Danyel 4:35 - JAM DE NHIALIC 2011

³⁵ Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Danyel 4:35 ပူးပေါင်းရင်းမြစ်များ

Jop 23:13

Ku Yen acïï rɔt ee waar, ku eeŋa duëër ë lëu në puk? Kë kɔɔr piɔ̈nde, yen aye looi.

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Jop 42:2

“Aŋiɛc Bɛ̈nydït nɔn ee Yïn ril, ku Yïn duëër këriëëc ëbɛ̈n kɔɔr ë Yïpiɔ̈u looi.

Jop 9:4

Nhialic apel nɔm ku aril, eeŋa bï mëën ke Yen, ku tiɛɛm?

Diɛt 115:3

Nhialicda anu paannhial, ee këdɛn kɔɔr looi.

Diɛt 135:6

Ee kë kɔɔr në yepiɔ̈u looi ë pinynɔm ku paannhial në pïïu yiic ku në pïïu thäär piny tëthuth.

Diɛt 33:14

Ee kɔc cieŋ piny nɔm ëbɛ̈n tïŋ, ke rɛ̈ɛ̈r tëdɛn muk en bääny.

Diɛt 39:5

Yïn ë ya gäm pïïr ciekic! Pïïrdï acït kë cïn këdäŋ tëde yïn. Pïïr de raan ëbɛ̈n acït man ë yom tëde yïn,

Diɛt 49:1

Piɛŋkï kënë, wek kɔc wedhie! Piëŋkï wek kɔc ceŋ pinynɔm,

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Wɛ̈ɛ̈t 8:4

Jam de bɛ̈ny ëbɛ̈n atɔ̈u ë riɛl në kecök, ku eeŋa bï ye lɛ̈k en an, “Eeŋö ee kë loiyë?

Yith 19:17

Kɔc ke Rip abïk riɔ̈ɔ̈c në Juda të lee ë keek täk nïïm në kööl cïï Bɛ̈nydït de rɛm riäŋden guiir.

Yith 26:9

Yïn ya kɔɔr ë Yapiɔ̈u ëbɛ̈n wakɔ̈u, të ye Yïn löŋ de piny guiir kekë kɔc nu thïn, abïk wëët kedhie në piathëpiɔ̈u.

Yith 43:13

Yɛn ee Nhialic ku Yɛn täu anandï. Acïn kë duëër ban në riɛldï yic, ku acïn raan duëër kë cä looi waar.”

Danyel 6:27

Yen ee kony ku luɛ̈k, Yen ee göök looi ku looi kake gäi paannhial ku piny nɔm. Acï Danyel kony në luɔi bï ë kɔ̈ɔ̈r ye nɔ̈k.

Jona 1:14

Agokï Bɛ̈nydït lɔ̈ŋ në röldït an, “Bɛ̈nydït, Bɛ̈nydït, du wo lui këtuc de thuɔɔu, të le wok ee raanë nɔ̈k, Bɛ̈nydït, kënë ee täŋdu ku ye luɔidu.

Luɔi 11:17

Ku ënɔɔnë, të cï Nhialic keek miɔɔc në miɔ̈c cït miɔ̈c cï en wo miɔɔc, wään cï wo Bɛ̈nydït Yecu Kërtho gam, ku yɛn, ya ŋa, duɛ̈ɛ̈r Nhialic pɛ̈n luɔide?”

Luɔi 4:28

bïk käŋ bɛ̈n looi ëbɛ̈n, ka cïï riɛldu ku löŋdu kɔn guiir ɣɔn thɛɛr an, bï ke dhil looi.

Luɔi 5:39

ku na ye këde Nhialic, acäkï bï lëu në tiëm, ke we cïï bï yök aye kɔc piɔ̈t ë Nhialic!”

Luɔi 9:5

Go thiëëc an, “Ee yïn ŋa, Bɛ̈nydït?” Go Bɛ̈nydït lueel an, “Ee Yɛn Yecu raan yɔŋë: atök të wec yïn wiɛth thook.”

1 Kor 10:22

Yok Bɛ̈nydït tɔ dɔm tiɛɛl ënɔɔnë? Rilku awärku yen?

1 Kor 2:16

Cït man cï këcïgɔ̈ɔ̈r ye lueel an, “Ku eeŋa ë ŋic piɔ̈n ë Bɛ̈nydït? Eeŋa bï en Wɛ̈ɛ̈t?” Ku wok ee cath në piɔ̈n de Kërtho.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Jocua 2:2

Na wën, ke piŋ ë melik de Jeriko luɔi de yen nëëm ke Yithriɛl cï bɛ̈n bïk piny bɛ̈n neem.

1 Tham 3:18

Ago Thamwɛl ye lɛ̈k këriëëc ëbɛ̈n, abïï ciën kë dɔ̈ŋ. Na wën ke lueel an, “Yen ee Bɛ̈nydït, abï këdɛn cï tïŋ ke piɛth looi.”