Danyel 9:26 - JAM DE NHIALIC 2011

²⁶ Ku të cï aköölkë thök, bɛ̈ny cïï Nhialic lɔc abïï nɔ̈k akur. Ku pänydït kekë tëɣeric abï keek riɔ̈ɔ̈k në bɛ̈ny ril ëtör pec wut. Ku thök de käŋ abï bɛ̈n cït amool, ke bïï tɔŋ kekë riääk cïï Nhialic guiir.

Danyel 9:26 ပူးပေါင်းရင်းမြစ်များ

2 Tham 21:5

Go kɔc ke Gibiɔn bɛ̈ɛ̈r an, “Acï Thaulo them bï wook nɔ̈k wodhie, ke cïn raan bï döŋ në wo yiic piny de Yithriɛl.

Diɛt 22:15

Riɛldï ë koth cï tööny ë tiɔp, ku nuɛt liemdï rɔt ë dai yic nhial. Yïn cï ya nyääŋ piny në abuui de thuɔɔuwic.

Yith 28:2

Bɛ̈nydït ade nɔm raan ril ëtör cï kiëët bï keek bɛ̈n mak, raan bï ciët yom dïït put, ku cït amaŋ de deŋ, ku cït amool dïït bɔ̈ ke riŋ ku mool piny ëbɛ̈n.

Yith 28:22

Duökï yöök cän we yɔ̈ɔ̈k puk ke ee kë gɛɛt wek a guöp! Të la week e looi, abï yic riɛl yen pothdun. Yɛn cï kë cï Bɛ̈nydït Awärjäŋ lueel piŋ, luɔi cïï Yen e dhel nɔn bï yen wut riɔ̈ɔ̈k ëbɛ̈n.

Yith 53:8

Acï mac ku guiir löŋde ku jɔt ke le nɔ̈k, ku eeŋa në remdɛn ɣɔn yic, duëër e ŋic. Acï tɔ thou në biäk de karɛc ke kɔckuɔ.

Yith 8:7

Yɛn Bɛ̈nydït, Yɛn bï melik de Athiriya bɛ̈ɛ̈i kekë remdɛn ë tɔŋ ëbɛ̈n ke bï Juda bɛ̈n mak. Abïk bɛ̈n cï wɛ̈ɛ̈r ë Yuparat riŋ, ee wëk thiɔ̈ɔ̈ŋ abï ɣet ë yethok.

Jeremia 46:7

Eeŋa ee kë cï thiɔɔr cï Kiir, acït kiir cï thiɔɔr ke lɔ biic?

Jeremia 51:42

Wɛ̈ɛ̈r acï rɔt laar ë Babilon kɔ̈u, ku kum piny në apiöŋdɛn ee wuur.

Danyel 11:10

“Ku wɛ̈ɛ̈t ke melik de Athiriya abïk remdïït ë tɔŋ guiir, bï kek lɔ thɔ̈ɔ̈r. Tök në keyiic abï ban aläl cït amool, ku abï ɣään cï gël de kɔc ke aterden luöi tɔŋ.

Danyel 11:17

“Ku melik de Thiriya abï kök ëbɛ̈n ke cath ke remdɛn dïït ë tɔŋ. Në biäk bï yen ciɛɛŋ de raan de aterde rɔ̈ɔ̈k, abï määth looi ke yen, ku gëm nyande bïï thiaak, ku këdɛn cï kiir acïï bï tiam.

Danyel 11:22

Raan ëbɛ̈n raan reec yen, ayï bɛ̈nydïït ë kake Nhialic, abïï nap wei ku copë wëi.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 9:27

Yen ee bɛ̈nyë abï dɛ män ril ëtör kekë kɔc juëc, në run kadhorou, ku të le ë biäk töŋ de ee kaamë wan, abï ka ye nɔ̈k dɔ̈m kɔ̈ɔ̈c kekë miɔ̈c ye gam. Ku kë nhiɛɛny ee kɔc riääc abïï tääu në Luaŋdït nɔm, ku abï tɔ̈u ëtɛ̈ɛ̈n aɣet të bï akööl ke raan ëtɛ̈ɛ̈u en ëtɛ̈ɛ̈n thook thök, akööl cïï Nhialic ke gäm en.

