Danyel 5:23 - JAM DE NHIALIC 2011

²³ Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 5:23 ပူးပေါင်းရင်းမြစ်များ

Cäk 14:19

Ku thieei Abram lueel an, “Athiɛɛi de Nhialic dïït nhial, Raan ë cak tënhial ku piny abï tɔ̈u ke yïn.

Cäk 2:7

Ago Bɛ̈nydït Nhialic raan cuëëc në tiɔɔm ë piny ku mony cï cuëëc ku jɔ kuöth wum yom ë pïïr, go raan jɔ aa këpïïr.

2 Mel 14:10

Ënɔɔnë Amadhia, yïn cï kɔc ke Edom tiaam, ka yïn cï lɛc dɔm arëët, jɔ pëk wekë dhuëëŋduönë, ku rɛ̈ɛ̈rë paandu, eeŋö yïn kërac kɔɔr bä riääk gɔ̈n rɔt wekë Juda?”

Jop 12:10

Ciinde yen apïïrë kë ë ciɛk ëbɛ̈n, ayï wëi ëbɛ̈n ye mɛnh ë raan ke wëi.

Jop 31:4

Ku Yen ee të le yɛn thïn woi, ku ŋic kaam yan ke tëëk thïn ëbɛ̈n.

Diɛt 104:29

Të cïn keek nyääŋ piny, ayek riɔ̈ɔ̈c, ku të cïn wëiku jɔt ayek thou ku dɔkkï kenïïm në abuuidɛn wään bïï kek thïn.

Diɛt 115:16

Paannhial ee këde Bɛ̈nydït yetök, ku acï piny gäm mɛnh ë raan bï cieŋ.

Diɛt 139:3

Yïn ë ya woi të luööi yɛn ayï të cän lɔ̈ŋ, yïn ŋic ka ya looi ëbɛ̈n.

Diɛt 146:4

Të thou kek ayek röt pɔ̈k në abuui yic, në ee kööl manë yen aye kë cïk kiëët ëbɛ̈n thök.

Kɛ̈ŋ 20:24

Pïïr ë mɛnh ë raan atɔ̈u në Bɛ̈nydït ciin, ka cïï raan duëër yökic yetök.

Yith 13:11

Aye Bɛ̈nydït lueel an, “Yɛn bï riääk bɛ̈ɛ̈i piny ku luöi këtuc kɔc ee karɛc looi ëbɛ̈n, në biäk de karɛckɛn. Yɛn bï raan ëbɛ̈n kuɔɔr piny raan ee yenɔm ɣääc, ku luöi këtuc raan de guöp lɛc ee kɔc kuur.

Yith 14:13

Aa cï dhel ë yïpiɔ̈u bä kɛɛc nhial paannhial, ku bä thöönydu lɔ tääu nhial në kuɛl nïïm. Aa cï cät an bä lɔ nyuc cït melik në kuur de amatnɔm nɔm, biäk të lɔ rut të ye yiëth kenïïm mat.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 33:10

Aye Bɛ̈nydït lɛ̈k juöör an, “Yɛn bï rɔt jɔt ku luööi. Ku nyuɔɔth riɛldiën lëu En këriëëc.

Yith 37:19

ku nyop yiëthken, ka ɣɔn cie yiëth ë yic yic, ayek kak ë guaŋ ë tiim ku kur, luɔi de kɔc cin tei.

Yith 37:23

Eeŋa ye tak, raan läätë ku dɔl guöp? Yïn cïï A riëëu Yɛn Nhialic Ɣeric de Yithriɛl.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Jeremia 10:23

Bɛ̈nydït, aŋiɛc acïn raan ŋic të duëër ë nïnke lɔ thök thïn, acïn raan muk wëike.

Jeremia 48:26

Go Bɛ̈nydït lueel an, “Tɔ Mowap dëk abïï wiɛɛt, në biäk cï yen Ɛn rɛɛc. Mowap abï dal në ŋɔkke yiic, ku abï kɔc dɔl guöp.

