Danyel 9:6 - JAM DE NHIALIC 2011

⁶ Wok kën lïïmku tït piŋ thook, kɔc wään ee jam në meliikuɔ, ku në bänykuɔ, ku në kuarkuɔ, ku jurda ëbɛ̈n në rinku.

Danyel 9:6 ပူးပေါင်းရင်းမြစ်များ

2 Mel 18:12

Thamaria aa löny, në kë kën kɔc ke Yithriɛl Bɛ̈nydït Nhialicden riëëu, ku acïk löŋ cïï Bɛ̈nydït mac ke keek dhoŋ kɔ̈u, ku reeckï lööŋ ë gëmë Mothe keek, awun de Bɛ̈nydït. Keek aake cie piŋ ku cïkkï gäm.

2 Lëk 33:10

Na cakaa wään cïï Bɛ̈nydït Manatha kekë kɔcke jɔ̈ɔ̈ny, gokï ŋoot ke ke cïï pïŋ.

Edhr 9:7

Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Neɣe 9:34

Kuarkuɔ, ku Meliikkuɔ, ku bänykuɔ, ku bänykuɔn ke kake Nhialic, akënkï lööŋku döt. Ku akënkï yöökduön cï Yïn ke yɔ̈ɔ̈k piŋ, ku jäny.

Jeremia 26:5

ku luɔi bä wek jam tït kɔc ee Yɛn luööi piŋ, kɔc Ya ke cool ë tuöc ke week. Wek kën këdɛn yek lueel kɔn riëëu.

Jeremia 29:19

Kënë abï rɔt luöi keek ë biäk kën kek jam piŋ, jam wään ya tuöc keek në kueer de tït kɔckiën ee Ya luööi. Acïk pïŋ rɛɛc.

Jeremia 44:16

“Wo cï jam cï lɛ̈k wook ë rin ke Bɛ̈nydït rɛɛc gam.

Jeremia 7:13

Wek cï ee karɛckë looi, cakaa nɔn yan we yɔ̈ɔ̈k ë ceŋ, wek cï jamdï rɛɛc. Wek cie gam të caal Ɛn week.

Jeremia 7:24

Ku keek akënkï ya riëëu ku kënkï kë luɛɛl gam, acïk ka ye nïïmken ku piɔ̈ɔ̈thkɛn rac tak looi, ka acïk jɔ rac aläl ku cïkkï be piath.

Danyel 9:10

Bɛ̈nydït Nhialicda yïn kënku piŋ thok, wään bï yïn wook yöök, buk aa rëër cït man ë kë cï lööŋkuön wään bä gäm wook në lïïmkuön tït thook lueel.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Luɔi 13:27

Ku kɔc rɛ̈ɛ̈r ë Jeruthalem kekë bäny ceŋ keek, në kuny kuc kek en, ku kuckï jam ë tït, jam ye cool ë kueenë yeyic ë akööl ke Thabath kedhie, acïk jamden tɔ ye yic, në mäny cï kek e mäc yeth kërac.