Danyel 4:27 - JAM DE NHIALIC 2011

²⁷ Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Danyel 4:27 ပူးပေါင်းရင်းမြစ်များ

Cäk 11:4

Agokï lueel an, “Yïkku wundït, ku aloocdïït bäär, aloocdïït bï nɔm ɣet paannhial. Ku tɔku rinkuɔ tiëc, ke wo cï bï thiëi ë piny nɔm ëbɛ̈n.”

1 Mel 21:29

“Kënë tïŋ luɔi cï Aɣap rɔt kuɔɔr piny në Yanɔm? Nɔn cï yen ee kënë looi Yɛn cïï riääk bï bɛ yiɛ̈n en në akööl ke pïïrde yic, Yɛn bï riääk bɛ̈ɛ̈i baai de Aɣap në akööl ke wɛ̈ɛ̈tke yiic.

Diɛt 119:46

Yɛn bï lööŋku lɛ̈k meliik ku yɛn cïï guöp bï riɔ̈ɔ̈c.

Kɛ̈ŋ 11:2

Lɛc ë rɔt ee lɔ guut ayäär, ku koor ë rɔt piny ee pɛlënɔm.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Yith 10:13

Melik de Athiriya aɣɛ̈ɛ̈c yenɔm an, “Ee köŋdï yen ë loi yen ëbɛ̈n. Yɛn ril ku pɛl nɔm ku ŋiɛc käŋ. Yɛn cï akɛɛth nu ë kɛm ke juöör nyaai ku nääm kajuëc cïk kuɛ̈t röt. Yɛn ee cath ë kɔc tɔ̈u ëtɛ̈ɛ̈n kɔ̈ɔ̈th cït man ë thɔn.

Yith 47:10

“Yïn cï rɔt ŋic apiɛth në karɛckuön ye looi yiic, aye tak nɔn cïn en raan duëër yï tïŋ. Pɛlënɔmdu, ku ŋïnyduön de käŋ acïk yïn mɔ̈ɔ̈r, ku ja jɔ aa lɛ̈k rɔt an, ‘Yɛn ee Nhialic, acïn raan däŋ pei cït ɛn.’

Yith 47:8

“Piɛŋkï kënë, we kɔc nhiaar miɛt ë piɔ̈u, ayak tak nɔn cïï ë we kony ku luök we. Ayak lueel nɔn cä wek dït cït Nhialic, ku nɔn cïn en raan däŋ cït week. Aa ye tak nɔn cïï yïn duëër kɔn aa tiiŋ abaar, ku nɔn bä nuan në thon de mïthku.

Jeremia 29:7

Yak kë piɛth looi ë biäk ë pɛ̈ɛ̈nydït cän we lɛɛr thïn ke we mac. Yak Yɛn lɔ̈ŋ ë biäkden, në biäk na lek kuɛth, ke we bï kuɛth ayadäŋ.

Jeremia 38:20

Aguɔ lueel an, “Yïn cïï bïï gäm keek. Yïn läŋ bä kë cï Bɛ̈nydït lueel riëëu, ku käŋ kedhie abïk piath tëde yïn, ku wëiku abïï ke kony.

Edhekiɛl 18:7

Acïï kɔc ee math ku cïï kɔc ee rum. Ee raan puɔ̈k nɔm kë cï nööm ë kuɔɔny apiɛth, ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Edhekiɛl 29:3

Luel an kë lëkë Bɛ̈nydït Awärjäŋ melik de Rip kï: yïn ee raan aterdï, yïn ŋuäldït nyaŋ, dhɔt në pïïuwiic. Acï lueel an ye Kiir këdu, ku ee yïn ë loi en.

Edhekiɛl 29:9

Rip abï döŋ ke ye piny cïn yic kɔc. Ëtɛ̈ɛ̈n abäk jɔ ŋic nɔn ee yɛn Bɛ̈nydït. “Në biäk cïï yïn e lueel an ye Kiir këdu ku ee yïn ë loi yïn.

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Amoth 6:13

Wek ee röt lɛɛc në luɔi cä wek pänydït de Lodebar peec, ku lɛckï wenïïm an, ë we rum Karnaim në riɛldun. Yïn ee rɔt lɛɛc, “Wok aake ril buk Karnaim nööm.”

Jona 3:9

Na de të bïï Nhialic E piɔ̈u puk, ago löŋ waaric, nɔn de të bïï Yen agönhde pɔ̈l, ke wo cïï bï thou! Go kɔc ke Ninebe jam de Nhialic gam, ku yöökkï röt bïk thek, keek kedhie ayï mïth ayï röördït, ku tɛ̈ɛ̈u kɔc lupɔɔ ke cuɔl ë kekɔ̈ɔ̈th, yen abï ye nyuɔɔth nɔn cïï kek karɛcken pɔ̈l.

Ɣabakuk 1:11

Ku barkï yic ëthiäu cït man ë yom. Kɔc de gup gääk, ye riɛlden yanhden.

Dhep 2:15

Yen kë ee rɔt looi ka tëde kɔc ee kenïïm ɣääc në riɛlden kapäc, ku yek tak an rëërkï në mätic, ayek ŋic an pänydïïtden, ee yen adït ë pinynɔm, ku yen abï ja aa wun cï riääk cieŋ ë läi roor! Ku raan ëbɛ̈n ee tëëk ë ye këc abïï aa geet ku lɛt ë yeciin.

Math 3:8

Yen aa wek luɔk në luɔi piɛth, luɔi bï röŋ në puŋëpiɔ̈u,

Luk 11:41

Aŋuän luɔi bä wek kɔc kuanynyïïn miɔɔc në ka cath në week, ku tiëŋkï, käŋ kedhie ayek ɣɛɛr tëde week.

Luɔi 24:25

Na wën, aguiir Paulo këde piathëpiɔ̈u, ku në döm ee raan rɔt dɔm, ku në guiëër bï löŋ de kɔc guiir rial, ke Pelik jɔ riɔ̈ɔ̈c arëët, go bɛ̈ɛ̈r an, “Jɔ jäl ënɔɔnë. Na miäk, të cän akööl piɛth yök, ke yïn bä cɔɔl.”

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Luɔi 8:22

Yen puk yïn yïpiɔ̈u në kërɛɛcduön cï wööcë, ku jɔ Bɛ̈nydït lɔ̈ŋ, ke kë cï tak ë yïpiɔ̈u ke bï dɛ të bï e yiɛ̈n päl yïn.

2 Kor 5:11

Yen ka, luɔi ŋic wok riɔ̈ɔ̈c bï kɔc dhil riɔ̈ɔ̈c ë Bɛ̈nydït, ke wo ye kɔc guët nïïm, ku Nhialic aŋic wopiɔ̈ɔ̈th, ku yɛn duëër piɔ̈u miɛt të cä wek wook ŋic piɔ̈ɔ̈th ayadäŋ në jam ë yak yök ë wepiɔ̈ɔ̈th.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

Nyöŋ 24:13

ye lupɔ pɔ̈k nɔm yen thëën, ago nɔm dɛ lupɔ bï yen niin, ku jɔ piɔ̈u miɛt ëtɛ̈ɛ̈n ku thieei yïn, ku abï aa piathëpiɔ̈u tëde week në Bɛ̈nydït Nhialicdun nɔm.

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.