Danyel 6:28 - JAM DE NHIALIC 2011

²⁸ Go Danyel jɔ kuɛth në akööl ke bääny de Dariouth yic ku akööl ke bääny de Thairuth raan ë Perthia.

Danyel 6:28 ပူးပေါင်းရင်းမြစ်များ

2 Lëk 36:22

Na ɣɔn ë ruöön tueŋ ye Thairuth melik de Perthia, go jam de Bɛ̈nydït ɣɔn cï Jeremia lueel aa yic. Go Bɛ̈nydït Thairuth melik de Perthia jɔt piɔ̈u, bï jam lɛ̈k kɔc, ku gɛ̈ɛ̈r ë awerekic, bï lɔ kuën kɔc ke pinyde kedhie:

2 Lëk 36:23

“Ku jam ë lueel Thairuth kï, melik de Perthia an: Bɛ̈nydït, Nhialic de paannhial, acï ya looi ke ya ye bɛ̈ny de piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda. Ënɔɔnë, week wedhie wek kɔc ke Nhialic, lakkï ëtɛ̈ɛ̈n, ku Bɛ̈nydït Nhialicdun abï tɔ̈u ke week.”

Diɛt 77:15

Në riɛldu Yïn cï kɔcku luök, kuat de Jakop kekë Jothep.

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Jeremia 32:20

Ɣɔn thɛɛr, yïn aacï göök ku kagɛ̈iyë looi ë Rip, ku acï ŋoot ke ke loi keek agut cï ee köölë, në Yithriɛl yic ku në juöör kɔ̈k yiic ëbɛ̈n, ago Yïn jɔ ŋic ë piny nɔm ëbɛ̈n.

Danyel 1:21

Go Danyel rëër në luŋ de melikic aɣët cï ruöön tueŋ de Thairuth melik de Perthia ë Babilonia.

Danyel 10:1

(Në ruöön de diäk wään ye Thairuth melik de Perthia, jam acï nyuöth Danyel, yen acɔl Beltecadhar aya, jam aaye yic, ku arilic aläl në luöi bï ë yen yökic, ku jam acï wɛ̈ɛ̈ric yen ë Nyuuth yic.)

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 5:28

Tëŋë yic, ciɛɛŋdu acï tekic ku acï gäm Mede ku Perthia.