Danyel 8:11 - JAM DE NHIALIC 2011

¹¹ Ayï yen acï teer kekë bɛ̈ny ë rem de tɔŋ de paan nhial, ku tɔ ka ye näk yen e ceŋ tɔ kääc, ku tɔ tëɣeric nhiany yic.

Danyel 8:11 ပူးပေါင်းရင်းမြစ်များ

Yith 37:23

Eeŋa ye tak, raan läätë ku dɔl guöp? Yïn cïï A riëëu Yɛn Nhialic Ɣeric de Yithriɛl.

Yith 37:29

Yɛn cï awerek jam në luɔi mëën yïn we Yɛn yök, ku lɛc leec yïn rɔt, ku ënɔɔnë yïn bä gɔn wum në alabithɔ, ku mäc yïthok joth, ku jat yïn pɔ̈k yïnɔm në kueer ɣɔn bï yïn.”

Jeremia 48:26

Go Bɛ̈nydït lueel an, “Tɔ Mowap dëk abïï wiɛɛt, në biäk cï yen Ɛn rɛɛc. Mowap abï dal në ŋɔkke yiic, ku abï kɔc dɔl guöp.

Jeremia 48:42

Mowap abïï riɔ̈ɔ̈k ku acïï bï bɛ aa jur, në biäk cïï yen A rɛɛc gam.

Edhekiɛl 46:14

Ayadäŋ miɔ̈c ë rap ye thëmde kilɔɔ kadhïc abï aa looi miäk rial aköölnyïïn, kekë aguun töŋ de miök de olip ye liääp kekë aɣaar. Lööŋ ke miɔ̈cë bïï aa gäm Bɛ̈nydït abïk dhil aa tɔ̈u tëden aɣet athɛɛr.

Danyel 11:22

Raan ëbɛ̈n raan reec yen, ayï bɛ̈nydïït ë kake Nhialic, abïï nap wei ku copë wëi.

Danyel 11:31

Kɔc kɔ̈k në remdɛn ë tɔŋic, abïk Luaŋdït tɔ nhiany yic. Abïk miɔ̈c ye nɔ̈k aköölnyïïn dɔ̈m kɔ̈ɔ̈c. Ku tɛ̈ɛ̈ukï kënhiɛɛny ee riɔ̈ɔ̈c bɛ̈ɛ̈i Luaŋdït.

Danyel 12:11

“Gɔl ë kööl ë tɔ miɔ̈c näk aköölnyïïn kääc, yen aye kööl bïï ë KËNHIƐƐNY EE RIƆ̈Ɔ̈C BƐ̈Ɛ̈I jat nhial, yen abï nïn agum ku bot kaarou ku thiërdhoŋuan 1,290 wan.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Danyel 8:12

Go kɔc karɛc looi ëtɛ̈ɛ̈n, në nyin ë luɔɔi duëër kek miɔ̈c ye nɔ̈k ë ceŋ gam, ku tɔ löŋ yic cuɛtë piny. Go tuŋ jɔ aa tiam në këriëëc ye looi yic ëbɛ̈n.

Danyel 8:24

Abï riɛldït yök, ku acïï bï aa riɛlde yetök. Abï gök dïït ë riääk looi, ku abï tiam në këriëëc ye looi yic ëbɛ̈n. Abï kɔc ril ëtör riɔ̈ɔ̈k, ku riëëk kɔc ke Nhialic gup.

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Kuɛ̈n 28:3

Ku abä lɛ̈k keek, an kënë ee miɔ̈c ye nyop ëbɛ̈n duɛ̈ɛ̈rë gäm Bɛ̈nydït aköölnyïïn ëbɛ̈n nyök amɛ̈l kaarou ee ruöön tök ke ke cïn gup tëdak.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

Ɣeberuu 2:10

Acïï Nhialic tiiŋ nɔm, Raan ë cak këriëëc ëbɛ̈n ku dötke, abï Yecu tɔ dikëdik në guöm, ago kɔc juëc lɛɛr të bï kek dhuëëŋde rɔm. Në luɔi Yen Yecu yen ee kɔc wat tëde kunydewëi.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”