Jeremia 50:28

(Kɔc cï kat ë Babilonia acïk röt kual ku lekkï Jeruthalem, ayek kueer cï ë Bɛ̈nydït Nhialicda guur looi leeŋ, në biäk de kë cï kɔc ke Babilonia luöi Luaŋdït.)

Jeremia 50:29

“Lɛ̈kkï kɔc moc dhɛ̈ŋ ë ke mɛk Babilon. Takkï kɔc ŋic muny ë dhaŋ ëbɛ̈n lɔ biic. Gɛɛukï pänydït cil ku duökï de raan takkï bän. Takkï col ka cï looi ëbɛ̈n, ku luɔikï cït man cï yen kɔc kɔ̈k luööi, në biäk yen käŋ looi në lɛc lëc en rɔt Yɛn, Yɛn Nhialic Ɣeric de Yithriɛl.

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Edhekiɛl 28:5

Yïn cï luɔi de pɛlënɔm looi ku ŋuɔɔtë ke yï ŋuak kaku nyïïn në ka ye yök. Eeŋö ee yïn rɔt lɛɛc aya në kajuëcku!

Edhekiɛl 31:10

“Ku ënɔɔnë, Yɛn Bɛ̈nydït Awärjäŋ, yïn bä lëk kë bï rɔt lɔ luöi ee tim cï dït abï jɔ ɣet ë luäät yiic. Të le yen ke dït ee lɔ ke dït nɔm,

Danyel 11:12

Abïï ë lɛc dɔm në biäk cï yen tiam, ku në baŋ de remdïït ë tɔŋ cï keek nɔ̈k, ku acïï tiëm cï yen tiam bï cuuth.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Danyel 8:11

Ayï yen acï teer kekë bɛ̈ny ë rem de tɔŋ de paan nhial, ku tɔ ka ye näk yen e ceŋ tɔ kääc, ku tɔ tëɣeric nhiany yic.

Ɣabakuk 2:4

Ku jamkï an: ‘Kɔc ee karɛc looi acïkï bï pïïr, ku kɔc piɛthpiɔ̈ɔ̈th abïk pïïr në gäm gɛm kek Nhialic.’

Luɔi 17:25

Ku acie kony ë kɔc cin, cït nɔn dɛk en ë käŋ, ee yen ee kɔc miɔɔc kedhie në pïïr, ku wëi, ku käŋ kedhie.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

1 Tim 3:6

Acïï bï aa raan ë piac gam, ke cïï rɔt bï tɔ dït, ago wïïk në këracic kërɛɛc ee jɔŋdït rac wïïk thïn.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 9:20

Ku kɔc cï döŋ, kɔc kënë jɔɔkkë nɔ̈k, aŋootkï ke ke kën kepiɔ̈ɔ̈th puk në luɔidɛn yek looi ë kecin, ke ke cïï jɔɔk rac bï aa lam, ayï ka cï cuëëc ë adhääp, ku ateek, ku maläŋ, ku kuur, ku tim, ka cie daai, ku cïkï ye piŋ, ku cïkï ye cath:

Bäny 16:23

Go bäny ke Pilithiin keyiic määt në luɔi bïï kek yanhden Dagon lɔ luöi dhuëëŋ ku bïk lɔ näk. Agokï diɛt ket an, “Yanhda acï wo tɔ tiam Thamthon raan de aterda!”

1 Tham 17:26

Go Debid rɔt cuöt kɔc thiääk në yen, ku lop keek an, “Eeŋö bï gäm raan lɔ ee raan ë Pilithiinë nɔ̈k, ku dɛ̈k kɔc ke Yithriɛl yiëth në ayärdïïtë? Ku në yic, eeŋa yen ee Pilithiin kuc Nhialicë, ka duëër rem de tɔŋ de Nhialic pïïr jɔ riääc?”

1 Tham 17:36

Yɛn ë kɔ̈ɔ̈r nɔ̈k ku näk köör ayuääl, ka yɛn bï ee Pilithiin cïn nɔm Nhialicë nɔ̈k ayadäŋ, Pilithiin ee rem de tɔŋ de Nhialic pïïr läät.”