Danyel 3:26 - JAM DE NHIALIC 2011

²⁶ Go Nebukadnedhar lɔ në many dɛ̈p thok, ku cööt an, “Cadrak! Mecak! Abenego! Lïïm ke Nhialic Awärjäŋ! Bäkï bei!” Agokï bɛ̈n bei raantök.

Danyel 3:26 ပူးပေါင်းရင်းမြစ်များ

Cäk 14:18

Ago Melikidhedek, meliŋ de Thalem, ku ye bɛ̈ny dïït de kake Nhialic dïït nhial, këcam kekë mɔ̈u yiɛ̈n Abram.

1 Mel 8:51

Në luɔi ye kek kaku, kɔckuön ɣɔn bɛ̈ɛ̈iyë bei në maany ë wëëth dɛ̈pic në Rip.

Edhr 5:11

“Ku kën ë pukkï nɔm wook kï an, ‘Wok ee lïïm ke Nhialic de paannhial ku piny, ku wok be ɣöt yïk, Luaŋdït cï kɔn yïk thɛɛr në Melik dïït de Yithriɛl ku thöl.

Diɛt 66:12

Yïn cï kɔc ke aterda, tɔ dum wook, wok cï tëëk në macic kekë amool, ku ënɔɔnë Yïn cï wo bɛ̈ɛ̈i tëde kuɔɔny.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 52:12

Në ye aköölkë wek cïï bï jäl ë ruäny ruäny, wek cïï bï kɔc kɔɔr bäk röt kual. Bɛ̈nydït Nhialicdun abï week wat ku gël week në biäk kedhie.

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Danyel 3:17

Na cï Nhialic yok luööi, wo lëu në luäk në many dɛ̈pic, ku në riɛldu yic, ka duëër looi.

Danyel 4:2

Piɛŋkï kakiën ke gäi ku göök cïï Nhialicdït nyuöth ɛn.

Danyel 6:20

Na wën cï en ɣet ee të wën nu ë Danyel ke cöt në riɔ̈ɔ̈c ku jiɛthëpiɔ̈u an, Danyel, lïm de Nhialic pïïr! Cï Nhialic ye luööi ë yïpiɔ̈u ëbɛ̈n yï lëu në kuny ë kɔ̈ɔ̈r thook?

Danyel 6:21

Go Danyel bɛ̈ɛ̈r an, “Yïn bï pïïr athɛɛr, melik!

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Luɔi 16:17

Go wo kuany cök wokë Paulo, en ee nyanë, ke ye cööt an, “Röörkë ayek lïïm ke Nhialic Awärjäŋ, kɔc guïïr wook në kueer ë kunydewëi!”

Luɔi 16:37

Go Paulo lueel an, “Acïk wo dui ë kɔc nïïm, ke wo kënë yiëk nïïm gääk, ku yok Romai, ku acïk wo cuat ë aloocic, ku duëërkï wook jäp biic ëcuëër ënɔɔnë? Acie yen, në ke bɔ̈ kegup, bïk wo bɛ̈n bɛ̈ɛ̈i bei.”

Luɔi 27:23

Tunynhial aa kääc ë yalɔ̈ɔ̈m wënakɔ̈u, tuny de Nhialic, Nhialic a yɛn lïmde ku ee yen ya lam,

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.

Jocua 3:17

Ku bäny ke kake Nhialic wën ɣɛ̈ɛ̈c athänduŋ de män ë Bɛ̈nydït, aake kääc të ril në wɛ̈ɛ̈r de Jordanic cil. Ku tɔkï jur tëm ëbɛ̈n, ke ke cath të ril ayadäŋ.

Jocua 4:10

Ago bäny ke kake Nhialic wën ɣɛ̈ɛ̈c athänduk bɛ̈n kɔ̈ɔ̈c ë Jordanic cil ëtɛ̈ɛ̈n, abï këriëëc kɔn thök ë luɔɔi ëbɛ̈n, kë cïï Bɛ̈nydït lɛ̈k Jocua an looi ë kɔc ke Yithriɛl cït man ɣɔn lëk ë Mothe ye Jocua. Kɔc acïk wɛ̈ɛ̈r dap bɛ̈n teem kɔ̈u.

Nyuuth 19:5

Ku bɔ̈ röl ë raan bei ë thöönydïtic, lueel, an, “Lɛckï Nhialicda, wek lïïmke kedhie, wek kɔc ee ye riëëu, kɔc kor ayï röördït!”