Danyel 5:7 - JAM DE NHIALIC 2011

⁷ Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.

Danyel 5:7 ပူးပေါင်းရင်းမြစ်များ

Cäk 41:8

Na ɣɔn amiäk, ke pääc ke cï nɔm mum. Go melik tït ke Rip cɔɔl kedhie, ku cɔɔl röör pelnïïm. Ku guïïr keek nyuöthde. Ku acïn raan töŋ cï ke bɛ̈n lëu në wër ë yic.

Ethta 3:1

Na ɣɔn acï nïn lɔ, ke Melik Athuwereth ë ŋuak Ɣaman në bääny, yen Ɣaman wën Ɣamedatha, raan de Agak, ke ye bɛ̈ny tɔ̈u në bäny nïïm, bäny nu në Melik cök.

Bɛ̈n 7:11

Go melik röör pelnïïm cɔɔl, ku cɔɔl tït. Agokï kë cït kë cïï Aron looi looi ayadäŋ në tïïtden.

Kɛ̈ŋ 1:9

Wëëtden abï yï tɔ läk cït göl ë dhuëëŋ në yïnɔm, ku cït kuat piɛth në yïyeth.

Diɛt ke 1:10

Nhïmku alɛ̈kkï në yïgëm, ayek lööny ë yïyeth cït kuat de ateek.

Yith 47:13

Yïn cï ciën riɛl cakaa nɔn ye kɔc yïn jääm. Tɔ kɔckuön ee kanhial ŋic bɔ̈ tueŋ, bïk yïn bɛ̈n kony, kɔc ee kuɛl nhial ŋic, ku kɔc ee ɣään nhial luöi akɛɛth, ku lëkkï yïn në pɛ̈i thook ëbɛ̈n kë bï rɔt dhil looi tëde yïn.

Jeremia 50:35

Aye Bɛ̈nydït lueel an, “Babilonia abï thou! Ku kɔcke abïk thou, ku bänyke ku röörkɛn pelnïïm abïk thou.

Edhekiɛl 16:11

Ku miaac yï yeth në kuat lɔ bilbil ke maläŋ ku atek.

Danyel 1:20

Ku në këriëëc yic ëbɛ̈n, kë ye melik luɔp në pɛlënɔm kekë ŋïnydekäŋ, aye wäthii kaŋuan keek ŋic raanthiëër awär kɔc ee thuëth, ku kɔc ee cɔ̈ɔ̈r në ciɛɛŋ ë melikic ëbɛ̈n.

Danyel 1:4

Abïk dhil aa dhuök läk, ku yek atëët në pɛlënɔm ëbɛ̈n, kɔc de ŋïnydekäŋ, kɔc ee dap wëët, ku cïnkï gup tëdak, kɔc bï luɔi de paan ë melik lëu. Ku abï Acepenadh keek wɛ̈ɛ̈t në kuën ku gäär ë thoŋ de Babilonia.

Danyel 2:2

go kɔc ee thuëth, ayï kɔc ee cɔ̈ɔ̈r, ku kɔc ee lam, ku kɔc ee caw ku kɔc pelnïïm tɔ cɔl bïk nyuöth bɛ̈n wɛ̈ɛ̈ric en. Wën cï kek bɛ̈n gokï kɔ̈ɔ̈c ë melik nɔm,

Danyel 2:27

Go ë Danyel bɛ̈ɛ̈r an, “Yïn melik, acïn röör pelnïïm, ayï kɔc ee cɔ̈ɔ̈r, ayï kɔc ee thuëth ayï kɔc ee meek, kɔc duëër yïn lɛ̈k ee këcïmoonyë.

Danyel 2:48

Ago Danyel gäm bäänydïït agök, ku gëm miɔ̈c lɔyum, ku tɔ ye bɛ̈ny de paan de Babilon, ku tɔ ye bɛ̈ny nu në röör pelnïïm ke melik nïïm.

Danyel 2:6

Ku na lak yɛn lɔ lɛ̈k nyuöth kekë kë lueel ë nyuöth, wek bä riɔp në miɔ̈c juëc kekë dhuëëŋdït. Ka ënɔɔnë lɛ̈kkï yɛn nyuöth kekë kë lueel.”

Danyel 4:14

Go cööt ë röldït an, “Yiɛpë tim piny, ku kiɛpë kërke wei, ku yiɛ̈ɛ̈rë yïthke wei ku wɛɛrë mïthke wei, cop läi në yethar ku tuur diɛt ë yenɔm.

Danyel 5:11

Ade raan nu ë ciɛɛŋdu yic, raan tɔ̈u ë wëi ke Nhialic ɣeric në yen. Wään ye wuur melik, raanë acï ŋïnydekäŋ ku pɛlënɔm piɛth nyuɔɔth, pɛlënɔm cït këde yiëth. Ku melik Nebukadnedhar, wuur, ke yen, wään ye wuur melik, raanë acï wël piɛth bɛ̈n nyooth, ku ŋïnydekäŋ ku pɛlënɔm cït pɛlënɔm de yiëth, ku acïï wuur melik Nebukadnedhar bɛ̈n tɔ ye bɛ̈ny de kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek.

Danyel 5:15

Ago röör pelnïïm ku kɔc ee cɔ̈ɔ̈r lɔ bɛ̈ɛ̈i, bïk kë cï gɔ̈ɔ̈rë bɛ̈n kueen ku nyuthkï yɛn kë lueel, ku akɛ̈nkï kë lueel bɛ̈n ŋic.

Danyel 5:16

Ku ënɔɔnë acä piŋ nɔn yïn löŋ cï thiaan yökic ku wer kacïmoony yiic. Na duëërë kë cï gɔ̈ɔ̈rë kuɛ̈n ɛn ku lɛ̈kë yɛn kë lueel, yïn bï tɔ ceŋ lupɔ thith amujuŋ de bääny, ku ceŋ kuat ë adhääp de riëëu në yïyeth ku yïn bï aa raan de diäk ë riɛl ë ciɛɛŋde yic.

Danyel 5:29

Go Belcadhar kɔcke yöök raantök, bïk Danyel yiɛ̈k kɔ̈u lupɔ thith amujuŋ ku bïk kuat ë adhääp de riëëu tääu ë yeyeth, ku tɔ ee raan de diäk ril në ciɛɛŋ ë bäänyde yic.

Kuɛ̈n 22:17

Yïn bä riɔp apiɛth, ku gäm yïn ke kɔɔr ëbɛ̈n. Ka yïn bä lämë ya ee kɔckë yïn läŋ.

Kuɛ̈n 22:7

Go röördït ke Mowap mɛ̈tkï në röördït ke Midian ariöp de cäär nööm ku jëlkï, lekkï tëde Balaam. Na wën acïk ɣet tëde Balaam, ke lëkkï ke cïï Balak lɛ̈k en.

Kuɛ̈n 24:11

Jäl ënɔɔnë, puɔ̈kë rɔt wundun! Acä lueel wään aa bä yï riɔp, ku ënɔɔnë, Bɛ̈nydït ë yï pɛ̈n ariöp.

1 Tham 17:25

Ku yek lɛ̈k röt kapäc an, “Tïŋ tei ku piŋ kë lueel, acïï melik Thaulo lueel an, bïï raan lɔ yen nɔ̈k gäm ariöp dït arëët. Ku acï lueel an, bïï raan gäm nyande ayadäŋ ke ee tiiŋde. Ku acï baaiden bï bɛ ee tɔ kut athölbö.”