Danyel 9:24 - JAM DE NHIALIC 2011

²⁴ “Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Danyel 9:24 ပူးပေါင်းရင်းမြစ်များ

2 Lëk 29:24

Go bäny ke kake Nhialic bɔɔth nɔ̈k, ku wɛ̈lkï riɛm në yïk nɔm ke ee miɔ̈c de kërac bïï ë kɔc ke Yithriɛl teem gup kedhie, në biäk cïï melik keek yɔ̈ɔ̈k bïk miɔ̈c de kërac ku miɔ̈c ye nyop ëbɛ̈n luöi kɔc ke Yithriɛl kedhie.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 45:7

Yïn nhiaar piathëpiɔ̈u ku man rɛ̈ɛ̈c. Yeka cïï Nhialic, Nhialicdu yïn tɔc në miök de miɛtdepiɔ̈u awär meliik kɔ̈k.

Yith 42:4

Acïï piɔ̈u bï bäp në aŋäth ku cïï bäp ë riëtëpiɔ̈u, abï yic looi ë pinynɔm. Piiny mec atitkï wëëtde aläl.”

Yith 51:6

Tïŋ paannhial, ku bɛ piny tïŋ! Paannhial abï määr cï nɔn ë tol, piny abï dhiap cï lupɔ thɛɛr, ku kɔcke kedhie abïk thou cït man ë luaŋ. Ku kuɔny bä bɛ̈ɛ̈i abï tɔ̈u aɣet athɛɛr, tiëmdï yen ee thök de käŋ.

Yith 51:8

abïk riäär cï lupɔ cïï ë col cam! Ku luääk bä bɛ̈ɛ̈i abï tɔ̈u aɣet athɛɛr, ku tiëmdï abï tɔ̈u ë ceŋ.”

Yith 56:1

Aye Bɛ̈nydït lɛ̈k kɔcke an, “Luɔikï ke röŋ ku ye yic, në biäk bïï Yɛn we kony në ee nïn lik bï bɛ̈në, ke piathëpiɔ̈ndï bï rɔt nyuɔɔth.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Dhiëëu 4:22

Nyan de Dhiɔn acï ariöp de kërɛɛcde cuat piny, Bɛ̈nydït acïï wook bï bɛ muɔ̈k ë pɛ̈cic. Ku Edom, Bɛ̈nydït abï yïn luöi këtuc, abï luɔiduön rac nyuɔɔth.

Edhekiɛl 28:12

“Mɛnh ë raan, dhiëëuwë riääk bï melik de Tayer yök. lɛ̈kë kë luɛɛl, yɛn Bɛ̈nydït Awärjäŋ: Yïn aa thiäŋ we pɛlënɔm ɣɔn, kekë läk cï dikëdik!

Edhekiɛl 4:5

Në bot kadiäk ku thiërdhoŋuan ke nïn, yïn bï tɔ̈u ëtɛ̈ɛ̈n ke yï gum në biäk de awänyden. Yïn cï mäc kööl tök ë ruöönic ke ye lui këtuc baai de Yithriɛl.

Edhekiɛl 4:6

Na lɔ ee kënë lɔ thöl, ke yï pɔ̈k rɔt në biäk cuëc, ku be awäny de Juda guum, në nïn kathiërŋuan, kööl tök ë ruöön yic ke ye këtuc luiyë keek.

Lebai 25:8

Kuen run kadhorou raandhorou ee run kathiërŋuan ku dhoŋuan kedhie.

Lebai 8:15

Ago Mothe miɔɔr nɔ̈k ku nööm riɛm biäk në yeriöp, ku tɛ̈ɛ̈u në yïk tuŋ, në biäk bïï yen en tɔ piɛth, ku jɔ riɛm biäk wäl ë yïk thar, ku jɔ tɔ ɣeric, ke bï atɛɛm looi ë biäkde.

Dhek 4:14

Go lueel an, Kakë ee kɔc kaarou cï Bɛ̈nydït lɔc bïk en aa luööi në pinynɔm ëbɛ̈n.

Kuɛ̈n 14:34

Wek bï gum në biäk de awänydun në runiic kathiërŋuan. Kööl tök, në akööl ɣɔn caath wek piny kathiërŋuan, abï nɔm aa ruöön tök. Yen abä wek en jɔ ŋic ëgɔk nɔn cän piɔ̈u diu.

Math 1:21

Ku abï mɛwä dhiëëth, ku abä cäk rin, an, Yecu, luɔi bï en kɔcken kony në karɛcken.”

