Danyel 6:8 - JAM DE NHIALIC 2011

⁸ Ënɔɔnë yïn melik, tɔ löŋ ril ku gäär rinku në gääric, ku bïï dhil looi, ee löŋ de Mede kekë Perthia, löŋ cïï duëërë waar.

Danyel 6:8 ပူးပေါင်းရင်းမြစ်များ

Ethta 1:19

“Të mit en në Melik piɔ̈u, ke tɛ̈ɛ̈u löŋ piny në luɔi cïï Bacti duëër bɛ bɛ̈n në Melik Athuwereth nɔm. Luel kë bï gɔ̈ɔ̈r ë lööŋ ke Perthia ku Media yic, ke cïï bï waar taitai, ku gɛ̈më bäänydɛn ee yen tiiŋ ë Melikë tiiŋ däŋ ŋuän në yen.

Ethta 3:12

Ëtɛ̈ɛ̈n ɣɔn acïï nïn thiëër ku diäk de pɛɛi tueŋ guɔ ɣëët, ke Ɣaman ë cɔl kɔc ee kak ke Melik gɔ̈ɔ̈r, ku kuën keek löŋde, bïk pukic ë thook ke juöör ëbɛ̈n, ku gäär ke në kueer ye kɔc ke ee pinyë kaken gɔ̈ɔ̈r, ku bï ke tuöc bäny ke baai, ku bäny mac wuöt kedhie, bäny ke juöör, ku gäär keek ë rin ke Melik Athuwereth, ku jɔ keek thanyiic në këtim de Melik.

Ethta 8:10

Acï ke gɔ̈ɔ̈r në rin ke Melik Athuwereth, ku thɛɛny ke yiic në katim de Melik, ku awereekë, aake ye tuɔɔc në kɔc ee cath ë jöŋgöör kɔ̈ɔ̈th, jöŋgöör ke baai de Melik ŋic riŋ aläldïïtë.

Ethta 8:3

Go Ethta bɛ jam ke Melik le ku cuɛt rɔt piny ë yenɔm, ke dhiau në pïïu ke yenyin, ke lim kok de piɔ̈u në luɔi duëërë kiɛɛr rɛɛcë tɔ nyɛɛiyë, kiɛɛr rɛɛc wään cïï Ɣaman raan de Agak luöi kɔc ke Judai.

Ethta 8:8

Ka week, gäärkï në gäärduön nhiaarkï në biäk de kɔc ke Judai në rin ke Melik, ku thanykï yic në katim de Melik, në luɔi cïï kë cï gɔ̈ɔ̈r tueŋ në rin ke melik ku thanyic në këtimde duëër nyaai.”

Diɛt 94:21

Ayek kethook mat ë kiɛɛr rac bïï kek kɔc piɛthpiɔ̈ɔ̈th nɔ̈k, ku tɔkï raan cïn kë cï wööc näk.

Yith 10:1

Amawoou në week! Wek cï lööŋ rac ee kɔckï yɔŋ looi.

Danyel 5:28

Tëŋë yic, ciɛɛŋdu acï tekic ku acï gäm Mede ku Perthia.

Danyel 6:12

Agokï lɔ tëde melik kedhie, lek Danyel gaany. Gokï lueel an, “Melik, yïn cï löŋ thaany an, në nïn yiic kathiërdiäk (30), na lɔ raan yanhdäŋ lɔ lam ayï raan däŋ, ke cie yïn yïtök, raanë abï cuat ɣön thiäŋ ke kɔ̈ɔ̈r. Go melik bɛ̈ɛ̈r an, “Ɣɛɛ, löŋ ril ëtör, löŋ de Mede ku Perthia, löŋ cïï duëërë waar.

Danyel 6:15

Go kɔc de ater ë Danyel bɛ̈n ciëën tëde melik, ku lɛ̈kkï yen an, “Aŋic yïn melik, cït man de täu de lööŋ ke Mede ku Perthia, acïn löŋ ye melik tääu piny duëërë waar.

Math 24:35

Tënhial abï nyai ayï piny, ku wëlkï acïkï bï nyai ananden.