Danyel 4:34 - JAM DE NHIALIC 2011

³⁴ Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Danyel 4:34 ပူးပေါင်းရင်းမြစ်များ

2 Tham 22:31

Kuɛɛr ke Nhialic ayek dikëdik, ku wëlke aye ke ŋɔ̈ɔ̈th. Yen acït köt tëde kɔc ë gëlde kɔɔr.

1 Lëk 29:10

Ëtɛ̈ɛ̈n Debid ë Bɛ̈nydït bɛ̈n leec ke amatnɔm ë tɔ̈u thïn ëbɛ̈n, ku lueel an, “Thieithieei në Yïn Bɛ̈nydït, Nhialic de kuɛɛrëda Jakop, Yïn bï aa leec aɣet athɛɛr!

1 Lëk 29:13

Ënɔɔnë Nhialicda, Yïn cuk leec, ku wok cï rinkuön ke dhuëëŋ piɔɔny.

Jop 1:21

Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

Diɛt 10:16

Bɛ̈nydït ee melik aɣet athɛɛr. Juöör ee yiëth kɔ̈k lam abïk määr pinyde.

Diɛt 102:24

Nhialic, du ya go jat wei ënɔɔnë ke ya kën guɔ dhiɔp. Bɛ̈nydït, päl ɛn aɣet athɛɛr,

Diɛt 107:15

Abïk Bɛ̈nydït dhil lɛc nɔm, në biäk ë nhiëërdɛn agɔk, në biäk de ka gɛ̈iyë cï ke luöi keek.

Diɛt 107:22

Abïk Bɛ̈nydït dhil gäm miɔ̈c de thieithieei, ku në diɛt ke miɛtëpiɔ̈u abïk ka cï looi kedhie nyuɔɔth.

Diɛt 107:31

Abïk Bɛ̈nydït dhil lɛc nɔm në biäk ë nhiëërdɛn agɔk, në biäk de ka gɛ̈iyë cï luöi keek.

Diɛt 107:8

Abïk Bɛ̈nydït dhil leec në biäk de nhiëërdɛn agɔk, në biäk de kagɛ̈iyë cï looi.

Diɛt 111:7

Ku luɔi de Yen ciin alɔ gɔk ku ee yic, ku lööŋke ëbɛ̈n ayek yith.

Diɛt 121:1

Yɛn ee kur woi nïïm, ee tënou bïï kuɔɔnydï bɛ̈n thïn?

Diɛt 123:1

Bɛ̈nydït ee yïn akaar, yɛn woi tënhial të tɔ̈u ë thöönydu thïn.

Diɛt 145:13

Ciɛɛŋdu ee ciɛɛŋ tɔ̈u athɛɛr, ku yïn ee melik aɣet athɛɛr. Bɛ̈nydït adöt në gutguutde yic ëbɛ̈n, ku ee piɔ̈u kok në luɔide yic ëbɛ̈n.

Diɛt 146:10

Bɛ̈nydït ee melik aɣet athɛɛr. Nhialinydu yïn Dhiɔn abï bääny muk aköölnyïïn kedhie. Lɛckï Bɛ̈nydït!

Diɛt 50:14

Miɔc Nhialic në miɔ̈c de thieithieei, ku gämë Nhialic Awärjäŋ këduön cï yïn gutguut lueel.

Diɛt 66:7

Ee pinynɔm mac në riɛlde aɣet athɛɛr, ku ye nyïïnke juöör woi. Tɔ cïn raan be rɔt jɔt, raan reec en.

Diɛt 7:17

Yɛn bï Bɛ̈nydït gäm alɛɛc rɔ̈ŋ ke piathëpiɔ̈nde, ku yɛn bï Bɛ̈nydït Awärjäŋ leec në diɛt.

Diɛt 9:2

Yɛn bï ket ë miɛtëpiɔ̈u në biäkdu. Yɛn bï Nhialic Awärjäŋ leec në diɛt.

Diɛt 92:1

Apiɛth buk Bɛ̈nydït gäm lɛc, buk diɛt ket në rinke, buk Nhialic Awärjäŋ riëëu,

Yith 13:11

Aye Bɛ̈nydït lueel an, “Yɛn bï riääk bɛ̈ɛ̈i piny ku luöi këtuc kɔc ee karɛc looi ëbɛ̈n, në biäk de karɛckɛn. Yɛn bï raan ëbɛ̈n kuɔɔr piny raan ee yenɔm ɣääc, ku luöi këtuc raan de guöp lɛc ee kɔc kuur.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 24:15

ku kɔc nu të lɔ aköl amiäk abïk piɔɔny. Kɔc rɛ̈ɛ̈r në wɛ̈ɛ̈r yɔu abïk Bɛ̈nydït, Nhialic de Yithriɛl piɔɔny.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Dhiëëu 3:38

Këpiɛth ku kërac kedhie ayek röt looi kedhie në jam de Bɛ̈nydït.

Danyel 12:7

Ago tunynhial ceŋ lupɔ ɣer kääc në kiir nɔm, ciin cuëc ku ciin cam yaak nhial, ku kuëëŋ në rin ke Nhialic Pïïr Athɛɛr. Acä piŋ ke lueel an, “Abïï ya run kadiäk ku biäk. Të bïï yaaŋ de kɔc ke Nhialic thök, kakë kedhie abïk röt dhil kɔn looi.”