Ɣodh 1:9

Go Bɛ̈nydït lɛ̈k Ɣodhiya an, “Cäkë an, ‘Monyjai’ në biäk cä wek ee kɔckï, ku cä ye Nhialicdun.”

Amoth 8:8

Ku piny abï rɔt nieeŋ, ka raan nu pinyden ëbɛ̈n abï dhiau. Ku këriëëcde ëbɛ̈n abï miakic, abï aa laŋ nhial ku lɛŋë piny cït man ë pïïu ke Kiir de Rip.

Amoth 9:5

Bɛ̈nydït Nhialic de rɛm Raan ee piny jak, abï lɛ̈ɛ̈ŋ ëbɛ̈n, ku dhiau kɔc cieŋ piny kedhie ëbɛ̈n. Ee pinynɔm ëbɛ̈n miaakic nhial cït apiöŋ de Kiir, ku tɔ piny riŋ cït Kiir de Rip,

Naɣum 1:8

Ku abï kɔc ke aterde riɔ̈ɔ̈k në amooldït riŋ aläl, ku cop ke cök paan ë thuɔɔu.

Math 22:2

“Ciɛɛŋ de paannhial, acït melik tök, melik cï thiëŋ de wënde lueel,

Math 22:7

Na wën, acï melik e piŋ, ke göth, go remdɛn ë tɔŋ tooc, lek kɔc ee kɔc nɔ̈kë nɔ̈k, ku nyop pänydɛndït ë mac.

Math 23:38

Tiëŋkï, ɣöndun acï nyäŋ week ke cï riääk.

Math 24:2

Go Yecu ke yɔ̈ɔ̈k an, “Cäkï kakë woi kedhie? Wek yɔ̈ɔ̈k ëyic an, acïn kuur töŋ bï döŋ ë kuur däŋ nɔm ee tënë, kuur cï bïï dɛɛny piny.”

Mak 13:2

Go Yecu bɛ̈ɛ̈r, yöök an, “Cï ɣööt dïtkë tïŋ? Acïn kuur töŋ bï döŋ ë kuur däŋ nɔm, ke cïï bï dhuöör piny.”

Mak 13:7

Ku të ya wek tɔɔŋ piŋ ku piɛŋkï jam ë tɔŋ lueel ë kɔc thook, ke we duökï ye diɛɛr: kek abïk dhil tïc, ku ŋoot thök de käŋ wei.

Mak 9:12

Go ke yɔ̈ɔ̈k an, “Elija abï kɔn bɛ̈n ëyic, go käŋ bɛ puk tɔ ke piɛth kedhie: ku cï gɔ̈ɔ̈r adï në këde Wën ë Raan, nɔn bï en kajuëc dhil guum, ku dhäl guöp?

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Luk 21:6

“Në ee ka wɔikï yë, akööl abïk bɛ̈n, kööl bï ke dhuöör piny, ka cïn kuur töŋ bï bɛ tɔ̈u ë kuur däŋ nɔm.”

Luk 24:26

Kën Kërtho kake dhil guum, ku jɔ lɔ tëde ë dhuëëŋ?

Luk 24:46

ku yöök keek an, acï gɔ̈ɔ̈r alë an: “Kërtho abï käŋ dhil guum, ku be rɔt jɔt ë kɔc cï thou yiic ëkööl ee kek diäk,

Jɔn 14:30

Ëlë, yɛn cïï bï bɛ jam wo week arëët: bɛ̈ny ceŋ pinyë nɔm abɔ̈, ku acïn këdɛn nu tëde yɛn,

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

1 Pet 2:21

Kënë yen aye luɔi cï Kërtho käŋ guum aya në biäkdun ago we nyäŋ ke bäk dɔmic, ke we bï täude aa kuanyic.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,