Danyel 4:7 - JAM DE NHIALIC 2011

⁷ Go kɔc ee thuëth, ku kɔc ee cɔ̈ɔ̈r, ku kɔc ee lam, ku kɔc ee meek bɛ̈ɛ̈i, aguɔ keek lɛ̈k nyuöthdï gokï kɛ̈n bɛ̈n wɛ̈ɛ̈ric ɛn.

Danyel 4:7 ပူးပေါင်းရင်းမြစ်များ

Cäk 41:24

Ago nïïm ke rap cï luɔk ke ke kor nyïïn, nïïm dïtkë liek. Aguɔ ke tɛ̈t tït kedhie, ku acïn tiët töŋ cï ke lëu në wër ë yic.”

Cäk 41:8

Na ɣɔn amiäk, ke pääc ke cï nɔm mum. Go melik tït ke Rip cɔɔl kedhie, ku cɔɔl röör pelnïïm. Ku guïïr keek nyuöthde. Ku acïn raan töŋ cï ke bɛ̈n lëu në wër ë yic.

Diɛt 37:35

Yɛn cï raan rɛɛc ee kɔc kuur tïŋ, raan dïït cït kɔ̈u tim de thidar de Lebanɔn.

Yith 44:25

Yɛn cï kɔc ee käŋ caar tɔ cït dhän, ku ta kɔc ee kanhial caar rac piɔ̈ɔ̈th. Ku jääny wël ke röör pelnïïm ku ta ŋïnydɛn de käŋ ee dhɔ̈ɔ̈n.

Edhekiɛl 31:3

Yïn cït tim de thidar de Lebanɔn de kër läk aa tiëp looi, Tim bɛ̈ɛ̈r ye kërke ɣet ë luäät yiic.

Danyel 1:4

Abïk dhil aa dhuök läk, ku yek atëët në pɛlënɔm ëbɛ̈n, kɔc de ŋïnydekäŋ, kɔc ee dap wëët, ku cïnkï gup tëdak, kɔc bï luɔi de paan ë melik lëu. Ku abï Acepenadh keek wɛ̈ɛ̈t në kuën ku gäär ë thoŋ de Babilonia.

Danyel 2:10

Go ë kɔc bɛ̈ɛ̈r an, “Acïn raan nu ë piny nɔm, raan duëër melik lɛ̈k kë kɔɔr bïï ŋic. Acïn melik, Ayï melikdïït ril ëtör acïï kë kɔɔrë duëër kɔn lɛ̈k tïtke, ayï kɔc ee cɔ̈ɔ̈r, ku kɔc ee thuëth.

Danyel 2:27

Go ë Danyel bɛ̈ɛ̈r an, “Yïn melik, acïn röör pelnïïm, ayï kɔc ee cɔ̈ɔ̈r, ayï kɔc ee thuëth ayï kɔc ee meek, kɔc duëër yïn lɛ̈k ee këcïmoonyë.

Danyel 2:7

Gokï jam de melik bɛ bɛ̈ɛ̈r an, “Melik, yïn duëër wo lɛ̈k nyuöth tei, ku abuk weeric.”

Danyel 3:8

Ku ëtɛ̈ɛ̈n kɔc kɔ̈k ke Babilonia acïk nyin ë lueth yök, bï kek kɔc ke Judai cop.

Danyel 4:18

Go melik Nebukadnedhar lueel an, “Kënë yen e nyuöthdï, ka ënɔɔnë, Beltecadhar, lɛ̈k ë yɛn kë lueel. Acïn raan tök në röörkiën pelnïïm cï ye nyuöth ɛn. Ku aduëërë lëu, në biäk tɔ̈u ë wëi ke Nhialic ɣeric në yïn.

Danyel 5:7

Go cööt në luöi bïï ë kɔc bɛ̈ɛ̈i, kɔc ee cɔ̈ɔ̈r, ku kɔc ee lam, ku kɔc ee meek. Na wën cïk bɛ̈n ɣöt, go melik röör pelnïïm yɔ̈ɔ̈k an, “Na lɔ raan ë weyiic ya kuɛ̈n ee gäärë ku nyuth ɛn kë lueel abïï tɔ ceŋ lupɔ thiith amujuŋ de bääny ë melik, ku abï kuat de adhääp ë riëëu ceŋ ë yeyeth, ku abï ya raan de biäk ë bääny de pinydï yic.

Danyel 5:8

Go röör pelnïïm ë melik bɛ̈n, ku acïn raan töŋ cï kë cï gɔ̈ɔ̈r bɛ̈n kueen ku nɔn nyuth en melik kë lueel.