Danyel 2:44

Ku të ceŋ ee bänykë piny, Nhialic de paannhial abï ciɛɛŋde looi, ciɛɛŋ cïï bï thök athɛɛr. Acïï bï tiaam, ku abï ee meliikë riɔ̈ɔ̈r kedhie taitai, ku jɔ ceŋ aɣet athɛɛr.

Danyel 4:2

Piɛŋkï kakiën ke gäi ku göök cïï Nhialicdït nyuöth ɛn.

Danyel 4:26

Acïï tunynhial lueel nɔn bïï mei pɔ̈l piny. Kënë anyoth nɔn bïï yïn bɛ aa melik, të le yïn ye ŋic nɔn yen Nhialic yen amac pinynɔm ëbɛ̈n.

Danyel 4:3

“Kake gäi cïï Nhialic ke nyuöth wook ayek kadït. Ku ka göök cïï Nhialic ke looi ayek karil. Ciɛɛŋ de Nhialic abï ɣet athɛɛr, ku abï pinynɔm cieŋ aköölnyïïn ëbɛ̈n.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 4:36

“Wën cïï piɔ̈ndï rɔt puk, go bääny, ku dhuëëŋdï, ku ciɛɛŋdï puɔ̈k nɔm ɛn. Ago bänykï ku adhuëëŋkï yɛn loor nɔm, ku gëmë yɛn riɛldiën ë bääny, kekë dhuëëŋ dïït wär kë wään tueŋ.

Danyel 5:18

“Nhialic dït acï wuur Nebukadnedhar tɔ ee melik dït, ku gëm dhuëëŋ ku riëëu.

Danyel 5:21

Acï bɛ̈n cuɔp wei në kɔc yiic, ku nɔmde acï bɛ̈n ciët tɔ̈u de lɛ̈i. Acï rëër ke mul roor. Ku nyuɛ̈ɛ̈th wal cï lɛ̈i, ku niin roor ke cïn kë kum yen yekɔ̈u në thɛ̈c. Na wään ciëën ke jɔ gam nɔn muk ë Nhialic dït ciɛɛŋ de kɔc ke pinynɔm ëbɛ̈n ku aduëër ke gäm raan cï tak ë yepiɔ̈u.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Danyel 7:27

Bääny ku riɛldït de ciɛɛŋ ë pinynɔm ëbɛ̈n abïï gäm kɔc ke Nhialic dït. Ku riɛl de bäänyden acïï kɔ̈u bï tɛɛm ku bäny ke pinynɔm ëbɛ̈n abïk keek aa luööi ku rïïukï keek.

Danyel 9:14

Yïn Bɛ̈nydït Nhialicda, yïn aacï rɔt guiir bä wook luöi këtuc, ku acï looi, në biäk ee yïn këpiɛth giit ë luɔi aköölnyïïn, ku yïn kënku piŋ thok.

Jona 1:14

Agokï Bɛ̈nydït lɔ̈ŋ në röldït an, “Bɛ̈nydït, Bɛ̈nydït, du wo lui këtuc de thuɔɔu, të le wok ee raanë nɔ̈k, Bɛ̈nydït, kënë ee täŋdu ku ye luɔidu.

Maika 4:7

Kɔc cï gum abä ke tɔ dɔ̈ŋ apïïr, ku kɔc cï cuɔp wei ta keek ë jur ril. Abä ke cieŋ në Kuur ë Dhiɔn nɔm, gɔl ënɔɔnë aɣet athɛɛr.

Luk 1:33

Ku abï aa melik ceŋ dhiën ë Jakop aɣet athɛɛr, ku ciɛɛŋde abï ciën thökde!”

Luk 18:13

Go raan ë athölbö tɔ kut kɔ̈ɔ̈c tëmec, ku reec e nyin jat nhial, ku jɔ yepiɔ̈u biɔ̈ɔ̈k, ku lueel an, ‘Nhialic kok piɔ̈u we yɛn, yɛn ee raan ee kërac looi!’

Jɔn 5:26

Acït man ciɛthë Wääda ke pïïr ë yenhde etök.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

1 Tim 6:16

Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

Nyuuth 10:6

ku lueel gutguut në Raan pïïr aɣet athɛɛr ya, Raan ë cak nhial, kekë ka nu thïn kedhie, ku ciɛk piny kekë ka nu thïn kedhie, ku ciɛk wɛ̈ɛ̈r kekë ka nu thïn kedhie, an, “Acïn agääu bï bɛ nu!

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 4:10

ke röördït kathiërrou ku ŋuan ke ke ye röt jɔ cuat piny ë Bɛ̈nydït nɔm Bɛ̈ny rɛ̈ɛ̈r ë thöönydït nɔm, ku yek Bɛ̈nydït lam Bɛ̈ny ë pïïr aɣet athɛɛr ya, ku yek göölkɛn ë dhuëëŋ cuat ë thöönydït nɔm tueŋ, ku yek lueel an,

Nyuuth 4:9

Ku të ye läike Bɛ̈nydït leec ku riëëukï ku luelkï, an, Thieithieei Bɛ̈ny rɛ̈ɛ̈r ë thöönydït nɔm Bɛ̈ny pïïr aɣet athɛɛr,