Danyel 9:12 - JAM DE NHIALIC 2011

¹² Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Danyel 9:12 ပူးပေါင်းရင်းမြစ်များ

1 Mel 3:9

Yen gëm Yïn lïmdu piɔ̈n ee käŋ ŋic, bä löŋ ë kɔcku ŋiëc aa guiir, bä kërac aa ŋic ku ŋiɛc këpiɛth, eeŋa duëër ë kɔckuön juëckë lëu në mäc?”

2 Mel 22:16

An acï Bɛ̈nydït lueel an, “Tïŋ Yɛn bï kërac bɛ̈ɛ̈i ee tënë, Yɛn bï Jeruthalem kekë kɔckɛn ceŋ en luöi këtuc cït man ë jam cï gɔ̈ɔ̈r në awerekic, ku cï melik de Juda kueen.

Jop 12:17

Ee pɛlënɔm ë röördït ee kɔc jääm nyaai ku tɔ bäny tɔ cït dhän.

Diɛt 148:11

Lɛckï, wek meliik ku kɔc ke pinynɔm kedhie, wɛ̈ɛ̈t meliik ku bäny kɔ̈k ke pinynɔm kedhie,

Diɛt 2:10

Ku ënɔɔnë piɛŋkï ee yöökë, wek meliik, takï wenïïm pel wek bäny ke pinynɔm,

Kɛ̈ŋ 8:16

Bɛ̈ny ëbɛ̈n në piny nɔm ee ŋiëc guïïr në kuɔɔnydï, ayï adhuëëŋ ku bäny ee yɛn ee keek kuɔny.

Yith 43:28

ku jɔ bänykun tëdiën ɣeric tɔ rac, yen ayiɛ̈n Ɛn riääk Yithriɛl, Yɛn cï kɔckï tɔ lɛ̈ɛ̈të.”

Yith 44:26

Ku të cɔ̈ɔ̈r awundï, të tuɔɔc ɛn tuc bïï kïïtdï lɔ nyooth, yɛn ee ka cï caarë, ku ka cï kiëëtë tɔ ee yic. lɛ̈kë Jeruthalem an kɔc abïk bɛ lɔ rëër ëtɛ̈ɛ̈n, ku pɛ̈ɛ̈nydït ke Juda bïk bɛ lɔ nyɔk në yïk. Kek ee pɛ̈ɛ̈nydïtkë abïk röt bɛ jɔt në riääkic.

Jeremia 30:7

Kööl rac abɔ̈, acïn kööldäŋ bïï thɔ̈ŋ en, ee kööl ë jiɛthëpiɔ̈u tëde kɔckï, ku abïk pïïr.”

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 39:16

bä Ebedmelek lɔ yɔ̈ɔ̈k raan de Ethiopia nɔn cï Bɛ̈nydït de rɛm, Nhialic de Yithriɛl ye lueel an, “Cï man cän ye lueel, abä looi, yɛn bï ee pänydïïtë yiɛ̈n riääk ke cie kuɛth. Ku të le ee kënë rɔt looi, yïn bï tɔ̈u ëtɛ̈ɛ̈n ke bä tïŋ.

Jeremia 44:23

Ku riääkkë aa bɔ̈ tëde week në biäk ya wek yiëth kɔ̈k nyuöp wal ŋïr, ku luöikï Bɛ̈nydït kërac, ku kɛ̈nkï lööŋke riëëu kedhie.”

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Dhiëëu 2:17

Bɛ̈nydït acï këdɛn cï lueel an bïï looi jɔ looi. Acï wook riɔ̈ɔ̈k ke cïn kokdepiɔ̈u, cït man cï yen ye lueel ɣɔn thɛɛr. Acï kɔc ke aterde tɔ tiëm, acï keek tɔ mit piɔ̈ɔ̈th në wïïk cï wok wïïk.

Dhiëëu 4:6

Kɔckï acï keek luöi këtuc, këtuc wär këtuc cï luöi kɔc ceŋ Thɔdom, kɔc ɣɔn yök duëër adur ë thiäu ë Nhialic cin.

Edhekiɛl 13:6

Nyuuthken ayek lueth, ku cäärden ee tör. Ayek lueel an guiirkï wëlkï, ku akɛ̈n keek tooc. Ku ŋoot ke yek lueel nɔn bïï wëlken bɛ̈n ke ke ye yith!

Edhekiɛl 5:9

Në biäk ya wek kamaan keek kedhie looi, Yɛn bï Jeruthalem luöi këtuc, cït kë kɛ̈n kɔn looi ɣɔn thɛɛr, ku acä bï bɛ nyɔk.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Dhek 1:6

Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Dhek 1:8

‘Yɛn ë nyuuth tïŋ wënakɔ̈u. Ëtɛ̈ɛ̈n, yɛn ë raan tïŋ ke nu ë jöŋgör thith kɔ̈u. Ku akääc në tiim ke merital yiic, në wakic. Ku jöŋgöör kɔ̈k akɛ̈ɛ̈ckï në yekɔ̈u ciëën, jöŋgör thith, ku jöŋgör kän yan, ku jöŋgör ɣer.

Dhek 7:12

Acïk kenïïm bɛ̈n tɔ ril cït kuur, ku cïkï löŋ piŋ, ku wël wään cï Bɛ̈nydït de rɛm tɔ tucë keek në Wëike ë tït wään thɛɛr. Go Bɛ̈nydït de rɛm piɔ̈u bɛ̈n dïu arëët.

Math 24:21

Ë aköölkë këtuc dït abïï kɔc yök këtuc cïn kë kït ke ye, gɔl të ɣɔn ciɛkë piny aɣët cï ënɔɔnë. Ku acïn kë bï ciët en bï lɔ̈ɔ̈k nu aɣet athɛɛr.

Math 5:18

Wek yɔ̈ɔ̈k ë yic, Të ŋootë tënhial ayï piny ke ke kën guɔ nyai, ka cïn gut tök ku acïn të thiin cï ɣɔ̈ɔ̈t bï nyaai në löŋic, të ŋootë käŋ ke ke kënë thöl kedhie.

Mak 13:19

Aköölkë abïk aa kööl ke këtuc ë kɔc dhal, këtuc cïn kë kït ë yen, gɔl të ɣɔn ciɛkë Nhialic käŋ aɣët cï ënɔɔnë, ku acïn kë cït en bï lɔ̈ɔ̈k nu aɣet athɛɛr.

Luk 21:22

Aköölkë ee akööl ke guur, kööl bï kacïgɔ̈ɔ̈r thöl ë luɔi kedhie.

Romai 15:8

Aluɛɛl alë an, Kërtho acï aa raan ë aŋueel luööi në baŋ de yic de Nhialic, ke bï ka cï kɔn lɛ̈k kuarkuɔ tɔ ye yith,