Danyel 6:22 - JAM DE NHIALIC 2011

²² Nhialic acï tunynhialde tuööc bïï kɔ̈ɔ̈r bɛ̈n dɔm thook agokï ya cïï gëm buɔ̈t. Aa loi ee kënë në luɔi ciɛ̈n ɛn guöp awäc, ku acïn kërɛɛc cä luöi yïn, yïn melik.

Danyel 6:22 ပူးပေါင်းရင်းမြစ်များ

Cäk 40:15

Ku ee kakë yiic kedhie, yɛn aa kual ɣɔn pinyda, piny ë Ɣeberuu. Ku ayï ënɔɔnë eenë piny ë Rip, yakï mac baaŋ ke cïn kë cä looi, kë rɔ̈ŋ ke mac.”

2 Tham 22:7

Yɛn ee Bɛ̈nydït cɔɔl në nuan cï a yök, Yɛn ee Nhialicdï cɔɔl bï a kony. Go ya piŋ röl Luaŋdɛn ë lɔ̈ŋ, acï dhiëndiën ë kuɔɔny piŋ.

1 Mel 13:28

na wën aacï kɛɛc, ke lɔ ku yök guöp ë tiët ë Nhialic ke dhɔt kueer, ku kääc mul ë yelɔ̈ɔ̈m kekë köör. Ku köör akën guöpde raan cam ayï muul akën mak.

2 Lëk 32:21

Go Bɛ̈nydït tunynhial tuööc ku nɛ̈k rem de tɔŋ ku bäny ke rem ë tɔŋ de Athiriya. Go melik yenɔm pɔ̈k Athiriya ke cï yäär. Na ɣɔn ë kööl tök ke tɔ̈u ë luaŋ yaathde yic, go nɔ̈k në abätäu në wɛ̈ɛ̈tke.

Diɛt 118:28

Yïn ee Nhialicdï, ku Yïn bä gäm lɛc, yɛn bï dïtdu lɛ̈k raan ëbɛ̈n.

Diɛt 26:6

Bɛ̈nydït yɛn ë yacin waak bän luɔi ciɛ̈n ɛn guöp awäc nyuɔɔth, ku la lam ë yïïŋdu lɔ̈ɔ̈m.

Diɛt 31:14

Ee Yïn aŋääth Bɛ̈nydït, ee Yïn ee Nhialicdï.

Diɛt 34:7

tunynhial ë Bɛ̈nydït ee kɔc ee Nhialic riëëu gɛɛu cil, ku kony keek në kë dhal keek.

Diɛt 38:21

Du jäl ë yalɔ̈ɔ̈m, Bɛ̈nydït, du ɛn pɛ̈l wei, Nhialicdï!

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 37:18

Na wën ke luɔp an, “Eeŋö cä wäc yïn, ku nɔn ee bänyku, ku nɔn ee kɔckë, kë tɔ yïn yɛn tɔ tɛ̈ɛ̈uwë në aloocic?

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Danyel 6:20

Na wën cï en ɣet ee të wën nu ë Danyel ke cöt në riɔ̈ɔ̈c ku jiɛthëpiɔ̈u an, Danyel, lïm de Nhialic pïïr! Cï Nhialic ye luööi ë yïpiɔ̈u ëbɛ̈n yï lëu në kuny ë kɔ̈ɔ̈r thook?

Danyel 6:23

Melik acï piɔ̈u miɛt aläl ku yöök kɔc bïk Danyel miëët bei ë pul de kɔ̈ɔ̈r yiic. Agokï miëët bei, gokï tïŋ ke cïn guöp buɔ̈t taitai, në luɔi cï en Nhialic ŋɔ̈ɔ̈th.

Danyel 6:4

Na wën ke kɔc ee bäny ke wuöt tiit ku lɔ bäny ke wuöt kɔ̈k, acïk them nɔn bï kek kë cïï piɛth yök në luɔi mɛc ë Danyel ciɛɛŋ, ku acïn awäny cïk bɛ̈n yök. Danyel aaye raan ye ŋɔ̈ɔ̈th ku acïn kërɛɛc ye looi, ku cïn këde ruëëny ye looi.

Danyel 6:7

Wook wodhie wok kɔc lui ë ciɛɛŋdu yic, kɔc ee bääny tiit, ku bäny ke wuöt, ku bäny ke tɔŋ ke wuöt, ku bäny kɔ̈k, wok cï gam në luɔi bï yïn löŋ tääu piny ku mac aril. Tääuwë löŋ piny an, në nïn yiic kathiërdiäk (30), acïn raan bïï tɔ de kë lɛ̈ŋ tëde yanhdäŋ, ayï raandäŋ, ee tëde yïn, yïn melik. Ku raan lɔ ee löŋë rɛɛc gam, abïï cuat adhumic, adhum cï thiäŋ ke kɔ̈ɔ̈r.

Maika 7:7

Ku yɛn bï Bɛ̈nydït woi nyin, ku tiɛɛt Nhialicdï në luɔi bï yen a kony, ku Nhialicdï abï ya piŋ thok.

Kuɛ̈n 20:16

Na ɣɔn acuk luääk lip tëde Bɛ̈nydït, ke piŋ wothook, ku tuc wook tunynhial bï wo bɛ̈n bɛ̈ɛ̈i bei Rip. Ku ënɔɔnë, wokï rɛ̈ɛ̈r Kadecë, wun tɔ̈u në aken ë pinydun nɔm.

Math 27:46

Ku të cït thaar kadhoŋuan, ke Yecu cöt ë röl dït an, “Eli, Eli, lama tha bakthani?” Yen aye, “Nhialicdï, Nhialicdï, eeŋö pɛ̈l yïn a wei?”

Luɔi 12:11

Na wën, aacï nɔm jɔ bɛ̈n, ke jɔ Petero lueel an, “Acä jɔ ŋic ëgɔk ënɔɔnë, nɔn cï Bɛ̈nydït tunynhialde tooc, ago a luök ë Ɣerod cin, ku aŋäth ŋɛ̈ɛ̈thë kɔc ke Judai ëbɛ̈n.”

Luɔi 24:16

Ku yɛn ee rɔt them e cöökë an, bä ya cath në piɔ̈n agɔk anandï, ku cïn kë ya wööc ë Nhialic nɔm ku kɔc nïïm ayadäŋ.

Luɔi 27:23

Tunynhial aa kääc ë yalɔ̈ɔ̈m wënakɔ̈u, tuny de Nhialic, Nhialic a yɛn lïmde ku ee yen ya lam,

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Ɣeberuu 1:14

Tuucnhial cïkï ee wëi cï tuööc, bïk kɔc bï kuny de wëi lɔ̈ɔ̈k lak aa luööi?

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.

1 Tham 17:37

Go Debid lueel, an “Bɛ̈nydït ë ya kony në kɔ̈ɔ̈r ku kony ɛn në köör ayuääl, ka Yen abï ya kony në ee Pilithiinë aya.” Go Thaulo lɛ̈k en an, “Apiɛth lɔ, Bɛ̈nydït abï tɔ̈u ke yïn.”

1 Tham 26:18

Ku lëk en an, “Eeŋö bɛ̈nydï, kë ŋoot yïn ke yï kɔɔr ɛn? Eeŋö cä luöi yïn, ee awäny ŋö cä looi?