjäŋ, Nhialic de Jakop. Ku ye Tïït ku Gëlgël de Yithriɛl.

Edhr 9:8

Ku ënɔɔnë Bɛ̈nydït Nhialicda në kaam thiinakäŋ, Yïn cï wo gäm nɔm lääu tëduön ɣeric, pɔ̈kë wonïïm rëër de miɛtëpiɔ̈ndan thɛɛr. Yïn cï piɔ̈u kok we wook, tɔ wo poth në luɔi adï cïï wok aa lïïm, Yïn ë wo gël apiɛth në rëërda.

Diɛt 118:22

Kuur wään cï kɔc ee yïk rɛɛc an cïï piɛth acï rɔt puk ke ye kë de naamde në käŋ yiic kedhie.

Yith 19:13

Bäny ke Dhowan ku Mempeth apiɔlkï piɔ̈ɔ̈th. Adï ee kek wat dhiëënken, ku ënɔɔnë acïk Rip mɔ̈ɔ̈r.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 49:2

Acï wël ke yɛn thok tɔ moth cï abätäu. Ee yɛn gël në yeciin. Acï yɛn tɔ cït winh ë dhaŋ, moth cï coc ku moc.

Yith 54:16

“Ee Yɛn ë cak thɛ̈th, raan ee mac thɔ̈ɔ̈c, ku thɛ̈ɛ̈th tɔɔŋ. Ku cak raan ee tɔŋ thɔ̈ɔ̈r aya, raan ee tɔɔŋ muk bï yen ke näk.

Jeremia 1:18

Piŋ Jeremia, yïn cä tɔ ye pänydït cï gël ee köölë, ku ta yïn ee mën de wëëth ku kal de maläŋ! Raan ëbɛ̈n raan tɔ̈u ee pinyë nɔm, meliik ke Juda, ku bäny ke luɔi, ku bäny ke kake Nhialic, ku jɔ ya kɔc, abïk yï maan.

Jeremia 51:20

Aye Bɛ̈nydït lueel an, “Babilonia, yïn ee dëidï, yïn ee wënhdiën ë tɔŋ. Yïn cä tɔ ee këdiën yan juöör, ku ciɛɛŋ dum yiic,

Dhek 9:10

Aye Bɛ̈nydït lueel an, “Yɛn bï abëël ke tɔŋ nyaai ë Yithriɛl, ku jat jöŋgöör ë Jeruthalem, ku riääk dhɛ̈ŋ ye kɔc muc. Melikdun abï mät looi ë juöör yiic, ciɛɛŋde abï gɔl në wɛ̈ɛ̈r alɔ gut ë wɛ̈ɛ̈r däŋë, ku gɔl ë wɛ̈ɛ̈r ë Yuparat kɔ̈u leer ë piny thar.

Dhek 9:8

Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.

Kuɛ̈n 24:17

Yɛn ë ke bɔ̈ tueŋ tïŋ, aguɔ Yithriɛl tïŋ. Melik riäu cït man ë kuel abï tïc paan ë Jakop, Ku tiëc thieny ë baai de Yithriɛl. Abï bäny ke Mowap riɔ̈ɔ̈k, ku nɛ̈k kɔc ke Theth kedhie.

Math 9:38

Yen läŋ wek Bɛ̈nydït ë rɛɛp cï luɔk an, bï kɔc ee luui tuɔɔc ë rap yiic rɛɛpkɛn cï luɔk.”

Luk 20:17

Go keek woi, ku lueel an, “Kënë ee kaŋö kë cï këcïgɔ̈ɔ̈rë lueel an, ‘Kuur cïï ë yïk rɛɛc, Yen manë guöp acï tɔ ye kuur ë aguk nɔm.’

Epethiei 2:20

Wek cï yïk ë këërkëëric këërkëër ë tuuc ku tït, ku Yecu Kërtho guöp yen aye kuur nu ë agukic kuur de naamde.

2Tim 2:4

Acïn raan ee luui ke ye raan de tɔŋ ee rɔt nääi ë ka ke pïïrë, luɔi bï en raan ë tɛ̈ɛ̈u en ë luɔi de tɔŋic tɔ mit piɔ̈u kekë yen.

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

1 Tham 14:38

Na wën ke lueel Thaulo an, “Bäkkï eenë wek bäny ke rem de tɔŋ wedhie, ke buk ŋic ee kërɛɛc ŋö cï looi ee köölë.