Danyel 8:25 - JAM DE NHIALIC 2011

²⁵ Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Danyel 8:25 ပူးပေါင်းရင်းမြစ်များ

Jop 34:20

Raan aduëër thou wakɔ̈u ëthiäu. Nhialic ee raan yuöp piny ku riëër nyin, Yen ee raan ril nɔ̈k ke cïn raan kony en.

Jeremia 48:26

Go Bɛ̈nydït lueel an, “Tɔ Mowap dëk abïï wiɛɛt, në biäk cï yen Ɛn rɛɛc. Mowap abï dal në ŋɔkke yiic, ku abï kɔc dɔl guöp.

Dhiëëu 4:6

Kɔckï acï keek luöi këtuc, këtuc wär këtuc cï luöi kɔc ceŋ Thɔdom, kɔc ɣɔn yök duëër adur ë thiäu ë Nhialic cin.

Danyel 11:12

Abïï ë lɛc dɔm në biäk cï yen tiam, ku në baŋ de remdïït ë tɔŋ cï keek nɔ̈k, ku acïï tiëm cï yen tiam bï cuuth.

Danyel 11:45

Ku abï paanydɛndït ë bääny jɔ tääu piny në kaam de wɛ̈ɛ̈r kekë kuur ɣeric kɛ̈ɛ̈c ë Luaŋdït ë yenɔm. Ku abï thou, ke cïn raan töŋ nu ëtɛ̈ɛ̈n bï yen luök.”

Danyel 7:26

Ku ëtɛ̈ɛ̈n luk abï nyuc nhial bïï löŋde teem, riɛlde abïï nööm, ku jɔ riɔ̈ɔ̈k taitai.

Danyel 7:8

Ku të wën woi ɛn tuŋ, yɛn cï tuŋ thiinakäŋ abɔ̈ bei në tuŋ kɔ̈kkë yiic. Acï tuŋ kadiäk kɔ̈k ë yök ëtɛ̈ɛ̈n rɛ̈ɛ̈t bei. Yen ee tuuŋë ade nɔm nyin de raan. Ku thoŋ ee jam ke leec rɔt.

Danyel 8:11

Ayï yen acï teer kekë bɛ̈ny ë rem de tɔŋ de paan nhial, ku tɔ ka ye näk yen e ceŋ tɔ kääc, ku tɔ tëɣeric nhiany yic.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Luɔi 12:23

Na wën, ee tëthiinë, ke yup tunynhial de Bɛ̈nydït, luɔi kën en Nhialic leec, go käm cam, go thou.

2 Theth 2:3

Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

2 Theth 2:8

Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”