Danyel 9:19 - JAM DE NHIALIC 2011

¹⁹ Bɛ̈nydït, piŋ wothook, pälë wook awɛ̈ɛ̈c, Bɛ̈nydït piŋ këda, ku bɛ̈ɛ̈rë! Ago ŋic ë raan ëbɛ̈n an, yïn ee Nhialic, du gääu! Yen ee pänydïïtë kekë kɔckë ayek kaku.

Danyel 9:19 ပူးပေါင်းရင်းမြစ်များ

2 Lëk 6:21

Piŋ lɔ̈ŋdï ku lɔ̈ŋ de kɔckuön ke Yithriɛl, të le kek kenïïm wël ee tënë ku lɛ̈ŋkï. Piŋ baaidu paannhial, ku päl ë wook awɛ̈ɛ̈ckuɔ.

2 Lëk 6:39

ëtɛ̈ɛ̈n ke yï jɔ lɔ̈ŋden piŋ. Piŋ baaidu paannhial, ku kokëpiɔ̈u we keek, ku pälë kɔcku awɛ̈ɛ̈cken kedhie.

Yith 43:7

Keek ayek kɔc ke nɔmdï, ku aake cak keek ke ke bï ya yiɛ̈n dhuëëŋ.”

Jeremia 14:7

Kɔckï ayek Yɛn lɔ̈ŋ an, ‘Cakaa nɔn cï karɛckuɔ wo gaany, Bɛ̈nydït kony wook, cït man cïn gutguut lueel. Wok cï röt wɛl wei ë Yïlɔ̈ɔ̈m raan juëc, wok cï kërac wäc yïn.

Jeremia 14:9

Eeŋö ee Yïn ciët raan cï nɔm mum, eeŋö ee Yïn ciët raan de tɔŋ cïn kony? Ee yic, Bɛ̈nydït Yïn tɔ̈u we wook! Wok ee kɔcku, du wook pɛ̈lwei.’ ”

Jeremia 25:29

Yɛn bï luɔidiën ë riääk gɔl ë pänydïïtdï. Yek tak bïk jäk ke kën luöi këtuc? Ei, abïï keek luöi këtuc, Yɛn lɔ tɔŋ tuöc kɔc ke piny nɔm kedhie. Acä lueel, Yɛn Bɛ̈nydït de rɛm.

Edhekiɛl 20:14

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya wɛ̈t Yithriɛl bei në Rip.

Edhekiɛl 20:22

Ku akɛ̈n looi, në biäk bï ee kënë rinkï yiɛ̈n ayäär në juöör yiic, juöör cï yɛn tïŋ ke ya bïï Yithriɛl bei në Rip.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Edhekiɛl 36:22

“Ënɔɔnë gämë baai de Yithriɛl jam luɛɛl Yɛn Bɛ̈nydït Awärjäŋ në biäkden: kë bä lɔ looi acie biäkdun wek ke baai de Yithriɛl, ee biäk de Rinkiën ɣer yiic, rin cäk keek yɔ̈ɔ̈r në juöör yiic ëbɛ̈n ɣään cä wek lɔ thïn.

Edhekiɛl 39:25

Acïï Bɛ̈nydït Awärjäŋ lueel an, “Ku ënɔɔnë yɛn bï piɔ̈u kok në kuat de Jakop, baai de Yithriɛl, ku abä ke bɛ tɔ kueth. Yɛn bï rinkiën ɣer yiic gël.

Danyel 9:18

Piŋ wothook, Nhialic, ku woi wook, ku tïŋ nuan nu wok thïn, ku nuan cï pänydït muk rinku yök. Yïn lɛ̈ŋku ku acie biäk de piathëpiɔ̈nda ee luɔi ee yïn piɔ̈u kok.

Amoth 7:2

Na wën ë nyuuthic, ke ya tïŋ kɔyɔm acï këriëëc tɔ̈c cam ëbɛ̈n në ee pinyë. Guɔ lɔ̈ŋ an, “Bɛ̈nydït Awärjäŋ, pälë kɔcku awänyden! Duëërkï pïïr adï? Keek akoorkï ku akɔ̈ckï?

Kuɛ̈n 14:19

Ku ënɔɔnë Bɛ̈nydït, në biäk de nhiëërduön cïï rɔt ee waar, yïn läŋ në biäk de nhiëër agɔk, nɔn pɛ̈l yïn kɔckë awänyden, cït man wään yïn cool pɛ̈l yïn awɛ̈ɛ̈c ë cieŋ ë jël kek Rip.

Kuɛ̈n 6:27

Ku lueel ë Bɛ̈nydït an, “Të cï kek ya cɔɔl rin të thieei kek kɔc ke Yithriɛl, abä keek aa thieei.”

Luk 11:8

Wek yɔ̈ɔ̈k an, Ciɛk, an, cïï rɔt bï cak jɔt, miɔɔc, në baŋ de määth, ka bï rɔt dhil jɔt ku jɔ miɔɔc në ka kɔɔr kedhie, në baŋ wën cool en ë lip.

Luɔi 15:17

Luɔi bï kɔc Nhialic kɔɔr, kɔc cï döŋ, Ayï Juöör kedhie Juöör cï cɔl në rinkï, Jam de Bɛ̈nydït kï, Bɛ̈nydït loi kake kedhie.

Epethiei 1:12

Luɔi bï wok aa kɔc ee dhuëëŋde tɔ lec, wok kɔc cï Kërtho kɔn ŋɔ̈ɔ̈th.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Epethiei 3:10

ke pɛlënɔm de Nhialic, pɛl kithic aläl, ke bï ŋic ë ciɛɛŋ ku riɛl nu paannhial në ɣön ë Nhialic ënɔɔnë.