Danyel 3:7 - JAM DE NHIALIC 2011

⁷ Ku ee të wën piŋ kek röl de ka ye gut, go kɔc ke juöör kedhie ku thook kenïïm guöt piny ku lɛmkï kë de adhääp cï käär, kë wään looi ë melik Nebukadnedhar.

Danyel 3:7 ပူးပေါင်းရင်းမြစ်များ

Jeremia 51:7

Babilonia aa cït cum de adhääp në yaciin, ta Yɛn juöör ëbɛ̈n wiɛɛt. Juöör acïk mɔ̈nde thiic, ku jɔkï nïïm guɔ riääk.

Danyel 2:46

Go melik Nebukadnedhar yenɔm guöt piny, ku yöök kɔc bïk Danyel näk miɔ̈c ku nyupkï wal ŋïr.

Danyel 3:10

Acï lueel wään an, Të cï ka ye gut gut, ke raan ëbɛ̈n abï yenɔm guöt piny ku lɛm këde adhääp cï käär,

Danyel 3:4

go löŋ caal në röldït, an, “Wek kɔc ke juöör kedhie, ku thook!

Danyel 3:5

Wek bï röl de kaaŋ piŋ, abï kuany cök në röl de aruöör, ku thom, ku löör leŋ, ku löördït ku agiɛɛr, ku röl de ka ye gut ee kök abïk mɛt thïn. Të wën bï löör lɔ thïn, wek bï wenïïm guöt piny ku lamkï kë de adhääp cï käär wään looi ë melik Nebukadnedhar.

Danyel 3:6

Raan cïï yenɔm bï guöt piny ku lɛ̈m, abï dɛɛny ë many dɛ̈pic raan tök.

Danyel 3:8

Ku ëtɛ̈ɛ̈n kɔc kɔ̈k ke Babilonia acïk nyin ë lueth yök, bï kek kɔc ke Judai cop.

Luɔi 14:16

Ku acï juöör kedhie päl cäth ë kuɛɛrken ɣɔn nu rɛm thɛɛr.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 13:3

Ku yɛn ë nɔm tök ënïïm yiic tïŋ acït kë cï yup abï thöök, na wën, ke be dem yen të wën cï yup abï thöök: arëk abï piny nɔm gäi ëbɛ̈n ë lɛ̈n rɛɛcë:

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.