Danyel 9:4 - JAM DE NHIALIC 2011

⁴ Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Danyel 9:4 ပူးပေါင်းရင်းမြစ်များ

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Edhr 10:1

Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Bɛ̈n 20:6

Ku Yɛn ee nhiëërdiën agɔk nyuöth aguum ke rɛm nhiaar Ɛn, ku yek lööŋkï gam.

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Danyel 6:10

Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Danyel 9:3

Guɔ Nhialic Bɛ̈nydït lɔ̈ŋ në piɔ̈ndï ëbɛ̈n, yɛn aa läŋ Nhialic ka ya reec cäm, ku ciɛŋ lupɔɔ ke cual, ku rɛ̈ɛ̈r në abuui yic.

Luk 1:72

Bï kok ee yen piɔ̈u kok ke kuarkuɔ thöl, Ku be yenɔm tak në löŋ wään cï mac löŋ ɣeric,

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

Nyöŋ 5:10

Ku Yɛn ee nhiëër agɔk nyuöth aguum ke rɛm de kɔc nhiaar Yɛn ku yek lööŋkï gam.

Nyöŋ 7:12

Na cäk ee lööŋkë piŋ ku riëëukï keek në piɔ̈n adöt, ke Bɛ̈nydït Nhialicdun abï ŋoot ke muk löŋdɛn cï mac ke week ku abï we nyuöth nhiëër agɔk, cït man cien ë lɛ̈k kuarkun.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?