Danyel 6:24 - JAM DE NHIALIC 2011

²⁴ Na wën ke melik ë yöök kɔc bïk kɔc wään gɛɛny Danyel dɔm kedhie, agokï keek cuat ë pul yic, pul cï thiäŋ ke kɔ̈ɔ̈r, keek në diëërken ku mïthken ëtök. Ku të ŋoot kek ke ke kën guɔ ɣet ë pul thar piny, go kɔ̈ɔ̈r guɔ lööny në ke yiic ku dhuuŋkï yomken kedhie.

Danyel 6:24 ပူးပေါင်းရင်းမြစ်များ

2 Mel 14:6

Ku akën mïthken bɛ̈n nɔ̈k në këde lööŋ ɣɔn cï Bɛ̈nydït lɛ̈k Mothe an: “Meth acïï bï nɔ̈k në awäny de wun, ku wun meth acïï bï nɔ̈k në awäny de meth. Raan abï aa nɔ̈k në awäny ë looi në yen guöpde.”

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Ethta 9:10

Kek wɛ̈ɛ̈t kathiëër ke Ɣaman, wën de Ɣamedatha ka, raan de ater de Judai, ku akënkï kecin tääu në yäkic.

Ethta 9:25

ku ëtɛ̈ɛ̈n, Ethta acï bɛ̈n lɔ tëde Melik, ku yen acïï Melik löŋ bɛ̈n tääu piny ku gɛ̈ɛ̈r ë wuötiic, ku löŋë, yen acï Ɣaman bɛ̈n tɔ yök këtuc wään cï kiir, an lui kɔc ke Judai, ku yen acïï Ɣaman kekë wɛ̈ɛ̈tke bɛ̈n nöök në tim kɔ̈u.

Diɛt 54:5

Nhialicdï abï kërɛɛcden nööm dui yen kɔc ke aterdï. Abïï keek riɔ̈ɔ̈r në baŋ yen piɔ̈u adöt.

Kɛ̈ŋ 11:8

Kɔc piɛth piɔ̈ɔ̈th aye keek kony në nuɛɛn yiic, ku kɔc ee karɛc looi ayek löny thïn.

Kɛ̈ŋ 19:9

Cäätɔ aluenh ee thok thuäär ë lueth acie pɔ̈l baaŋ, acïn nɔm löŋ, apïïr ke cï thou.

Yith 38:13

Wakɔ̈u ëbɛ̈n yɛn ee dhiau në arɛɛm, acït kë de köör dhuuŋ yomkï. Aa cät nɔn tɔ Nhialic pïïrdï thök

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Danyel 3:22

Ku në baŋ cïï melik löŋ tääu piny atuc në biäk bï mac tɔ dɛ̈p aläl, lɔ̈k de mac acï kɔc ë deeny wäthii mɛɛc bɛ̈n nɔ̈k.

Nyöŋ 24:16

“Wärken ë mïth acïï keek bï aa nɔ̈k në biäk de awäny cïï mïthken looi, ku mïth acïï keek bï aa nɔ̈k në biäk de awäny cïï wärken looi, raan abï aa nɔ̈k në biäk de kërɛɛcdɛn cï looi yetök.