Danyel 4:1 - JAM DE NHIALIC 2011

¹ Go melik Nebukadnedhar thoŋë tuöc kɔc ke wuöt ëbɛ̈n ku juöör, ku thook ëbɛ̈n nu ë piny nɔm: “Wek cä thiëëc!

Danyel 4:1 ပူးပေါင်းရင်းမြစ်များ

1 Lëk 12:18

Go Wëidït ke Nhialic bɛ̈n në raan töŋden guöp, go Amathai ɣɔn cï bɛ̈n aa bɛ̈ny de thiërdiäk lueel an, “Debid wën de Jethe, wok ee kɔcku! Yïn bï tiam wekë kɔc kony yïn! Nhialic atɔ̈u ë biäkdu.” Go Debid ke cɔɔl, ku tɔ keek ee bäny ke remdɛn de tɔŋ.

Edhr 4:17

Go Melik awerek pɔ̈k nɔm keek an, “Kënë alɔ tëde Reɣum bɛ̈ny de wuöt ku Cimcai raan ee käŋ gɔ̈ɔ̈r ku kɔc luui ë keek në Thamaria ku jɔ ya wuöt kɔ̈k tɔ̈u në piny ë wɛ̈ɛ̈r ë Yuparat lɔŋ tui, wek cuk thiëëc, cäk niin apiɛth?

Edhr 5:7

Ku kë cï gɔ̈ɔ̈r thïn kï: “Kënë alɔ tëde Melik Dariouth yïn cuk thiëëc, cäk nin apiɛth?

Ethta 3:12

Ëtɛ̈ɛ̈n ɣɔn acïï nïn thiëër ku diäk de pɛɛi tueŋ guɔ ɣëët, ke Ɣaman ë cɔl kɔc ee kak ke Melik gɔ̈ɔ̈r, ku kuën keek löŋde, bïk pukic ë thook ke juöör ëbɛ̈n, ku gäär ke në kueer ye kɔc ke ee pinyë kaken gɔ̈ɔ̈r, ku bï ke tuöc bäny ke baai, ku bäny mac wuöt kedhie, bäny ke juöör, ku gäär keek ë rin ke Melik Athuwereth, ku jɔ keek thanyiic në këtim de Melik.

Ethta 8:9

Në kööl ɣɔn ye pɛɛi cɔl Thiban (yen acɔl Lal në thoŋda) thok thiërrou ku diäk, ke kɔc awereek ke Melik gɔ̈ɔ̈r acï ke bɛ̈n määtiic, ku gäärkï awereek cït man cï Modekayo e lɛ̈k keek, agokï gäär kɔc ke Judai ku bäny ke baai, ku bäny mac wuöt kabɔt ku thiërrou ku dhorou, jɔt ë Yindia agut cï piny de Kuc, aaye gäär wut në kueerdɛn ye kek gär, ku në thoŋdɛn yek piŋ ku gɛ̈ɛ̈rë Judai në kueerden ku thoŋden.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 3:4

go löŋ caal në röldït, an, “Wek kɔc ke juöör kedhie, ku thook!

Danyel 6:25

Na wën ke melik Dariouth ë gɛ̈ɛ̈r awerek juöör ëbɛ̈n ku kɔc ëbɛ̈n ku thook ëbɛ̈n ë piny nɔm an, “Wek cä thiëëc!

Danyel 6:27

Yen ee kony ku luɛ̈k, Yen ee göök looi ku looi kake gäi paannhial ku piny nɔm. Acï Danyel kony në luɔi bï ë kɔ̈ɔ̈r ye nɔ̈k.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Luɔi 2:6

Na wën, aacï jamë piŋ ë kɔc, ke kut ë kɔc ë guëër, gokï nïïm mum, raan ëbɛ̈n ë keek piŋ ke ke jam ë thoŋde guöp.

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Epethiei 1:2

Ë dhuëëŋdepiɔ̈u ë tɔ̈u ke week, ku mät, në ke bɔ̈ tëde Nhialic Wääda kekë Bɛ̈nydït Yecu Kërtho.

1 Tim 1:2

Ee Timotheo en gäär, ee mɛnhdiën yic në gämic: Ë dhuëëŋdepiɔ̈u ë ye tɔ̈u ke yïn, ku kokdepiɔ̈u, ku mät, në ke bɔ̈ tëde Nhialic Wääda ku Kërtho Yecu Bɛ̈nydandït.

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.