Danyel 5:11 - JAM DE NHIALIC 2011

¹¹ Ade raan nu ë ciɛɛŋdu yic, raan tɔ̈u ë wëi ke Nhialic ɣeric në yen. Wään ye wuur melik, raanë acï ŋïnydekäŋ ku pɛlënɔm piɛth nyuɔɔth, pɛlënɔm cït këde yiëth. Ku melik Nebukadnedhar, wuur, ke yen, wään ye wuur melik, raanë acï wël piɛth bɛ̈n nyooth, ku ŋïnydekäŋ ku pɛlënɔm cït pɛlënɔm de yiëth, ku acïï wuur melik Nebukadnedhar bɛ̈n tɔ ye bɛ̈ny de kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek.

Danyel 5:11 ပူးပေါင်းရင်းမြစ်များ

Cäk 41:38

Ku lëk ë melik kɔcke, an, “Acïn raan piɛɛth däŋ buk yök pei të cïn Jothep, raan de guöp wëi ke Nhialic.”

2 Tham 14:17

Aguɔ jɔ lueel an gutguutdu abï yɛn kony, në biäk cït ë melik tunynhial de Nhialic ku aŋic këpiɛth kekë kërac. Ku Bɛ̈nydït Nhialicdu abï tɔ̈u kekë yïn!”

Edhekiɛl 28:3

Aye tak nɔn pel yïn nɔm awär Danyel, ku acïn këcïmoony duëërë thiaan në yïn.

Edhekiɛl 28:4

Pɛlënɔmdu ku tëëtdu acïk yïn tɔ ee raan kueth në kajuëc ke adhääp, ku ateek.

Danyel 1:4

Abïk dhil aa dhuök läk, ku yek atëët në pɛlënɔm ëbɛ̈n, kɔc de ŋïnydekäŋ, kɔc ee dap wëët, ku cïnkï gup tëdak, kɔc bï luɔi de paan ë melik lëu. Ku abï Acepenadh keek wɛ̈ɛ̈t në kuën ku gäär ë thoŋ de Babilonia.

Danyel 2:11

Kë kɔɔr yïn melik arilic aläl, acïn raan bï ye luöi yïn, ee yiëth kapäc, ku yiëth acïkï ee ceŋ në kɔc yiic.”

Danyel 2:22

Ee ka nu të thuth ku kacïmoony nyuɔɔth, aŋic kë cï thiaan ë mɔ̈ɔ̈thic, ku Yen guöpde acï ɣɛɛr gɛɛu cil.

Danyel 4:18

Go melik Nebukadnedhar lueel an, “Kënë yen e nyuöthdï, ka ënɔɔnë, Beltecadhar, lɛ̈k ë yɛn kë lueel. Acïn raan tök në röörkiën pelnïïm cï ye nyuöth ɛn. Ku aduëërë lëu, në biäk tɔ̈u ë wëi ke Nhialic ɣeric në yïn.

Danyel 4:5

Ku yɛn cï nyuöth ë nyuöth rac, yɛn cï nyuuth ee raan tɔ riɔ̈c tïŋ të wën niɛɛn ɛn në agen nɔm.

Danyel 4:6

Yɛn cï röör pelnïïm nu Babilon tɔ yïnë yɛn, bïk yɛn bɛ̈n lɛ̈k kë lueel ë nyuöth.

Danyel 5:14

Acä piŋ nɔn tɔ̈u ë wëi ke Nhialic ɣeric ke yïn, ku yïn atët, ku de yï ŋïnydekäŋ ku pɛlënɔm.

Danyel 5:7

Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.

Luɔi 12:22

Go kɔc cööt an, “Ee röl ë Nhialic, acie röl ë raan!”

Luɔi 14:11

Na wën, aacï kut ë kɔc luɔi ë looi Paulo tïŋ, ke ke jɔt keröt, jamkï në thoŋdɛn ë Lukaonia, luelkï an, “Yiëth acïk lööny piny tëde wook ke ke cït gup kɔc!”

Luɔi 16:16

Na wën, ë kööl tök, të le wok të ye kɔc lɔ̈ŋ, ke wo jɔ rɔ̈m në nyan lïm, nyan de guöp yanh cɔl nyiëël, ku ye bänyke tɔ yök wëu juëc në cäär ee yen cɔ̈ɔ̈r.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.