Math 11:13

Tït kedhie ayï löŋ aake ye kaken guiir aɣet të bï Jɔn bɛ̈n.

Math 4:5

Na wën, ke leerë jɔŋdït rac pänydït ɣeric, ku tɛ̈ɛ̈u nhial ë Luaŋdït nɔm,

Mak 1:24

“Yecu! Eeŋöda në yïn, yïn Yecu de Nadhareth? Cï bɛ̈n bä wo bɛ̈n riɔ̈ɔ̈k? Yïn ŋiɛc nɔn ee yïn Raan ɣeric de Nhialic!”

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luk 21:22

Aköölkë ee akööl ke guur, kööl bï kacïgɔ̈ɔ̈r thöl ë luɔi kedhie.

Jɔn 1:41

Go Thimon mänhë guöp kɔn yök, ku lëk en, an, “Wok ë Mathia yök (yen aye Kërtho, në thoŋda).

Jɔn 3:34

Raan ë tuuc ë Nhialic ee wël ke Nhialic lueel: ku acïï ë Nhialic miɔɔc ë Wëi në thëm them en keek.

Luɔi 3:14

Ee raan ɣeric en acäk rɛɛc, Raan piɛthpiɔ̈u, ku raan cï raan däŋ luc yen acäk lɔ̈ŋ an, bï yiɛ̈n week.

Luɔi 3:22

Mothe ë kuarkuɔ yɔ̈ɔ̈k ë yic an, tiët tök abïï Bɛ̈nyduöndït Nhialic jat nhial ë mïthëkɔckun yiic, acït man ë yɛn, jamde abäk piŋ, jam bï lɛ̈k week ëbɛ̈n.

Luɔi 4:26

Meliik ke piny acïk röt jɔt, Ku guëër bäny ceŋ kɔc, Bïk tɔŋ yiɛ̈n Bɛ̈nydït kekë Kërthode.’

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Kolothai 1:20

ago käŋ tɔ luukë kedhie në yen, në luɛl cï en mät lueel në riɛm de timdɛn cï rïïu nɔm, nɔn ee kek ka nu ë piny nɔm, ku nɔn ee kek ka nu paannhial, ee Wënde yen aa luuk ke.

Kolothai 2:14

ku cï jam cï gɔ̈ɔ̈r ë lööŋ yiic cuöth bei, kë de ater ke wook: ago nyaai ë woyiic, në piëët cï en e piäät ë tim cï rïïu nɔm kɔ̈u.

Ɣeberuu 10:14

Näŋ töŋdɛn cï Yen rɔt tɔ näk, ë kɔc tɔ piɛthpiɔ̈ɔ̈th aɣet athɛɛr, kɔc cï päl karɛcken.

Ɣeberuu 2:17

Yen kë ë tɔ Yen tɔ cït mïthëkɔcken ka në këriëëcic ëbɛ̈n. Ke bï ya Bɛ̈nydïït ë kake Nhialic ee piɔ̈u adöt ku kook piɔ̈u në luɔi de Nhialic yic. Ke bï kɔc ke wɛ̈ɛ̈r bei në karɛckeniic.

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

Ɣeberuu 9:26

Ku na ye rɔt gaam ë ruöön thok ëbɛ̈n Yen Kërtho adï cï gum raanjuëc gɔl të wään ciɛkë piny cït man ë bäny ke kake Nhialic ke Judai käŋ nɔ̈k ë ruöön thok ëbɛ̈n. Ku ë nɔn ciëënë në thök de luɔi de löŋ thɛɛr, ke jɔ rɔt nyuɔɔth raantök në luɔi cï yen riɛl ë kërac nyuän piny në gɛ̈m cï Yen rɔt gäm Nhialic näk nyiɛɛiyë karɛckuɔ.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

1 Jɔn 3:8

Raan ee kërac looi, ka ye këde jɔŋdït rac, jɔŋdït rac yen aa gɔl luɔi ë kërac ɣɔn ciɛkë käŋ. Yen aa tulë Wën ë Nhialic, bï luɔi de jɔŋdït rac bɛ̈n riɔ̈ɔ̈k.

Nyuuth 14:6

Na wën, ke ya tïŋ tunynhial däŋ, ke riŋ ë paannhialic cil, ke cath ke wëlpiɛth thɛɛr bï ke guiëër kɔc rɛ̈ɛ̈r ë piny nɔm, ku guïïr juöör ëbɛ̈n ku dhiën ku liëp ku kɔc ëbɛ̈n,

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer: