Danyel 4:32 - JAM DE NHIALIC 2011

³² Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 4:32 ပူးပေါင်းရင်းမြစ်များ

2 Lëk 33:13

Go Nhialic lɔ̈ŋ de Manatha gam ku puk yenɔm Jeruthalem ku be aa melik. Kënë acï Manatha bɛ̈n ŋic nɔn ye Bɛ̈nydït Nhialic.

Jop 42:2

“Aŋiɛc Bɛ̈nydït nɔn ee Yïn ril, ku Yïn duëër këriëëc ëbɛ̈n kɔɔr ë Yïpiɔ̈u looi.

Jop 9:12

Ku tïŋ, ee nööm ku eeŋa duëër En dɔ̈m kɔ̈ɔ̈c? Acïn raan duëër En yɔ̈ɔ̈k an, “Eeŋö ë kë loiyë?”

Diɛt 115:3

Nhialicda anu paannhial, ee këdɛn kɔɔr looi.

Diɛt 135:6

Ee kë kɔɔr në yepiɔ̈u looi ë pinynɔm ku paannhial në pïïu yiic ku në pïïu thäär piny tëthuth.

Bɛ̈n 8:10

Go melik lɛ̈k en an, “Läŋë në biäkdï miäk.” Go Mothe lɛ̈k en an, “Apiɛth, yɛn bï lɔ̈ŋ në biäkdu miäk, ke bä jɔ ŋic nɔn cïn en Bɛ̈nydït däŋ kït ke Nhialicda.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Bɛ̈n 9:29

Go Mothe lueel an, “Të lan jäl wut eenë, yɛn bï yacin lɔ yaak nhial läŋ Bɛ̈nydït tɔ rel kääc, kekë deŋ, ku abïk kɔ̈ɔ̈c. Yen abï yïn en jɔ ŋic nɔn ye piny piny ë Bɛ̈nydït.

Yith 37:20

Ënɔɔnë Bɛ̈nydït Nhialicda luäkë wo bei në Athiriya ciin, ke bïï ë juöör ke piny nɔm ŋic an, Yïn aye Nhialic Yïtök.”

Yith 40:15

Tëde Bɛ̈nydït juöör acïnkï naamden, acïtkï nyin ë pïïu ee thuat, tur mec apiɔlkï cï abuui.

Yith 40:17

Juöör ke piny nɔm acïnkï naamden taitai tëde yen.

Yith 45:3

Yïn bä gäm wëu të col, në ɣään cï thiaan, yen abïï yïn en jɔ ŋic nɔn ee Yɛn Bɛ̈nydït, ku nɔn cïï Nhialic de Yithriɛl yï cɔɔl në rin.

Jeremia 27:5

“Ee Yɛn ë cak pinynɔm në riɛldiëndït, ku cak kɔc ku läi, ku gäm raan cä tïŋ ke piɛth të de Yɛn.

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Danyel 4:31

Ku të ŋoot ë wël ke ke kën bɛ̈n bei në yethok, go röl jam paan nhial an, “Melik Nebukadnedhar, piŋ kë luɛɛl! Riɛlduön ë bääny acï jɔt tëde yïn ënɔɔnë.

Danyel 5:21

Acï bɛ̈n cuɔp wei në kɔc yiic, ku nɔmde acï bɛ̈n ciët tɔ̈u de lɛ̈i. Acï rëër ke mul roor. Ku nyuɛ̈ɛ̈th wal cï lɛ̈i, ku niin roor ke cïn kë kum yen yekɔ̈u në thɛ̈c. Na wään ciëën ke jɔ gam nɔn muk ë Nhialic dït ciɛɛŋ de kɔc ke pinynɔm ëbɛ̈n ku aduëër ke gäm raan cï tak ë yepiɔ̈u.

Jocua 4:24

Yen abï raan ë pinynɔm ëbɛ̈n, riɛl de Bɛ̈nydït jɔ ŋic. Ku wek bï Bɛ̈nydït Nhialicdun jɔ aa riëëu guöp anandun.