Danyel 4:30 - JAM DE NHIALIC 2011

³⁰ ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Danyel 4:30 ပူးပေါင်းရင်းမြစ်များ

Cäk 10:10

Ɣɔn tueŋ gɔl ë ciɛɛŋde rɔt, aa cieŋ Babel kekë Eerek, ku Akat. Ku wuötkë kedhie kadiäk, anukï piny ë Babilonia.

Ethta 1:4

ku jɔ dhuëëŋ ŋoot ke loi në nïn kabɔt ku thiërbɛ̈t. Anyooth luɔi kueth kek në bäänyde yic ku kajuëc nyooth läk de dhuëëŋde.

Diɛt 104:1

Wek wëikï, thiɛikï Bɛ̈nydït! Yïn Bɛ̈nydït, Nhialinydï, eeŋa thöŋ ke Yïn! Yïn cï kuöm piny në bääny ku dhuëëŋ,

Diɛt 49:20

Juëc de kake ku dïtde acïï yen bï pɛ̈n thuɔɔu, abï ŋoot ke thou cï läi.

Diɛt 73:8

Ayek kɔc kɔ̈k dɔl gup, ku yek karɛc lueel, Keek adekï gup lɛc, ku yek kiɛɛr bï kek kɔc kɔ̈k yɔŋ looi.

Kɛ̈ŋ 11:2

Lɛc ë rɔt ee lɔ guut ayäär, ku koor ë rɔt piny ee pɛlënɔm.

Kɛ̈ŋ 16:18

Lɛc aye riääk kuany cök.

Kɛ̈ŋ 29:23

Na ye rɔt tɔ dït ke yïn bï kuɔɔr piny, ku na kuɔɔrë rɔt piny ke yïn bï riëëu yök.

Yith 13:19

Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Danyel 4:31

Ku të ŋoot ë wël ke ke kën bɛ̈n bei në yethok, go röl jam paan nhial an, “Melik Nebukadnedhar, piŋ kë luɛɛl! Riɛlduön ë bääny acï jɔt tëde yïn ënɔɔnë.

Ɣabakuk 1:11

Ku barkï yic ëthiäu cït man ë yom. Kɔc de gup gääk, ye riɛlden yanhden.

Luk 14:11

Raan ëbɛ̈n raan ee rɔt tɔ dït abï tɔ koor, ku raan ee rɔt kuɔɔr piny, yen abï tɔ dït.”

Luk 14:9

ku jɔ raan ë cɔl week bɛ̈n, bï ku yöök yïn an, ‘Nyai, pätë raanë.’ Ke yïn bï jɔ yäär, ku jɔ lɔ nyuc këc ya.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

Nyuuth 14:8

Na wën, ke tunynhial däŋ löök bɛ̈n, bï ku lueel, an, “Acï wïïk! Acï wïïk, yen Babilon pänydïït dïïtë, luɔi cï en juöör tɔ dëk ëbɛ̈n në mɔ̈n ë agɔ̈th agönh ë bïïyë bɛɛlde!”

Nyuuth 16:19

Go pänydït e yic tek ë diäk, ku wiëëk pɛ̈ɛ̈nydït ke juöör: go Nhialic Babilon dït tak ë yenɔm, bï gäm bïny de yic mɔ̈n ë tuöc ë agönhdɛn dït.

Nyuuth 17:5

ku ade rin cï gɔ̈ɔ̈r ë yenɔm tueŋ an, “KËCÏMOONY KA, Babilon DÏÏTË KÏ, MAN AKƆƆRRÖÖR KU YE MAN KANHIƐNY KE PINY NƆM.”

Nyuuth 18:10

ke ke kääc tëmec në riɔ̈ɔ̈c cï kek riɔ̈ɔ̈c ë lɛ̈ŋ cï e leeŋ wëi, ku luelkï, an, “Amawoou! Madinoou! Gök de pänydït Babilon, pänydïït ril! Ee thaar tök en aa yök yïn këduön tuc!”

Nyuuth 18:21

Na wën, ke tunynhial ril aläl kuany kuur cït kuurdïït ee guär, deeny ë wɛ̈ɛ̈rdïtic, lueel, an, “Dhuur bï gök de pänydït Babilon dhuöör piny ë rup kï, ku cïï bï bɛ tïc ëliŋliŋ.