Danyel 9:21 - JAM DE NHIALIC 2011

²¹ Ku tën wën läŋ yɛn. Go Gabriɛl bɛ̈n të nuö yɛn ke päär, Gabriɛl wään bä tïŋ në nyuuth tueŋë yiic. Aa ye kaam ye miɔ̈c näk athɛ̈i gam.

Danyel 9:21 ပူးပေါင်းရင်းမြစ်များ

1 Mel 18:29

Gokï cool ë wou ë ke riäŋ abï akɔ̈l thëi, ku cïn raan piŋ këdäŋ, ku cïn röl cï bɛ̈n piŋ.

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

Diɛt 103:20

Wek tuucnhial, thiɛikï Bɛ̈nydït, wek cï ee lööŋke döt, kɔc ee këdɛn lueel piŋ.

Diɛt 104:4

Yïn ee yom tɔ ye tuucku, ku tɔ biöl ë wilëdeŋ ee awuutku.

Diɛt 141:2

Nöm lɔ̈ŋdï cï wal ŋïr, ku cinkiën cä taar yiic cï miɔ̈c athɛ̈i.

Bɛ̈n 29:39

Ye nyɔɔŋ tök gam miäk adurduur, ku gamë däŋë thëën.

Yith 6:2

Ku yenɔm nhial akɛ̈ɛ̈c ë therapim lɔ riauriau cï ye gɛɛu cil, tök në keyiic ade wuök kadhetem. Ee yenyin kum në wuök kaarou, ku kum yecök në wuök kaarou, ku ye päär në wuök kɔ̈kkë kaarou.

Edhekiɛl 1:11

Wuök kaarou de lɛ̈n tök aye ke jat nhial ke bï wuök ke lɛ̈n thiääk kek lɔ jak thook nhial, ku wuökkɛn kɔ̈kë kaarou aye kek kegup kum.

Edhekiɛl 1:14

Kek läi gupken ayek lɔ ku bïkkï, cï wilëdeŋ.

Edhekiɛl 14:14

Na cak kɔckë kadiäk, Nowa, ku Danyel ku Jop ë ke cak rëër ëtɛ̈ɛ̈n, piathëpiɔ̈nden aduëër keek kony wei kapäc.” Bɛ̈nydït Awärjäŋ yen aa jam.

Danyel 10:10

Ago ciin rɔt ɣɔ̈ɔ̈k, ku dɔm ɛn ku jɔt ya nhial në yacök ku riɛny yacin, ku yɛn aa ŋoot ke ya lɛthë.

Danyel 10:16

Na wën ke tunynhial, cït guöp raan, ke riny yeciin tueŋ ku jiɛk yathok. Guɔ lɛ̈k en an, “Bɛ̈ny, nyuuthë acï yɛn tɔ kɔ̈c aläl, ka acïn luöi kɔ̈ɔ̈c ë lɛth lɛthë yɛn.

Danyel 10:18

Ago yɛn bɛ nyɔk ë döm, guɔ rɔt yök ke ya ril.

Danyel 8:16

Ku piɛŋ röl cööt ë kiir ë Yulai nɔm an, “Gabriɛl, wëërë yic kë lueel ë kë cï tïŋ.

Danyel 8:18

Ku të wën jiɛɛm en, yɛn cï wïïk piny ku thɔ̈ɔ̈k. Go ya dɔm ku jɔt ya nhial abä kɔ̈ɔ̈c në yecök,

Math 27:46

Ku të cït thaar kadhoŋuan, ke Yecu cöt ë röl dït an, “Eli, Eli, lama tha bakthani?” Yen aye, “Nhialicdï, Nhialicdï, eeŋö pɛ̈l yïn a wei?”

Luk 1:19

Go tunynhial bɛ̈ɛ̈r, yöök an, “Yɛn Gabriɛl kï, yɛn ee kɔ̈ɔ̈c ë Nhialic nɔm, ku yɛn cï tooc bä bɛ̈n jam wo yïn, ku bä wëlpiɛthkë bɛ̈n lɛ̈k yïn.

Luk 1:26

Na ɣɔn acï pɛ̈i aa dhetem, ke tunynhial Gabriɛl ke tooc Nhialic tooc pänydït de Galili cɔl Nadhareth.

Luɔi 10:3

Na wën, të cït thaar kadhoŋuan aköl, ke tïŋ tunynhial ë Nhialic ke tiëc ëgɔk, ke bɔ̈ tëde yen, bï ku yöök an, “Korunelio!”

Luɔi 10:9

Na ɣɔn amiäk, të ŋoot kek kueer, ku cïk thiääk ë pänydït, të cï akɔ̈l kɔ̈ɔ̈c cil, go Petero lɔ nhial ë ɣöt nɔm le lɔ̈ŋ.

Luɔi 12:7

Na wën, ke tunynhial ë Bɛ̈nydït ke go tuöl ë yelɔ̈ɔ̈m, ku jɔ ɣɛɛr alooc riaauwic: go Petero biɔ̈ɔ̈k lɔ̈ɔ̈m, ku jɔ pɔ̈ɔ̈c an, “Dap rɔt jɔt!” Go joth lööny piny ë yecin.

Luɔi 3:1

Na wën, ke Petero kekë Jɔn ke ke lɔ ë Luaŋdïtic ëtök ë thaar ë lɔ̈ŋ, yen aye thaar ë dhoŋuan.

Ɣeberuu 1:14

Tuucnhial cïkï ee wëi cï tuööc, bïk kɔc bï kuny de wëi lɔ̈ɔ̈k lak aa luööi?

Ɣeberuu 1:7

Ku lueel në biäk de tuucnhial an, “Yɛn cï tuucnhialkï tɔ piɔl cït yom, ku ta ke piɔl cït liem de mac.”

Nyuuth 9:17

Ku jöŋgöör wën cä tïŋ ë nyuöthic, kekë kɔc rɛ̈ɛ̈r ë kekɔ̈ɔ̈th, aake tiëŋ ke ke cath në kak ee ke gël yöth, ka cït mac ku wakintho ku thulpur: ku jöŋgöör acïtkï nïïm kɔ̈ɔ̈r, ku bɔ̈ mac bei ë kethook, ku tol, ku thulpur.