Danyel 7:1 - JAM DE NHIALIC 2011

¹ Wään ë ruöön tueŋ ye Belcadhar melik de Babilonia, yɛn cï nyuöth, guɔ nyuuth tïŋ wakɔ̈u. Aguɔ nyuöth gäär piny, ku kënë ee kë wään cä gɔ̈ɔ̈r

Danyel 7:1 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

Cäk 46:2

Go Nhialic jam ke Jakop në nyuöthic wakɔ̈u, cɔɔl Jakop an, “Jakop, Jakop!” Go Jakop gam lueel an, “Woi! Yakï eenë.”

Jop 4:13

Yɛn aa cïï nïn tiaam, ku jɔ nyuöth ɛn cuil guöp abï ya lath,

Yith 30:8

Acïï Nhialic lɛ̈k ɛn gäär kënë në awerekic yen tän tɔ̈u ë kɔc, ke bï dɛ kë cï gɔ̈ɔ̈r në biäk de rac ë karɛcken.

Yith 8:1

Go ë Bɛ̈nydït lɛ̈k ɛn an, “Nöm pam dït, ku gäär kɔ̈u në kïït dït nyïïn bïï ë raan ëbɛ̈n aa kueen an, ‘Ee këde Maɣercalal Ɣacebadh, të puk ë yen ë thoŋda an dap yak, dap rum.’

Jeremia 23:28

Tiët de nɔm nyuöth, aduëër lueel an ee nyuöth tei, ku tiët cï jamdï piŋ aduëër ee jamë lueel në piɔ̈n piɛth. Eeŋö piɛth në kaam de wal kekë agamɔ?

Jeremia 27:7

Juöör ëbɛ̈n abïk yen luööi, ku luuikï wɛ̈ɛ̈tke, ku wɛ̈ɛ̈t ke mïthke, agut kööl bïï wïïk bïï jurde wïïk bɛ̈n. Ku ëtɛ̈ɛ̈n jurde abï juöör ril jɔ aa luööi ku abïï meliik dït tɔ ee lïmden.

Jeremia 36:32

Aguɔ awerek däŋ nööm ku gäm Baruk raandiën ee gär, go këriëëc cä lɛ̈k en ëbɛ̈n gäär piny. Acï këriëëc ëbɛ̈n ë tɔ̈u në awerek tueŋë yic gɔ̈ɔ̈r, ku mɛt wël kɔ̈k cït ee kakë thïn, wël cä lɛ̈k yen.

Jeremia 36:4

Guɔ Baruk wën de Neria cɔɔl, ku ta gäär këriëëc cï Bɛ̈nydït lɛ̈k Yɛn ëbɛ̈n. Go Baruk ye gäär në awerekic ëbɛ̈n.

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Edhekiɛl 40:2

Në nyuuth yic Nhialic acï ya jɔt leer ɛn piny de Yithriɛl ku tɛ̈ɛ̈u a piny në kuur bäär nɔm. Guɔ ɣööt juëc tïŋ në yanɔm tueŋ ke ke cït pänydït cï yïk

Danyel 1:17

Nhialic ë wäthii kaŋuan gäm ŋïnydekäŋ, ku tëët ë gäär kekë pɛlënɔm dït. Ku jɔ Danyel ŋuak në miɔ̈c de wɛ̈r ë nyuuth yiic kekë nyuöth.

Danyel 2:1

Në ruöön de rou ye Nebukadnedhar melik, go Nebukadnedhar nyuöth. Acïï nyuöth yen tɔ diɛɛr aläl ka akën niin,

Danyel 2:26

Ago melik Danyel (yen acɔl Beltecadhar) yɔ̈ɔ̈k an, “Duëërë ya lɛ̈k kë cän nyuöth kekë këdɛn lueel?

Danyel 4:13

“Ku të wën ja yɛn nyuöth takic ke ya nin në agen nɔm, yɛn cï tunynhial ɣeric tïŋ ke bɔ̈ piny paannhial, acï rɔt coc ku adaai.

Danyel 4:5

Ku yɛn cï nyuöth ë nyuöth rac, yɛn cï nyuuth ee raan tɔ riɔ̈c tïŋ të wën niɛɛn ɛn në agen nɔm.

Danyel 5:1

Na ɣɔn ke melik Belcadhar ë cɔl agum de kɔc adhuëëŋke, bïk bɛ̈n cam ë këcamdït ku dëkkï ë mɔ̈u.

Danyel 5:22

“Ku yïn wënde, yïn kën rɔt kuɔɔr piny cakaa nɔn ŋic yïn ee kakë kedhie.

Danyel 5:30

Ku në ë wɛ̈ɛ̈r töŋë yic Belcadhar melik de Babilon acï bɛ̈n nɔ̈k.

Danyel 7:13

Ku në ee nyuuthë yic wakɔ̈u, yɛn cï kë cït mɛnh ë raan tïŋ. Abɔ̈ të nu yɛn thïn ke cï geeu në luäät, ago lɔ të de raan pïïr aɣet athɛɛr, go lɔ gäm en.

Danyel 7:15

Nyuuth cä ke tïŋ acïk ya mum nɔm, ka yɛn cï piɔ̈u jiɛth aläl.

Danyel 7:7

7 Ku të wën jɔ yɛn daai, go lɛ̈n ë ŋuan tïc. Aril ëtör, ku ee gök de gäi, ku ee këde riɔ̈ɔ̈c. Në leckɛn dït ke wëëth aye yen ka cï tiaam kuem, ku jɔ ke dum ë yecök. Acïï cït läi kɔ̈kkë ade nɔm tuŋ kathiëër.

Danyel 8:1

Wään ë ruöön de rou ye Belcadhar melik yɛn cï nyuuth de rou tïŋ.

Jowɛl 2:28

“Ku në ee kakë cök, Yɛn bï Wëikï luööŋ në kɔc gup kedhie, ka wɛ̈ɛ̈tkun, ayï duetkun abïk käŋ aa caar, röördïtkun abïk aa nyuöth, ku tïŋ dhuökkun nyuuth.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Ɣabakuk 2:2

Go Bɛ̈nydït jamdï bɛ̈ɛ̈r lëk ɛn an, “Gäär ee nyuuthdiënë në pam kɔ̈u në gäär dït nyin ke bïï raan riŋ lëu në kuɛ̈n, ku bïï ke lɔ lɛ̈k raan däŋ.

Kuɛ̈n 12:6

Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

Romai 15:4

Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r.

2 Kor 12:1

Yɛn bï rɔt dhil leec, acakaa yen ë cïï piɛth, ku yɛn bï bɛ̈n të nu jam de tïŋ cän Bɛ̈nydït tïŋ ku nyuuth cï en rɔt nyuöth ɛn.

Nyuuth 1:19

Yen gɛ̈ɛ̈r yïn ka cï tïŋ, ayï ka nu, ayï ka bï röt lɔ̈ɔ̈k yök ee kakë cök:

Nyuuth 10:4

Na wën, aacï deŋ määr raandhorou, ke yɛn, an, gäär: guɔ röl piŋ abɔ̈ nhial röl luel en, an, “Mony kak ë lueel määrëdeŋ kadhorou du ke gäär!”