Danyel 3:27 - JAM DE NHIALIC 2011

²⁷ Go kɔc kedhie, wɛ̈ɛ̈t meliik, ku bäny ke wuöt, ku bäny ke melik bɛ̈n, bïk wäthii kadiäk bɛ̈n woi, në luöi kën ë mac ke nyop, ku acïn aŋuäc de tol ë kegup.

Danyel 3:27 ပူးပေါင်းရင်းမြစ်များ

1 Mel 13:28

na wën aacï kɛɛc, ke lɔ ku yök guöp ë tiët ë Nhialic ke dhɔt kueer, ku kääc mul ë yelɔ̈ɔ̈m kekë köör. Ku köör akën guöpde raan cam ayï muul akën mak.

2 Mel 19:19

Ënɔɔnë Bɛ̈nydït Nhialicda luäkë wo bei në Athiriya cin, ke bï juöör ke piny nɔm lueel an, Yïn aye Nhialic Yïtök.”

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Danyel 3:21

Agokï keek duöt ke ke ceŋ lupɔɔken ëbɛ̈n Aluluut, Ajibɔɔ ku akuup ku käŋ kedhie ku deenykï keek në many dɛ̈pic.

Danyel 6:23

Melik acï piɔ̈u miɛt aläl ku yöök kɔc bïk Danyel miëët bei ë pul de kɔ̈ɔ̈r yiic. Agokï miëët bei, gokï tïŋ ke cïn guöp buɔ̈t taitai, në luɔi cï en Nhialic ŋɔ̈ɔ̈th.

Danyel 6:7

Wook wodhie wok kɔc lui ë ciɛɛŋdu yic, kɔc ee bääny tiit, ku bäny ke wuöt, ku bäny ke tɔŋ ke wuöt, ku bäny kɔ̈k, wok cï gam në luɔi bï yïn löŋ tääu piny ku mac aril. Tääuwë löŋ piny an, në nïn yiic kathiërdiäk (30), acïn raan bïï tɔ de kë lɛ̈ŋ tëde yanhdäŋ, ayï raandäŋ, ee tëde yïn, yïn melik. Ku raan lɔ ee löŋë rɛɛc gam, abïï cuat adhumic, adhum cï thiäŋ ke kɔ̈ɔ̈r.

Math 10:30

Acakaa nhïm ke wenïïm aye ke kueen kedhie.

Luɔi 26:26

Kakë aŋic melik keek, yɛn ë käŋ lueel ë yenɔm ke ya ril nyin: aŋiɛc ëgɔk an, cïn tök ë kakë yiic kë cï thiën en, kënë akënë looi athiaan.

Luɔi 27:34

Jakï cam, wek läŋ, yen abä wek pïïr. Acïn nhiëm töŋ ë raan tök bï määr ë weyiic.”

Ɣeberuu 11:34

Keek acïk bɛ̈n poth në manydïït ajaŋjaŋic, ku acïk poth abätɛ̈ɛ̈u ë kɔc ke ater thook. Aake kɔ̈c, ku acïk bɛ̈n riɛl në tɔŋic, ku yen aa tiɛɛm kek kɔc lei.