Danyel 9:20 - JAM DE NHIALIC 2011

²⁰ Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Danyel 9:20 ပူးပေါင်းရင်းမြစ်များ

Edhr 10:1

Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Neɣe 1:6

Ku ënɔɔnë ye a tïŋ Bɛ̈nydït, ku piŋ lɔ̈ŋdiën yan lɔ̈ŋ aköl ku wäkɔ̈u në biäk de lïïmku, kɔc ke Yithriɛl, yɛn gam awɛ̈ɛ̈c cuk looi wok kɔc ke Yithriɛl, kuarkuɔ ku yɛn wok cï wäc.

Diɛt 145:18

Athiɔ̈k ke kɔc ee ye cɔɔl, kɔc ee yen cɔɔl ë piɔ̈nden ëbɛ̈n.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Wɛ̈ɛ̈t 7:20

Ku ee yic, acïn raan piɛthpiɔ̈u nu ë piny nɔm ee këpiɛth looi ku cie wäc.

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 58:9

Ku të läŋ wek, Yɛn bï lɔ̈ŋdun bɛ̈ɛ̈r. Të caal wek ɛn, Yɛn bï cɔ̈tdun dɔk nɔm. “Të la wek yaaŋ pɔ̈l, ku pälkï agöth, ku jam rac ëbɛ̈n,

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Yith 65:24

Aɣet të ŋoot kek ke ke läŋ ɛn, yɛn bï lɔ̈ŋden puk nɔm.

Danyel 10:12

Ago jɔ lueel an, “Danyel, du riɔ̈c. Nhialic acï lɔ̈ŋdu piŋ, gɔl ë kööl tueŋ bï yïn rɔt kuɔɔr piny, në biäk bï yïn yöŋ de käŋ yiic yök. Yɛn aa bɔ̈ bä lɔ̈ŋdu bɛ̈n bɛ̈ɛ̈r.

Danyel 10:2

Ku në aköölkë, yɛn Danyel, yɛn aa dhiau në nïn kathiërrou ku tök yiic.

Danyel 11:45

Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Danyel 9:16

Yïn cï wook kony wään tueŋ, ku du piɔ̈u be diu wekë Jeruthalem. Ee pänydïïtdu, kuurduön ɣeric. Ee pänydïïtdu, kuurduön ɣeric. Kɔc kedhie kɔc ke wuöt thiääk ë wook, ayek Jeruthalem biɔɔn guöp, ku biɔnkï kɔcku gup, në biäk de karɛckuɔ, ku në biäk de luɔi rɛɛc cïï kuarkuɔ looi.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Romai 3:23

kɔc acïk kërac wööc kedhie, ku dɛkï në dhuëëŋ de Nhialic.

Jakop 3:2

Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.

Nyuuth 21:10

Go ya jɔt në riɛl ë Wëidït leer ɛn ë gök de kuurdït bäär nɔm, ku jɔ a nyuöth pänydït ɣeric Jeruthalem, ke bɔ̈ piny paannhial tëde Nhialic,

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.