Danyel 9:3 - JAM DE NHIALIC 2011

³ Guɔ Nhialic Bɛ̈nydït lɔ̈ŋ në piɔ̈ndï ëbɛ̈n, yɛn aa läŋ Nhialic ka ya reec cäm, ku ciɛŋ lupɔɔ ke cual, ku rɛ̈ɛ̈r në abuui yic.

Danyel 9:3 ပူးပေါင်းရင်းမြစ်များ

2 Tham 12:16

Go Debid Nhialic lɔ̈ŋ në biäk bïï meth guöp pial. Ago Debid këcam ayï pïïu rɛɛc. Ee cool ë lɔ ɣönde wakɔ̈u, ku ye niin piny në abuui yic, abï piny ruu.

Edhr 10:6

Na wën ke Edhera jël ë ɣön ë Nhialic thok ku le ɣön ë Jeɣoɣanan wën Eliacip, të cïï yen lɔ tɔ̈u ke cïï cäm ku cïï dëk, në biäk ŋoot en ke dhiau piɔ̈u në ciën adöt ë kɔc ë bɔ̈ ciëën ë pɛ̈cic.

Edhr 8:21

Ku ëtɛ̈ɛ̈n, në kiir de Aɣaba nɔm, yɛn cï kɔc bɛ̈n yɔ̈ɔ̈k buk thek koorku röt piny në Nhialic nɔm, buk thiëëc bïï wok tɛ̈ɛ̈k apiɛth në cäthda yic, ku kony wook në mïthkuɔ ku kakuɔ.

Edhr 9:5

Na jɔ thaar ë miɔ̈c athɛ̈i bɛ̈n, ke ya jɔt rɔt të wën rɛɛc ɛn cäm, ku ŋuɔɔt ke ya cieŋ lupɔ wën cï rɛɛtë, guɔ yamiɔl tuk, läŋ, täär a cin Bɛ̈nydït Nhialicdï.

Neɣe 9:1

Në kööl ye pɛɛi thok thiërrou ku ŋuan yen ë pɛɛi manë, go kɔc ke Yithriɛl kenïïm mat ku reeckï cäm, nyooth kek dhiën ë piɔ̈u de awɛ̈ɛ̈ckɛn yek looi.

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 35:13

Ku wään cï jɔk ke dɔm, acä ke dhiëëu ku ciɛŋ lupɔɔ ka acuɔl në këden, ku rɛɛc cäm, ku läŋ ke ya gut a nɔm piny,

Yith 22:12

Bɛ̈nydït Awärjäŋ aa cɔl week bäk bɛ̈n dhiau ku dhuöörkï, ku mɔ̈tkï wenïïm në dhiënë piɔ̈u ku cieŋkï lupɔɔ ke cuɔl.

Jeremia 33:3

“Calkï Yɛn, ku Yɛn bï këdun bɛ̈ɛ̈r, wek bä lɛ̈k göök ku kake gäi cïn kë ŋiɛckï ë baŋden.

Edhekiɛl 36:37

Aye Bɛ̈nydït Awärjäŋ lueel an, “Yɛn bï baai de Yithriɛl bɛ tɔ thiëc Yɛn në kuɔɔny, ku abä ke tɔ kuënden ŋuak nyïïn, cït luny de amɛ̈l.

Danyel 6:10

Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Danyel 9:2

Në ruöön tueŋ de bäänyde, yɛn aa kuen awerek ɣeric ku tak yanɔm në biäk de run kathiërdhorou (70), run bïï ë Jeruthalem tɔ̈u ke cï riääk, cït man cïï Bɛ̈nydït ye lɛ̈k tiët Jeremia.

Danyel 9:20

Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Danyel 9:4

Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Jowɛl 1:13

Dhiaukï, wek bäny ke kake Nhialic, ku jiɛthkï piɔ̈ɔ̈th, wek bäny ee luui në yïk kɔ̈u. Niɛnkï ke we kïïu, wek kɔc ee Nhialicdï luööi. Në luɔi cïï miɔ̈c ë rap, ku miɔ̈c ye dek tɛɛm wei ɣön ë Nhialicdun.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Jona 3:5

Na wën alɔ bɛ̈ny tueŋ de Ninebe jam cït ee kënë piŋ, ke të ë lui ë käŋ röt kï: Ago rɔt jɔt në thönydɛn ë bääny nɔm, ku yööt lupɔdɛn ë bääny bei, ku tɛ̈ɛ̈u lupɔɔ ke cuɔl ë yekɔ̈u, ku nyuuc piny në abuui yic.

Math 17:21

Ku jɔŋlɛn cït ee kënë ee lɔ biic rɛɛc, ee lɔ̈ŋ etök kekë rɛɛc reec ë raan cäm, yen ee ye lëu.”

Luk 2:37

Ke acï tɔ̈u ke ye tiiŋ thuööm runke acïtkï thiërbɛ̈t ku ŋuan, ku cïï Luaŋdït ee pɔ̈l, ee ka ke Nhialic looi wɛ̈ɛ̈rwakɔ̈u ku aköl, në reec ee yen cäm rɛɛc ku në pal yen pal.

Luɔi 10:30

Go Korunelio lueel, an, “Nïn wäänë kaŋuan, yɛn ë këcam theek aɣet të cït ee kaamë, ku thaar kadhoŋuan yɛn aa läŋ Nhialic, na wën, ke raan kääc ë yanɔm ke ceŋ lupɔ lɔ riauriau,