Danyel 8:1 - JAM DE NHIALIC 2011

¹ Wään ë ruöön de rou ye Belcadhar melik yɛn cï nyuuth de rou tïŋ.

Danyel 8:1 ပူးပေါင်းရင်းမြစ်များ

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Danyel 1:17

Nhialic ë wäthii kaŋuan gäm ŋïnydekäŋ, ku tëët ë gäär kekë pɛlënɔm dït. Ku jɔ Danyel ŋuak në miɔ̈c de wɛ̈r ë nyuuth yiic kekë nyuöth.

Danyel 10:2

Ku në aköölkë, yɛn Danyel, yɛn aa dhiau në nïn kathiërrou ku tök yiic.

Danyel 10:7

Ee yɛn aye raan töŋ ë tïŋ nyuuth. Kɔc ë rëër ë yɛn acïn kë cïk tïŋ, ku acïk riɔ̈ɔ̈c aläl abïk kat ku thiɛɛnkï.

Danyel 11:4

Ku të cï yen jɔ riɛl aläl, ciɛɛŋde abï ye yic tek në biäk ke pinynɔm kaŋuan. Meliik cie kuatde abïk piny cieŋ ë nyinde yic, ku acïkï bï dɛ riɛl wään tɔ̈u ke yen.

Danyel 7:1

Wään ë ruöön tueŋ ye Belcadhar melik de Babilonia, yɛn cï nyuöth, guɔ nyuuth tïŋ wakɔ̈u. Aguɔ nyuöth gäär piny, ku kënë ee kë wään cä gɔ̈ɔ̈r

Danyel 7:15

Nyuuth cä ke tïŋ acïk ya mum nɔm, ka yɛn cï piɔ̈u jiɛth aläl.

Danyel 7:28

Kënë yen ee thök de ka cï röt looi. Yɛn aacï riɔ̈ɔ̈c aläl, arëk abä nɔm mum, ku yɛn cï këriëëc ëbɛ̈n muɔ̈k ë yapiɔ̈u.

Danyel 8:15

Aa kaar bä yökic yen kë lueel ë nyuuth. Guɔ kë cït raan tïŋ akääc ë yanɔm.

Danyel 8:2

Në nyuuth yic yɛn cï rɔt yök ëthiäu ke ya rɛ̈ɛ̈r në Thutha pänydïït cï geeu nu wundït de Eelam. Yɛn aa kääc ë kiir de Yulai nɔm,

Danyel 9:2

Në ruöön tueŋ de bäänyde, yɛn aa kuen awerek ɣeric ku tak yanɔm në biäk de run kathiërdhorou (70), run bïï ë Jeruthalem tɔ̈u ke cï riääk, cït man cïï Bɛ̈nydït ye lɛ̈k tiët Jeremia.