Danyel 7:20 - JAM DE NHIALIC 2011

²⁰ Ku yɛn kɔɔr bä tuŋ kathiëër nu ë yenɔm ŋic, ku lɔ tuŋ ë be cil yenɔm ciëën ku tɔ tuŋ kadiäk löny. Ade nyïïn ku thok, ku ee jam ke leec rɔt. Ee këde riɔ̈ɔ̈c aläl awär ka kɔ̈kkë.

Danyel 7:20 ပူးပေါင်းရင်းမြစ်များ

Danyel 7:11

Ku të wën daai yɛn, yɛn piŋ röl de tuŋ thiinë ke ŋoot ke jam në lɛc. Ke ya daai, go lɛ̈n de ŋuan nɔ̈k, ago guöpde dɛɛny ë lɔ̈k de macic ku jɔ riääk.

Danyel 7:19

Ku akaar bä këdäŋ ŋic aya në biäk de lɛ̈n ë ŋuan, lɛ̈n cïï guöp läi kɔ̈kkë, lɛ̈n ee kɔc riääc, lɛ̈n ee ka cï tiaam kuem në riöpkɛn ke maläŋ ku leckɛn ke wëëth ku ciɛth ë kekɔ̈ɔ̈th.

Danyel 7:21

Ku të wën daai yɛn, yen ee tuuŋë acï tɔŋ luöi kɔc ke Nhialic, ku peec keek.

Danyel 7:23

Kënë yen ee wërë yic ë gämë yɛn an: “Lɛ̈n de ŋuan yen aye wun de ŋuan, wun bï nu ë piny nɔm ku abï wuöc ke wuöt kɔ̈k. Abï piny nɔm kuem ëbɛ̈n ku dum piny ëbɛ̈n.

Danyel 7:7

7 Ku të wën jɔ yɛn daai, go lɛ̈n ë ŋuan tïc. Aril ëtör, ku ee gök de gäi, ku ee këde riɔ̈ɔ̈c. Në leckɛn dït ke wëëth aye yen ka cï tiaam kuem, ku jɔ ke dum ë yecök. Acïï cït läi kɔ̈kkë ade nɔm tuŋ kathiëër.

Danyel 7:8

Ku të wën woi ɛn tuŋ, yɛn cï tuŋ thiinakäŋ abɔ̈ bei në tuŋ kɔ̈kkë yiic. Acï tuŋ kadiäk kɔ̈k ë yök ëtɛ̈ɛ̈n rɛ̈ɛ̈t bei. Yen ee tuuŋë ade nɔm nyin de raan. Ku thoŋ ee jam ke leec rɔt.

Nyuuth 12:3

Na wën, ke gök däŋ gɛ̈iyë tiëc paannhial, ŋuäldïït thith ka, ŋuäl de nïïm kadhorou ku tuŋ kathiëër, ku ceŋ dhor kadhorou ë nïïmke.