Danyel 4:26 - JAM DE NHIALIC 2011

²⁶ Acïï tunynhial lueel nɔn bïï mei pɔ̈l piny. Kënë anyoth nɔn bïï yïn bɛ aa melik, të le yïn ye ŋic nɔn yen Nhialic yen amac pinynɔm ëbɛ̈n.

Danyel 4:26 ပူးပေါင်းရင်းမြစ်များ

Danyel 2:18

Go keek yɔ̈ɔ̈k, bïk Nhialic de Paannhial lɔ̈ŋ ë baŋ ë kokëpiɔ̈u, ku bïk luɔp bï keek nyuöth wɛ̈r de këcïmoony yic, ago keek cïï bï nɔ̈k ëtök në röör pelnïïm de Babilon.

Danyel 2:19

Ku në ë wɛ̈ɛ̈r töŋë yic këcïmoony acï bɛ̈n nyuöth Danyel ë nyuuthic, ago Danyel Nhialic de paannhial piɔɔny an:

Danyel 2:37

Yïn melik. Yïn adït në meliik ëbɛ̈n. Nhialic de paannhial acï yïn gäm ciɛɛŋ, ku gëm yïn riɛl, ku ŋeeny ku dhuëëŋ.

Danyel 4:15

Ku nyääŋë biäk de meeide piny, ke duööt kɔ̈u në wïn ë wëëth ku maläŋ, në wal thik kor yiic. Nyääŋë piny roor. “Ku ënɔɔnë tɔ thäc nhial lööny ee raanë kɔ̈u, ku tɔ cëŋ kekë läi ku wal roor.

Danyel 4:23

Ku të wën dɛɛi yïn, yïn melik, tunynhial ɣeric acï bɛ̈n piny paannhial ku lueel an, “Yiɛpë tim piny ku riɔ̈ɔ̈k, ku nyääŋë mei piny. Ku dɛɛrë wïn ë wëëth ku maläŋ ë yekɔ̈u, ku nyääŋë piny röör ëtɛ̈ɛ̈n kekë wal, tɔ thäc lööny ee raanë kɔ̈u, ku tɔ ceŋ ëtɛ̈ɛ̈n kekë läi në run kadhorou yiic.

Danyel 4:31

Ku të ŋoot ë wël ke ke kën bɛ̈n bei në yethok, go röl jam paan nhial an, “Melik Nebukadnedhar, piŋ kë luɛɛl! Riɛlduön ë bääny acï jɔt tëde yïn ënɔɔnë.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Danyel 5:20

Ku në luɔi cï yen rɔt lɛɛc, ku riil nɔm ku ye kɔc yɔŋ, acï bɛ̈n nyaai në thööcdɛn ë bääny yic, ku mɛ̈l ë tëdɛn ë dhuëëŋ.

Danyel 5:21

Acï bɛ̈n cuɔp wei në kɔc yiic, ku nɔmde acï bɛ̈n ciët tɔ̈u de lɛ̈i. Acï rëër ke mul roor. Ku nyuɛ̈ɛ̈th wal cï lɛ̈i, ku niin roor ke cïn kë kum yen yekɔ̈u në thɛ̈c. Na wään ciëën ke jɔ gam nɔn muk ë Nhialic dït ciɛɛŋ de kɔc ke pinynɔm ëbɛ̈n ku aduëër ke gäm raan cï tak ë yepiɔ̈u.

Math 21:20

Na wën, aacï kɔcpiööcë e tïŋ, ke ke gäi, ku luelkï an, “Ŋaap ë go guɔ dap riɔu adï?”

Math 5:34

Ku yɛn alɛ̈k week an, “Du ee kuëëŋ ee dap looi anandu, du ye kuëëŋ në paannhial, në baŋ yen thööny de Nhialic,

Luk 15:18

Yɛn bï rɔt jɔt, la tëde wäär, la ku luɛɛl an, “Wäär, yɛn ë kërac luöi Nhialic, ku luöi yïn kërac aya.

Luk 15:21

Go wënde lueel an, ‘Wäär, yɛn ë kërac luöi Nhialic, ku luöi yïn kërac aya, ku yɛn cïï be röŋ në luɔi bï a cɔl wëndu.’