Danyel 6:10 - JAM DE NHIALIC 2011

¹⁰ Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Danyel 6:10 ပူးပေါင်းရင်းမြစ်များ

1 Mel 8:30

Ku piŋ pal ë raanduön ee Yï luööi, ku pal ë kɔckuön ke Yithriɛl, kööl bïï kek aa pal ee tënë. Ye piŋ paannhial paan ee Yïn rëër thïn, ku të cïï Yïn en piŋ, Ye kɔcku päl karɛcken.

1 Mel 8:38

Ke Yï jɔ lɔ̈ŋden piŋ. Të de yen raan töŋ de kɔc ke Yithriɛl cï piɔ̈u dhiau në riäŋ cï ke yök, ku puk rɔt Yïn ke tɛ̈ɛ̈r e cin ë Luaŋdïïtë në lɔ̈ŋ.

1 Mel 8:44

Të cï Yïn kɔcku yɔ̈ɔ̈k bïk lɔ biic, bïk lɔ thɔ̈ɔ̈r në kɔc ka aterden, ku të cïï kek lɔ̈ŋ ke ke tɛ̈ɛ̈r kecin pänydïtduön cï lɔc, ku tɛ̈ɛ̈rkï kecin Luaŋduön cä yïk në rinku,

1 Mel 8:54

Na wën aacï Tholomon thök në lɔ̈ŋ ku lïm lip en Bɛ̈nydït, go rɔt jɔt në yïïŋ ë Bɛ̈nydït nɔm tueŋ, të wën guŋ en ke cï yecin taar nhial.

2 Lëk 6:13

(Tholomon aacï të ye kɔc kɔ̈ɔ̈c looi ë maläŋ ku tɛ̈ɛ̈u ë pëëric cil. Aa ye bɛ̈ɛ̈rde mitïïr kaarou ku biäk, ku bɛ̈ɛ̈rde ke lɔ nhial ee mitïr ku biäk. Go lɔ në këde kɔ̈ɔ̈c nɔm nhial, ku tuk yemiɔl ke woi amatnɔm de Yithriɛl ëbɛ̈n, ku jɔt yecin nhial.)

2 Lëk 6:38

Na cïk kepiɔ̈ɔ̈th puk ë yic në piɔ̈nden ëbɛ̈n ee piny cï ë keek lɛɛr thïn ke ke cï peec, ku lɛ̈ŋkï ke ke wel kenïïm piny cï gäm kuarkuɔ, ku wëlkï kenïïm pänydït cï lɔc, ku welkï kenïïm Luaŋdït cä yiɛ̈k yïnë,

Edhr 9:5

Na jɔ thaar ë miɔ̈c athɛ̈i bɛ̈n, ke ya jɔt rɔt të wën rɛɛc ɛn cäm, ku ŋuɔɔt ke ya cieŋ lupɔ wën cï rɛɛtë, guɔ yamiɔl tuk, läŋ, täär a cin Bɛ̈nydït Nhialicdï.

Neɣe 6:11

Guɔ lueel an, “Acie yɛn cït raan ee kat, ku la thiaan, ye tak duɛ̈ɛ̈r them bä wëikï kony në thiaan Luaŋdït? Yɛn cïï duëër kɔn lɔ ë tek.”

Diɛt 34:1

Yɛn bï Bɛ̈nydït aa thieei aköölnyïïn ëbɛ̈n, lɛcde abï tɔ̈u ë yathok ë ceŋ.

Diɛt 5:7

Ku në biäk ë nhiëërduön agɔk, yɛn duëër bɛ̈n ɣöndu, yɛn bï lam Luaŋduön ɣeric ku guöt a nɔm piny në Yïnɔm në riëëu.

Diɛt 55:17

Miäk rial ku akɔ̈l ku wakɔ̈u, göönydï kekë teerdï ayek lɔ nhial të nu yen, ku abï ya piŋ röl.

Diɛt 86:3

Yïn ee Nhialicdï, ka Yïn kokëpiɔ̈u we yɛn Yïn ya lɔ̈ŋ aköölnyïïn.

Diɛt 95:6

Bäkkï, gutku wonïïm piny ku lɛmku, tukku wo miɔl në Bɛ̈nydït nɔm Aciëŋda!

Danyel 6:13

Agokï ja lɛ̈k melik, an, “Danyel, raan töŋ ë kɔc wään pec ë Juda, acïï yïn ee riëëu ku acïï löŋ cï tääu piny ee theek. Ee cool ë läŋ raan diäk ë kööl tökic.

