Danyel 8:12 - JAM DE NHIALIC 2011

¹² Go kɔc karɛc looi ëtɛ̈ɛ̈n, në nyin ë luɔɔi duëër kek miɔ̈c ye nɔ̈k ë ceŋ gam, ku tɔ löŋ yic cuɛtë piny. Go tuŋ jɔ aa tiam në këriëëc ye looi yic ëbɛ̈n.

Danyel 8:12 ပူးပေါင်းရင်းမြစ်များ

Jop 12:6

Ɣööt ke kɔc ee kɔc rum arëërkï ë mätic, ku kɔc ee Nhialic tɔ göth acïn ke riëëc keek, kë yek tak riɛlden yen ee yiëthken.

Diɛt 119:142

Ku piathëpiɔ̈ndu abï tɔ̈u aɣet athɛɛr, ku löŋdu yen aye yic.

Diɛt 119:43

Tɔ yɛn jam në yith në aköölnyïïn kedhie, në biäk tɔ̈u aŋäthdï në guiëër de löŋdu yic.

Diɛt 28:5

Në luɔi cïn kek këdenic thïn në kë looi ë Bɛ̈nydït, ku cïnkï këdenic thïn në kë cï cak, abï Bɛ̈nydït ke luöi këtuc ku riëëk keek aɣet athɛɛr.

Yith 59:14

Luɔi de yic acï cuat wei, ku yic acï tɔ mec ke kɔc. Yith ayek kɔm në pëër dïït de wut yic, ku ja piathëpiɔ̈u ciën të be yök ëtɛ̈ɛ̈n.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Danyel 11:28

Melik de Thiriya abï yenɔm pɔ̈k wut kekë kakɛn cï peec ëbɛ̈n, ku aa cï dhel në yepiɔ̈u nɔn bï yen löŋ ɣeric cï mac de kɔc ke Nhialic riɔ̈ɔ̈k. Abïï looi cït man ë kë kɔɔr ë piɔ̈nde ku abï rɔt pɔ̈k pinyden.

Danyel 7:21

Ku të wën daai yɛn, yen ee tuuŋë acï tɔŋ luöi kɔc ke Nhialic, ku peec keek.

Danyel 8:4

Ku tiëŋ nyɔɔŋ amääl ke guut të lɔ aköl athɛ̈i në yetuŋ, ku të lɔ rut, ku të lɔ wöuwic. Acïn lɛ̈n duëër ye dɔ̈m kɔ̈ɔ̈c, ku cïn kë bän në riɛlde yic. Aye looi cït man ë kë kɔɔr ku jɔ nɔm dït.

Nyuuth 13:7

Ku gëm riɛl bï en tɔŋ yiɛ̈n kɔc ɣerpiɔ̈ɔ̈th, ago ke tiaam: ku gëm bɛ̈ɛ̈ny bï en dhiëën cieŋ ëbɛ̈n ku ceŋ kɔc ëbɛ̈n ku thook ëbɛ̈n ku juöör ëbɛ̈n.

1 Tham 23:9

Na wën aa lɔ Debid ye piŋ nɔn kɔɔr ë Thaulo bï yen mak, go Abiathar bɛ̈ny de kake Nhialic yɔ̈ɔ̈k, an, “Bɛ̈ɛ̈iyë lupɔ de ajïpɔ eenë.”