Danyel 3:5 - JAM DE NHIALIC 2011

⁵ Wek bï röl de kaaŋ piŋ, abï kuany cök në röl de aruöör, ku thom, ku löör leŋ, ku löördït ku agiɛɛr, ku röl de ka ye gut ee kök abïk mɛt thïn. Të wën bï löör lɔ thïn, wek bï wenïïm guöt piny ku lamkï kë de adhääp cï käär wään looi ë melik Nebukadnedhar.

Danyel 3:5 ပူးပေါင်းရင်းမြစ်များ

Diɛt 115:4

Yiëthken acï keek cuëëc në ateek ku adhääp, thɛ̈ɛ̈th ë raan keek ë yecin.

Danyel 2:46

Go melik Nebukadnedhar yenɔm guöt piny, ku yöök kɔc bïk Danyel näk miɔ̈c ku nyupkï wal ŋïr.

Danyel 3:10

Acï lueel wään an, Të cï ka ye gut gut, ke raan ëbɛ̈n abï yenɔm guöt piny ku lɛm këde adhääp cï käär,

Danyel 3:15

Ënɔɔnë të cä wek röl de kaaŋ piŋ, ku aruöör ku thom ku lɔ̈ɔ̈r leŋ ku lɔ̈ɔ̈r dït ku agiɛɛr ku ka kɔ̈k ye gut, guötkï wenïïm piny ku lamkï kë cï käär. Na cäkï loi, ke we bï cuat ë many dɛ̈pic raantök. Yak tak de yanh duëër we kony?”

Danyel 3:7

Ku ee të wën piŋ kek röl de ka ye gut, go kɔc ke juöör kedhie ku thook kenïïm guöt piny ku lɛmkï kë de adhääp cï käär, kë wään looi ë melik Nebukadnedhar.