Danyel 9:4

Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Jona 2:4

Aa cä thɔ̈ɔ̈ŋ an cï ya cuɔp wei ë Yïlɔ̈ɔ̈m, ku cä luaŋduön ɣeric bï bɛ nyɔk në tïŋ.

Mak 3:3

Go lɛ̈k raan cï ciin riɔu an, “Jɔt rɔt, kääcë cil.”

Luk 14:26

“Na bɔ̈ raan tëde yɛn, ku cïï wun man, ku cïï man man, ku cïï tiiŋde man, ku mïthke, ku mïthëkɔcken, ku nyïïrëkɔcken, yeka, acakaa wëiken guöp ayadäŋ, ka cïï duëër aa raandiën ë piööcë.

Luk 22:41

Ago rɔt mɛ̈ɛ̈c ke keek të duëër raan cuööp të dɛɛny en kɔɔi, go emiɔl tuk, ku lɛ̈ŋ,

Luɔi 10:9

Na ɣɔn amiäk, të ŋoot kek kueer, ku cïk thiääk ë pänydït, të cï akɔ̈l kɔ̈ɔ̈c cil, go Petero lɔ nhial ë ɣöt nɔm le lɔ̈ŋ.

Luɔi 2:15

Kɔckë akën mɔ̈u ke wit, në ke wën cäk lueel, ee thaar kadiäk aköl tei,

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 20:36

Na wën, acï kakë lueel, ke jɔ emiɔl tuk, ku jɔ lɔ̈ŋ ke keek ëtök kedhie.

Luɔi 21:5

Na wën, aa cuk aköölkë lɛɛr, ke wo jɔ jäl lok ë kueerda, gokï wo ruac kedhie, kekë diëërken ku mïthken, abuk ɣet pänydït këc, goku womiɔl tuk ë wɛ̈ɛ̈r yɔu, ku lɛ̈ŋku.

Luɔi 3:1

Na wën, ke Petero kekë Jɔn ke ke lɔ ë Luaŋdïtic ëtök ë thaar ë lɔ̈ŋ, yen aye thaar ë dhoŋuan.

Luɔi 4:29

Ku ënɔɔnë, Bɛ̈nydït, piŋ wɛ̈i ee kek wo waai, ku gämë lïïmku riɛl, bïk jamdu aa guiir ke ke ye ŋeeny,

Luɔi 5:20

“Lakï, kääckï nhial ë Luaŋdïtic, ku guiëërkï kɔc në wël ke pïïrë kedhie.”

Luɔi 5:29

Go Petero kekë tuuc kɔ̈k agokï bɛ̈ɛ̈r an, “Wo bï jam e Nhialic dhil piŋ awär ke lueel kɔc.

Luɔi 7:60

Go emiɔl tuk, ku cööt ë röl dït an, “Bɛ̈nydït, du kërɛɛc deer ë keyiëth!” Na wën, aacï kënë lueel, ke thou.

Luɔi 9:40

Go Petero ke tɔ lɔ biic kedhie, go emiɔl tuk ku lɛ̈ŋ, na wën, ke wɛ̈l enɔm raan cï thou, ku yöök an, “Tabitha, jɔt rɔt!” Go enyin liep: na wën, aacï Petero tïŋ, ke jɔt rɔt rëër.

Epethiei 3:14

Yen atuök ɛn a miɔl ë Wääda nɔm Wun Bɛ̈nydan Yecu Kërtho,

Pilipoi 1:14

Ku këdït ë mïthëkɔckuɔ nu ë Bɛ̈nydïtic acïk piɔ̈ɔ̈th riɛl në biäk de mäny mɛcë yɛn, agokï nyïïn riɛl arëët në luɛl ee kek wëlpiɛth lueel ke ke cïï riɔ̈c.

Pilipoi 1:20

Acït man kaar ɛn en arëët ku ŋääth an, bï ciën kë bän yäär, ku yɛn bï nyin riɛl arëët, ago Kërtho lɛc yök ë këdï ënɔɔnë, acït man ee yen en yök ëcaŋɣɔn, ayï të piëër ɛn, ayï të thuɔɔu ɛn.

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

Ɣeberuu 4:16

Yen dɔm wok aŋäth ku cutku röt të nu Yecu në thööny de Nhialic lɔ̈ɔ̈m, ke wo bï kuɔɔny de kok de piɔ̈u kekë dhuëëŋ de piɔ̈u yök në aköölkë yic.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.