Danyel 4:23 - JAM DE NHIALIC 2011

²³ Ku të wën dɛɛi yïn, yïn melik, tunynhial ɣeric acï bɛ̈n piny paannhial ku lueel an, “Yiɛpë tim piny ku riɔ̈ɔ̈k, ku nyääŋë mei piny. Ku dɛɛrë wïn ë wëëth ku maläŋ ë yekɔ̈u, ku nyääŋë piny röör ëtɛ̈ɛ̈n kekë wal, tɔ thäc lööny ee raanë kɔ̈u, ku tɔ ceŋ ëtɛ̈ɛ̈n kekë läi në run kadhorou yiic.

Danyel 4:23 ပူးပေါင်းရင်းမြစ်များ

Danyel 4:26

Acïï tunynhial lueel nɔn bïï mei pɔ̈l piny. Kënë anyoth nɔn bïï yïn bɛ aa melik, të le yïn ye ŋic nɔn yen Nhialic yen amac pinynɔm ëbɛ̈n.

Danyel 5:21

Acï bɛ̈n cuɔp wei në kɔc yiic, ku nɔmde acï bɛ̈n ciët tɔ̈u de lɛ̈i. Acï rëër ke mul roor. Ku nyuɛ̈ɛ̈th wal cï lɛ̈i, ku niin roor ke cïn kë kum yen yekɔ̈u në thɛ̈c. Na wään ciëën ke jɔ gam nɔn muk ë Nhialic dït ciɛɛŋ de kɔc ke pinynɔm ëbɛ̈n ku aduëër ke gäm raan cï tak ë yepiɔ̈u.

Danyel 8:13

Guɔ tunynhial piŋ röl athiëc tunynhial däŋ an, “Agut cï nɛn yen bïï ee kakë, ka wën cï tïŋ ë nyuuth yic ŋoot ke ke lɔ tueŋ? Agut cï nɛn yen bïï kërɛɛcdïïtë tɔ̈u ë nyin de miɔ̈c ye nɔ̈k ë ceŋ yic? Agut cï nɛn yen bïï ë rem ë paannhial kekë tëɣeric ŋoot ke ke dum yiic?