Danyel 6:7 - JAM DE NHIALIC 2011

⁷ Wook wodhie wok kɔc lui ë ciɛɛŋdu yic, kɔc ee bääny tiit, ku bäny ke wuöt, ku bäny ke tɔŋ ke wuöt, ku bäny kɔ̈k, wok cï gam në luɔi bï yïn löŋ tääu piny ku mac aril. Tääuwë löŋ piny an, në nïn yiic kathiërdiäk (30), acïn raan bïï tɔ de kë lɛ̈ŋ tëde yanhdäŋ, ayï raandäŋ, ee tëde yïn, yïn melik. Ku raan lɔ ee löŋë rɛɛc gam, abïï cuat adhumic, adhum cï thiäŋ ke kɔ̈ɔ̈r.

Danyel 6:7 ပူးပေါင်းရင်းမြစ်များ

Diɛt 10:9

ayek tïït ɣäänkɛn ke thiaan cï köör, ayek tɔ̈c ke ke buth kɔc kuanynyïïn, ayek keek dɔm ë wïndɛn ë dɛ̈p ku thelkï ke wei.

Diɛt 2:2

Meliik ke piny acïk kenïïm mat, bäny acïk kethook mat, bïk ater wɛ̈l nɔm Bɛ̈nydït kekë raandɛn cï tɔc.

Diɛt 59:3

Tïŋ keek atitkï bïk ya nɔ̈k, kɔc rac piɔ̈ɔ̈th acïk röt mat bïk a luöi tɔŋ. Acie baŋ de kërac ayï awäny cä looi,

Diɛt 59:5

Jɔt rɔt Bɛ̈nydït Nhialic Awärjäŋ, ku kony ɛn, tïŋ ë Yïnyin Nhialic de Yithriɛl! Jɔt rɔt ku luöiyë juöör ëbɛ̈n këtuc, du kɔc rac ee kɔc yɔŋ nyuth kokëpiɔ̈u.

Diɛt 62:4

Week akaarkï bäk bɛ̈ɛ̈i bei tëdɛn ë dhuëëŋ, wek ee piɔ̈ɔ̈th miɛt në lueth. Wek ee jam në wël ke athiɛɛi në we thook, ku wepiɔ̈ɔ̈th thïn aa aciɛɛn.

Diɛt 83:5

Acïk kïïtden gam, ku mɛ̈tkï ke thook Yïn,

Diɛt 94:20

Yïn cie määth we bäny kuc löŋ guiir, kɔc cie cath në löŋ yic,

Danyel 2:4

Gokï jam de melik bɛ̈ɛ̈r në thoŋ de Aram an, “Yïn bï pïïr anandu melik, lɛ̈kë wook nyuöthdu, ku abuk wɛ̈ɛ̈ric yïn.”

Danyel 3:11

ku raan cïï yenɔm ee guöt piny ku lɛm abïï dɛɛny ë many dɛ̈p yic.

Danyel 3:2

Go melik bänyke yöök bïk tëtök, yï: bänydït kedhie, kɔc mac wuöt, bäny ke wuöt, bäny ke baai, kɔc ee wëu muk, bäny ke luk, ku bäny ee löŋ guiir, ku bäny kɔ̈k kedhie bäny tɔ̈u ë wuötdït yiic. Aake bɔ̈ bïk gɛm de kë cï käär bɛ̈n woi, kë wään cïï melik Nebukadnedhar looi.

Danyel 3:27

Go kɔc kedhie, wɛ̈ɛ̈t meliik, ku bäny ke wuöt, ku bäny ke melik bɛ̈n, bïk wäthii kadiäk bɛ̈n woi, në luöi kën ë mac ke nyop, ku acïn aŋuäc de tol ë kegup.

Danyel 3:6

Raan cïï yenɔm bï guöt piny ku lɛ̈m, abï dɛɛny ë many dɛ̈pic raan tök.

Danyel 6:16

Go melik löŋ tääu piny luöi bïï ë Danyel dɔm, ago cuat ɣön cï thiäŋ ke kɔ̈ɔ̈r. Ago lɛ̈k Danyel, “Në Nhialicdu, raan ye luööi ë yïpiɔ̈u ëbɛ̈n kony yïn.

Danyel 6:22

Nhialic acï tunynhialde tuööc bïï kɔ̈ɔ̈r bɛ̈n dɔm thook agokï ya cïï gëm buɔ̈t. Aa loi ee kënë në luɔi ciɛ̈n ɛn guöp awäc, ku acïn kërɛɛc cä luöi yïn, yïn melik.

Maika 6:5

Dɔ̈tkï në wenïïm kɔckï, në kë ɣɔn cï rɔt looi. Meliŋ de Mowap cɔl Balak acï tiët cɔl Balaam wën ë Beyor kumthok, an bïï week läm aciɛɛn. Aguɔ aciɛɛn bɛ̈n puk në yethok ke ye athiɛɛi. Takkï wenïïm në kapiɛth ɣɔn ta Yɛn ke wɛ̈ɛ̈r de Jordan dëu, ku tɛ̈mkï në Akacia ɣɛtkï Gilgal. Yen abä wek kueer ë luäk Ɛn week Yɛn Bɛ̈nydït jɔ ŋic.

Naɣum 2:12

Ku ee mïthke näk cït kë kɔɔr, ku ee läi dhuöŋ yiëth ŋunde kekë mïthke, ku jɔ duŋden yic thiäŋ ke rïŋ.

Math 12:14

Go Parithai lɔ biic, lek löŋ guiir kapäc në këde, në luɔi bï kek e nɔ̈k.

Math 26:4

lek kethook mat ë luɔi bï kek Yecu dɔm ë cuëër, ku bïk nɔ̈k.

Mak 15:1

Na ɣɔn amiäk, aa ruu piny, ke bänydït ke ka ke Nhialic ke ke cam löŋ në röördït ku kɔc ee löŋ gɔ̈ɔ̈r ku kɔc nu ë löŋic ëbɛ̈n, ku jɔkï Yecu duut, leerkï yïnkï Pilato.

Jɔn 12:10

Go bänydït ke ka ke Nhialic löŋ cam kapäc an, bïk Ladharo nɔ̈k ayadäŋ,