Danyel 8:13 - JAM DE NHIALIC 2011

¹³ Guɔ tunynhial piŋ röl athiëc tunynhial däŋ an, “Agut cï nɛn yen bïï ee kakë, ka wën cï tïŋ ë nyuuth yic ŋoot ke ke lɔ tueŋ? Agut cï nɛn yen bïï kërɛɛcdïïtë tɔ̈u ë nyin de miɔ̈c ye nɔ̈k ë ceŋ yic? Agut cï nɛn yen bïï ë rem ë paannhial kekë tëɣeric ŋoot ke ke dum yiic?

Danyel 8:13 ပူးပေါင်းရင်းမြစ်များ

Diɛt 74:10

Ee run kadï Bɛ̈nydït yen bïï kɔc ke ater Yïn aa dɔl gup? Bïk rinku ya läät aɣet athɛɛr?

Diɛt 74:9

Kït ke kakuɔn ɣeriic kedhie acïk liu, Acïn tït cï döŋ, ku acïn raan ŋic yen bïï kaam cït ŋö lɛɛr yen ee kënë.

Diɛt 79:5

Bɛ̈nydït, bä gɔ̈th we wook aɣet athɛɛr? Bï agönhdu aa dɛ̈p cït man ë mac?

Yith 28:18

Löŋduön cäk mac në thuɔɔu abï riɔ̈ɔ̈k, ku riäk amatdun në paan ë thuɔɔu. Të le riääk bɛ̈n ke nap piny we bï tiaam.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Yith 63:18

Wook, wok kɔckuön ɣer yiic, wok cïï ë kɔc ke aterda cuɔp wei, në kaam thiin akäŋ: acïk tëduön ɣeric duöm piny.

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Jeremia 12:10

Bäny juëc ke juöör kɔ̈k acïk domdï riɔ̈ɔ̈k, acïk duumkï duöm piny, acïk pinydiën piɛth tɔ ee jɔ̈ɔ̈r.

Danyel 11:31

Kɔc kɔ̈k në remdɛn ë tɔŋic, abïk Luaŋdït tɔ nhiany yic. Abïk miɔ̈c ye nɔ̈k aköölnyïïn dɔ̈m kɔ̈ɔ̈c. Ku tɛ̈ɛ̈ukï kënhiɛɛny ee riɔ̈ɔ̈c bɛ̈ɛ̈i Luaŋdït.

Danyel 12:11

“Gɔl ë kööl ë tɔ miɔ̈c näk aköölnyïïn kääc, yen aye kööl bïï ë KËNHIƐƐNY EE RIƆ̈Ɔ̈C BƐ̈Ɛ̈I jat nhial, yen abï nïn agum ku bot kaarou ku thiërdhoŋuan 1,290 wan.

Danyel 12:8

Yɛn cï kë lueel piŋ, ku akën yökic. Aguɔ luɔp an, “Ku bɛ̈ny, bï kake kedhie jɔ thök adï?”

Danyel 4:10

“Të wën niɛɛn ɛn në agen nɔm, yɛn cï nyuöth ë timdïït nu ë piny yic cil.

Danyel 4:13

“Ku të wën ja yɛn nyuöth takic ke ya nin në agen nɔm, yɛn cï tunynhial ɣeric tïŋ ke bɔ̈ piny paannhial, acï rɔt coc ku adaai.

Danyel 4:23

Ku të wën dɛɛi yïn, yïn melik, tunynhial ɣeric acï bɛ̈n piny paannhial ku lueel an, “Yiɛpë tim piny ku riɔ̈ɔ̈k, ku nyääŋë mei piny. Ku dɛɛrë wïn ë wëëth ku maläŋ ë yekɔ̈u, ku nyääŋë piny röör ëtɛ̈ɛ̈n kekë wal, tɔ thäc lööny ee raanë kɔ̈u, ku tɔ ceŋ ëtɛ̈ɛ̈n kekë läi në run kadhorou yiic.

Danyel 7:16

Guɔ lɔ tëde raan töŋ ë kɔc kääc ëtɛ̈ɛ̈n, ku luɔp në yic, bïï wɛ̈ɛ̈r yic ɛn ëbɛ̈n. Ago ya lɛ̈k kë lueel.

Danyel 7:23

Kënë yen ee wërë yic ë gämë yɛn an: “Lɛ̈n de ŋuan yen aye wun de ŋuan, wun bï nu ë piny nɔm ku abï wuöc ke wuöt kɔ̈k. Abï piny nɔm kuem ëbɛ̈n ku dum piny ëbɛ̈n.

Danyel 9:27

Yen ee bɛ̈nyë abï dɛ män ril ëtör kekë kɔc juëc, në run kadhorou, ku të le ë biäk töŋ de ee kaamë wan, abï ka ye nɔ̈k dɔ̈m kɔ̈ɔ̈c kekë miɔ̈c ye gam. Ku kë nhiɛɛny ee kɔc riääc abïï tääu në Luaŋdït nɔm, ku abï tɔ̈u ëtɛ̈ɛ̈n aɣet të bï akööl ke raan ëtɛ̈ɛ̈u en ëtɛ̈ɛ̈n thook thök, akööl cïï Nhialic ke gäm en.

Dhek 1:19

Guɔ tunynhial wën jam ke yɛn luɔp an, “Eeŋö ee kakë?

Dhek 14:5

Ku wek bï ban ee wakë yic, wak cï kuur tekic ë rou, wek bï kat ë kat ë kuarkun, ɣɔn cïï piny rɔt nieeŋ në run ke melik Yudhia ë Juda. Bɛ̈nydït Nhialicdï abï bɛ̈n, abï bɛ̈n kekë tuucnhialkɛn ɣeriic kedhie.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 24:15

Të cä wek kënhiɛɛny ee käŋ riɔ̈ɔ̈k tïŋ, kë cï lueel ë tiët Danyel, të cä wek e tïŋ akääc tëɣeric (raan kuen jam tɔ yökic apiɛth).

Mak 13:14

Të cä wek kënhiɛɛny ee käŋ riɔ̈ɔ̈k tïŋ, kënhiɛɛny cï lueel ë tiët Danyel, të cä wek e tïŋ ke kääc të cïï en duëër kɔ̈ɔ̈c, (Raan kuen në ye cök ë piŋ eenë!) Ke kɔc nu Juda ë ke kɔt ke ke lɔ ë kuurdït yiic:

Luk 10:22

“Käŋ kedhie acï Wäär ke yiɛ̈n ɛn: ku acïn raan ŋic wënde, nɔn ee yen ŋa, ee wun etök, ku acïn raan ŋic wun, nɔn ee yen ŋa, ee wënde etök, ku raan nu ë Wënde piɔ̈u luɔi bï en ë nyuöth en.”

Luk 21:20

“Ku na tiëŋkï Jeruthalem acï tuɔɔk ë rɛm ke tɔŋ, ke jakï ŋic nɔn cï riääkde thiɔ̈k.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 11:2

Ku kal nu ë luak kɔ̈u biic jɔ pɔ̈l, du them, acï gäm juöör: ku abïk pänydït ɣeric aa dum ë kecök ë pɛ̈i kathiërŋuan ku rou.

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”

Bäny 13:18

Go tunynhial ë Bɛ̈nydït bɛ̈ɛ̈r an, “Ee ŋö ee yïn a luɔp rin? Acïï duëër lëu ë yöŋ ë yic.”